23.7.12

ဦးနု နှင့် ဗိုလ်ချုပ်နေ၀င်းတို့၏ ၁၉၅၈ ခု စက်တင်ဘာ ၂၆ ရက်စွဲဖြင့် အပြန်အလှန် ပေးစာ ၂ စောင်..။

(ဆရာစိန်ဝင်းစိန် ဘာသာပြန်ဆိုသည့် ဦးနု (U Nu of Burma By Richard Butwell) စာအုပ်ကို လောကသစ်စာပေမှ ၂၀၁၂ မတ်လအတွင်း ပထမအကြိမ် ထုတ်ဝေခဲ့သည်။ စာအုပ်တွင် နောက်ဆက်တွဲ (က) အနေဖြင့် ၃-၇-၁၉၅၆ နေ့စွဲဖြင့် ဦးကျော်ငြိမ်းမှ ဦးနုထံ ပေးစာ ၊ နောက်ဆက်တွဲ (ခ) အဖြစ် ၆-၇-၁၉၅၆ နေ့စွဲဖြင့် ဦးနုမှ ဦးကျော်ငြိမ်းသို့ ပြန်စာ ၊ နောက်ဆက်တွဲ (ဂ) အဖြစ် ဦးနုမှ ဗိုလ်ချုပ်နေ၀င်းသို့ ပေးစာ ၊ နောက်ဆက်တွဲ (ဃ) အဖြစ် ဗိုလ်ချုပ်နေ၀င်းမှ ဦးနုသို့ ပြန်စာ၊ စသည်ဖြင့် စာ ၄ စောင်ကို ဖော်ပြပေးထားပါသည်။ စာများသည် စိတ်ဝင်စားဖို့ ကောင်းသည်။ ထိုစာများအနက်မှ နောက်ဆက်တွဲ (ဂ နှင့် ဃ)ကို အလွယ်တကူ ဖတ်ရှုရန် အခက်အခဲဖြစ်နိုင်သည့် ရပ်ဝေးမိတ်ဆွေများအတွက် ယခုနေရာတွင် ဖော်ပြခွင့်ပြုပါရန် ဆရာစိန်ဝင်းစိန် ၊ လောကသစ်စာပေနှင့် အခြား စာအုပ်နှင့် သက်ဆိုင်သူများအား လေးစားစွာ ပန်ကြားအပ်ပါသည်။)










* * * * * * *

17.7.12

မောင်မောင်လှမြင့် ၊ဗြိတိသျှကို တော်လှန်ခဲ့သည့် ဗန္ဓက..။

(ရနံ့သစ် လက်ရွေးစင် ဆောင်းပါးများ အမှတ် ၂ စာအုပ်ကို ၂၀၁၁ ဒီဇင်ဘာလ အတွင်းက နေရီရီစာပေမှ ပထမအကြိမ် အဖြစ် ထုတ်ဝေခဲ့သည်။ ၂၀၁၀ ခုနှစ်အတွင်း ထုတ်ဝေခဲ့သော ရနံ့သစ်မဂ္ဂဇင်း  အမှတ် ၁၃ ဇန်န၀ါရီမှ အမှတ် ၂၄ ဒီဇင်ဘာအတွင်း ဖော်ပြခဲ့သော ဆောင်းပါးများမှ ရွေးချယ် စုစည်းမှု ဟု စာအုပ်တွင် ဖော်ပြထားသည်။ ဖတ်ရှုရမည့် ဆောင်းပါးများ အသေအချာဖြစ်သည်။ 
ရနံ့သစ် လက်ရွေးစင် ဆောင်းပါးများ အမှတ် ၂ စာအုပ်ကို အလွယ်တကူ မဖတ်ရှုနိုင်မည့် နေရာဒေသများမှ မိတ်ဆွေများအတွက်  စာမျက်နှာ ၆၀ - ၆၇ တွင် ဖော်ပြထားသည့် ဆရာ မောင်မောင်လှမြင့် ဗြိတိသျှကို တော်လှန်ခဲ့သည့် ဗန္ဓကဆာင်းပါးအား ဖော်ပြအပ်ပါသည်။ ခွင့်ပြုပါရန် ဆရာမောင်မောင်လှမြင့်၊ စာအုပ်တိုက်နှင့် အခြား သက်ဆိုင်သူများအား လေးစားစွာ ပန်ကြားအပ်ပါသည်။)








* * * * * * *

9.7.12

ဂျပန်ခေတ်က ထုတ်ဝေခဲ့သော တံဆိပ်ခေါင်းအချို့..။

(မြန်မာ့တံဆိပ်ခေါင်းအဟောင်းများသည် နိုင်ငံတကာ ဈေးကွက်တွင် ဈေးချိုသည်ဟု ယေဘုယျ သတ်မှတ်နိုင်သည်ဟု ထင်၏။ ဈေးနှုန်း ချိုသာသည့်အတွက် ဈေးကွက်တွင် မည်သို့ အကျိုးမဲ့သည် ၊ အကျိုးရှိသည်ကို သေချာ မဆန်းစစ်တတ်သော်လည်း တစ်ဦးချင်း ၀ယ်ယူ စုဆောင်းသူများ အတွက်မူ အကျိုးရှိသည်။ ဈေးချိုသဖြင့် ကမ္ဘာ့အကြီးကျယ်ဆုံး တံဆိပ်ခေါင်း ရောင်းဝယ်ရာ ဌာနများမှပင် ကိုယ်တတ်နိုင်သည့် ငွေကြေးဖြင့် ကိုယ်နှစ်သက်ရာ အချို့ကို ၀ယ်ယူနိုင်ပါသည်။ ဂျပန်ခေတ်က ထုတ်ဝေခဲ့သည့် မြန်မာတံဆိပ်ခေါင်း အချို့ဖြစ်သည်။)

မြန်မာ့တံဆိပ်ခေါင်း အဟောင်းအချို့၏ နိုင်ငံတကာ ပေါက်ဈေးနှုန်းများ   http://www.stanleygibbons.com/stanleygibbons/view/content/sg_search/sgproductcatalog?searchBox=yes&query=Burma&filter=general&submitSearchButton=Search+%3E







* * * * * * * *

တင်နိုင်တိုး ၊ မြန်မာ မျက်စိကု ဆရာကြီး ဦးလွန်းဖေ..။

(ရနံ့သစ် လက်ရွေးစင် ဆောင်းပါးများ အမှတ် ၂ စာအုပ်ကို ၂၀၁၁ ဒီဇင်ဘာလ အတွင်းက နေရီရီစာပေမှ ပထမအကြိမ် အဖြစ် ထုတ်ဝေခဲ့သည်။ ၂၀၁၀ ခုနှစ်အတွင်း ထုတ်ဝေခဲ့သော ရနံ့သစ်မဂ္ဂဇင်း  အမှတ် ၁၃ ဇန်န၀ါရီမှ အမှတ် ၂၄ ဒီဇင်ဘာအတွင်း ဖော်ပြခဲ့သော ဆောင်းပါးများမှ ရွေးချယ် စုစည်းမှု ဟု စာအုပ်တွင် ဖော်ပြထားသည်။ ဖတ်ရှုရမည့် ဆောင်းပါးများ အသေအချာဖြစ်သည်။
ရနံ့သစ် လက်ရွေးစင် ဆောင်းပါးများ အမှတ် ၂ စာအုပ်ကို အလွယ်တကူ မဖတ်ရှုနိုင်မည့် နေရာဒေသများမှ မိတ်ဆွေများအတွက်  စာမျက်နှာ ၂၄ - ၂၇ တွင် ဖော်ပြထားသည့် ဆရာတင်နိုင်တိုးမြန်မာ မျက်စိကု ဆရာကြီး ဦးလွန်းဖေ ဆောင်းပါးအား ဖော်ပြအပ်ပါသည်။ ခွင့်ပြုပါရန် ဆရာတင်နိုင်တိုး၊ စာအုပ်တိုက်နှင့် အခြား သက်ဆိုင်သူများအား လေးစားစွာ ပန်ကြားအပ်ပါသည်။ Weekly Eleven News တွင် အပတ်စဉ် ဖော်ပြနေသည့် ဆရာတင်နိုင်တိုး၏ မှတ်စုမှတ်တမ်း သမိုင်းဆောင်းပါးများမှာလည်း စိတ်ဝင်စား လေ့လာဖတ်ရှုစရာများ ဖြစ်သည်။)




* * * * * * *

2.7.12

ဆာစောချယ်၏ စခန်းသာ နွေရာသီဟော်နန်းမှ အုတ်များ၊ ကြွေပြားများ ခွာယူနေမှု မှတ်တမ်း။




ကျောက်မဲမြို့နယ် စခန်းသာ ကျေးရွာအနီး တည်ရှိသည့် စခန်းသာ နွေရာသီ ဟော်နန်းကို သီပေါစော်ဘွားကြီး ဆာစောချယ်မှ ၁၉၀၀ ခုနှစ်များ အစပိုင်းတွင် တည်ဆောက်ခဲ့သည်ဟု မှတ်တမ်းများအရ သိရပါသည်။ စာရေးဆရာကြီး မြသန်းတင့်က သူ၏ လွမ်းမောဖွယ် ကမ္ဘောဇ သို့မဟုတ် သံလွင်၊ ဒုဠ၀တီ၊ ရွှေလီ ရုပ်ပုံလွှာ စာအုပ်တွင် စခန်းသာ ဟော်နန်းအကြောင်း အသေးစိတ် ရေးသား မှတ်တမ်းတင်ခဲ့သည်။

စခန်းသာ ဟော်နန်းသည် ဆယ်စုနှစ်များစွာ အတွင်း အမျိုးမျိုးသော လောကဓံကို ခံယူရင်း တဖြည်းဖြည်း ယိုယွင်းပျက်ဆီး လာနေပြီ။ တနှစ်ထက် တနှစ် ဆိုးရွားစွာ ပြိုလဲလာနေပြီ။ အသေးစိတ် မှတ်တမ်းများ မရှိသဖြင့် မည်မျှ ပျက်ဆီးနေပြီကို မသိနိုင်သော်လည်း ၂၀၁၀ ခုနှစ် ဇန်န၀ါရီလ နှင့် ၂၀၁၂ ခုနှစ် မတ်လ အတွင်းက ဓါတ်ပုံများကို နှိုင်းယှဉ်ကြည့်မည် ဆိုပါက အနည်းငယ်တော့ မှန်းဆနိုင်မည်ဟု ထင်ပါသည်။ (၂၀၁၀ ဇန်န၀ါရီလအတွင်းက ရိုက်ကူးထားသည့် ဓါတ်ပုံများကို ဤနေရာတွင် ကြည့်ရှုနိုင်ပါသည်။ http://www.mingalarpar.org/2011/03/blog-post.html)

၂၀၁၂ ခုနှစ် အတွင်းတွင်တော့ လူများ၏ ပရောဂဖြင့် အဆုံးတိုင် ပျောက်ကွယ်သွားဖို့ နီးကပ်နေပြီဟု ထင်ပါသည်။ ဟော်နန်းရှိ အုတ်နံရံများ၊ ကြမ်းခင်းများကို ဖြိုဖျက်ပြီး အုတ်များ၊ ကျောက်ပြားများကို ခွာယူနေသည့် ပုံများကို အောက်တွင် ကြည့်ရှုနိုင်ပါသည်။  ၂၃-၃-၁၂ နေ့က ဓါတ်ပုံမှတ်တမ်းများ ဖြစ်ပါသည်။

ယခု အချိန်သည် မြန်မာနိုင်ငံတွင်းရှိ တိုင်းရင်းသား လူမျိုးများ အားလုံး ခင်မင်ရင်းနှီးစွာ ယုံကြည်မှုဖြင့် လက်တွဲပြီး ဒီမိုကရေစီ ပန်းတိုင်သို့ ငြိမ်းချမ်းစွာ ပူးပေါင်း ချီတက်နေသော အချိန်ဖြစ်သည်ဟု မီဒီယာမှတ်တမ်းများအရ သိနိုင်ပါသည်။ တဦးကို တဦး နားလည်စွာဖြင့်ယုံကြည်ပြီး မနက်ဖြန်များကို တည်ဆောက်ကြမည့်နည်းတူ မနေ့က တည်ဆောက်ပြီးခဲ့သည့် သမိုင်း ယဉ်ကျေးမှု အမွေအနှစ်များ၊ ရှေးဟောင်း အဆောက်အဦများကို ကူညီထိန်းသိမ်းကြမည် ဆိုရင်ဖြင့် ယခုထက် တဦးကို တဦး ပိုမို ယုံကြည် နားလည်လာလိမ့်မည်ဟု ထင်ပါသည်။

စခန်းသာ နွေရာသီဟော်နန်းကို ရှေးဟောင်း အဆောက်အဦ အနေဖြင့် သမိုင်းတန်ဖိုးအတွက် ထိန်းသိမ်းသင့်သည်သာမက စီးပွားရေး တန်ဖိုးအနေဖြင့်လည်း နိုင်ငံခြားသားများ စိတ်ဝင်စားရာ နေရာတခု အဖြစ် ပြောင်းလဲဖန်တီးပြီး အသုံးချနိုင်သည်ကို အားလုံး သိနားလည်မည်ဟု မျှော်လင့်ပါသည်။




Forbidden Glimpses of Shan State စာအုပ်မှာ ရေးသားထားသည့် စခန်းသာဟော်နန်း

  google earth ကောင်းကင်ဓါတ်ပုံမှ မြင်တွေ့ရသည့် ဟော်နန်း တည်နေရာ (၂၀၀၄ ပုံရိပ်)

၂၀၁၂ မတ်လ အတွင်းက ဟော်နန်း အနီးဝန်းကျင်ကို မြင်တွေ့ရသည်ပုံ (ကောင်းကင်ပုံနှင့် နှိုင်းယှဉ်ကြည့်နိုင်ရန် ဖြစ်သည်။ ရေကန်ကို reference point ယူနိုင်သည်)


လွမ်းမောဖွယ် ကမ္ဘောဇ သို့မဟုတ် သံလွင်၊ ဒုဠ၀တီ၊ ရွှေလီ ရုပ်ပုံလွှာ စာအုပ်တွင် စာရေးဆရာကြီး မြသန်းတင့်က စခန်းသာ ဟော်နန်း တည်နေရာနှင့် ပတ်သက်ဤသို့ ရေးသားခဲ့သည်။ (.... ကျွန်တော်တို့ ကားနှစ်စင်းသည် စခန်းသာရွာကို လွန်လျှင် လက်ယာဘက်သို့ ဆင်းသော လှည်းလမ်းကလေးအတိုင်း ဆင်းလာခဲ့သည်။ မော်တော်ကားသည် ကြမ်းတမ်းသော မြေနီလမ်းကလေးအတိုင်း တောင်ကုန်းပေါ်သို့ ကွေ့ပတ် တက်လာခဲ့ပြီးနောက် တောင်ကုန်းထိပ်ရှိ အုတ်တံတိုင်း နိမ့်နိမ့် ကာထားသည့် ၀င်းကြီးတစ်ခုထဲသို့ ၀င်လိုက်လေသည်။ ကျွန်တော်တို့သည် ကားပေါ်မှဆင်းကာ တစ်ပိုင်းတစ်စ ပြိုပျက်နေသည့် ခေတ်မီ အဆောက်အအုံကြီးကို တအံ့တသြဖြင့် ငေးကြည့်မိကြသည်။ ထိုအဆောက်အအုံကား ကွယ်လွန်သူ သီပေါစော်ဘွားကြီး ဆာစောချယ်၏ နွေရာသီ ဟော်နန်းဖြစ်၍ "စခန်းသာဟော်" ဟု အမည်တွင်လေသတည်း။ တအံ့တသြဖြင့် ငေးကြည့်မိကြသည်ဟု ကျွန်တော် ပြောခဲ့ပါသည်။ အခြားကြောင့်မဟုတ်။ ဤမျှ ချောင်ကျ၍ ဤမျှ အထီးကျန်နိုင်လှသော တောခေါင်ခေါင် တောင်ကုန်းကြီးပေါ်တွင် ဤမျှ ခေတ်မီ၊ ဤမျှ ခမ်းနား၊ ဤမျှ လှပသော အဆောက်အအုံကြီးကို အထီးတည်း တွေ့ရသောကြောင့် ဖြစ်ပါသည်။)


၁၉၀၀ အစောပိုင်းနှစ်များက စခန်းသာ ဟော်နန်း တည်ဆောက်ရာတွင် အသုံးပြုခဲ့သော အုတ်များ။ နှစ်ပေါင်းများစွာ ကြာမြင့်သည့်တိုင်အောင် အုတ်များ၏ အရည်အသွေးက မြင့်မားနေဆဲ ဖြစ်သည်။ သည့်အတွက်ကြောင့်ပင် ဖြိုဖျက်ခံနေရသည်လား မသိနိုင်။ အုတ်နံရံများကို ဖြိုဖျက်ပြီး အုတ်ခဲများကို စုပုံကာ သယ်ယူရန် ပြင်ဆင်ထားသည်ကို တွေ့နိုင်ပါသည်။





မြေအောက်ခန်း







ကြမ်းခင်း သမံတလင်းများကိုလည်း တူးဆွ ထားပါသည်။ ကြမ်းခင်း လောင်းခဲ့စဉ်က အောက်ခြေတွင် သတင်းစာများ ခင်းထားသဖြင့် ထိုခေတ် ထိုအခါက အင်္ဂလိပ် သတင်းစာများကိုလည်း တွေ့မြင်နိုင်ပါသည်။ သတင်းစာများသည် ယခုတော့ မိုးလေတို့ဖြင့် ပျက်ဆီး သွားကြပေတော့မည်။ (သတင်းစာထဲတွင် ၁၉၂၅ ခုနှစ် ဟု တွေ့နိုင်သည်။ ရက်စွဲတော့ မသိနိုင်)






































































စခန်းသာ ဟော်နန်းရှေ့က အလံတိုင်နေရာ

 * * * * * * * * *