27.5.12

ဦးဘဖေ ၊ ဦးပု ၊ ဦးထွန်းရှိန် တို့၏ ဓါတ်ပုံများ...။

ဦးဘဖေ ၊ ဦးပု ၊ ဦးထွန်းရှိန် တို့၏ ဓါတ်ပုံများကို ဆရာ လှကွန့် ပြုစုသည့် ဘေ ပု ရှိန် သို့မဟုတ် ဗမာ့နိုင်ငံရေးကို ကိုင်လှုပ်ခဲ့သော ထိုသုံးဦး စာအုပ်မှ ကူးတင်ထားပါသည်။ မြန်မာ့နိုင်ငံရေး သမိုင်းထဲမှ ပုဂ္ဂိုလ်ကြီးများ၏ ရုပ်ပုံများကို မြင်ဖူးသိရှိ ကြည့်ရှုနိုင်စေရန် ရည်ရွယ်ပါသည်။ (ပထမအကြိမ် ၊ ၁၉၇၆ ဇွန်လ ၊ ၀ံသာနု စာအုပ်တိုက်မှ) ဓါတ်ပုံများကို ကူးတင်ဖော်ပြခွင့် ပြုပါရန် ဓါတ်ပုံများ ၊ စာအုပ်နှင့် သက်ဆိုင်သူများကို လေးစားစွာ ခွင့်တောင်း ပန်ကြားအပ်ပါသည်။ ဦးဘဖေ ၊ ဦးပု ၊ ဦးထွန်းရှိန်တို့၏ ဘ၀ဖြစ်စဉ် နှင့် နိုင်ငံရေးလှုပ်ရှားများအား ပြုစုထားသော စာအုပ်ဖြစ်သဖြင့် ယခုအခါ  ပြန်လည် ထုတ်ဝေသင့်သော စာအုပ်တစ်အုပ်လည်း ဖြစ်သည်။

ဦးပု
၁၂၄၃ ခုနှစ် နတ်တော်လဆန်း ၁၅ ရက် တနင်းလာနေ့တွင် ရွှေကျင်မြို့တွင် မွေးဖွားခဲ့ ။ မိဘများမှာ ပြည့်စုံကြွယ်ဝသော သစ်ကုန်သည်များဖြစ်။ ဦးပုကို မွေးပြီး ၄ နှစ်အကြာ ၁၈၈၅ခုနှစ်တွင် အထက်မြန်မာပြည်သည် အင်္ဂလိပ် လက်အောက် ကျရောက်။ ရွှေကျင်တွင် သတ္တမတန်းအထိ ပညာသင်။ ရန်ကုန်မြို့ ရန်ကုန်အစိုးရ ဟိုက်စကူးတွင် ပညာဆက်သင်။ ဆယ်တန်းကို အသက် ၁၆ နှစ် ၁၈၉၇ တွင် ဖြေဆိုအောင်မြင်။ ၁၈၉၈ တွင် ရန်ကုန်ကောလိပ်တွင် ပညာသင်။ ၁၉၀၇ တွင် အင်္ဂလန်သို့ ဥပဒေပညာတော်သင်အဖြစ်သွား။ မြန်မာ့နိုင်ငံရေးသို့ ၀င်ရောက်။ 

ဦးဘဘေ (ဘကြီးဘဘေ)
၁၈၈၄ မေလ ၁၇ ရက်၊ ၁၂၄၇ ကဆုန်လဆန်း ၁၁ ရက်တွင် သာယာဝတီခရိုင် ကြို့ပင်ကောက်မြို့ မြို့မိမြို့ဖနှင့် မြူနီစီပယ်လူကြီးဖြစ်သူ မိဘ ဦးအို ဒေါ်မှင်တို့မှ မွေးဖွား။ တ္တမတန်းအထိ ကြို့ပင်ကောက်မြို့ ရိုမင်ကက်သလစ်ဂိုဏ်း ခရစ်ယာန် သာသနာပြုကျောင်းတွင် ပညာသင်။ ရန်ကုန်မြို့ ရန်ကုန်အစိုးရ ဟိုက်စကူးတွင် ပညာဆက်သင်။ရန်ကုန်ကောလိပ်၊ ကာလကတ္တား တက္ကသိုလ်မှ ၀ိဇ္ဇာတန်း ဘီအေဘွဲ့ရ။ ၁၉၀၆ တွင် ၀ိုင်အပ်ဘီအေ ခေါ် ဗုဒ္ဓါကလျာဏယုဝအသင်းကို တည်ထောင်။ မြန်မာ့နိုင်ငံရေးသို့ ၀င်ရောက်။

ဦထွန်းရှိန်
ဦးထွန်းရှိန် သူ့ခေတ်သူ့အခါက အထူးချွန်ဆုံး၊ အစွန့်လွှတ်နိုင်ဆုံး၊ ပြည်သူများ အချစ်ခင်ဆုံး နိုင်ငံရေးသမားအဖြစ် မှတ်တမ်းများမှာ ဖတ်နိုင်သည်။ ၁၂၅၂ ပြာသိုလဆန်း ၄ ရက် (၁၈၉၀ ခုနှစ်တွင်) ဦးမောင်ကြီး ဒေါ်ခင်တို့မှ (ပုသိမ်တွင်) မွေးဖွား။ ဖခင်ဘက်မှ အဘိုးသည် ပုဂံမင်းလက်တက်က နေမျိုးသီရိဇေယျနော်ရထာဘွဲ့ရ။ မိခင်ဘက်မှ အဖိုးသည် ပုသိမ်မြို့ ကျောက်ချောင်းကြီး သူကြီးဖြစ်။ အသက် ၇ နှစ်တွင် ဖခင်ကွယ်လွန်။ တ္တမတန်းအထိ ပုသိမ်မြို့တွင် ပညာသင်။ ရန်ကုန်ကောလိပ်မှာ ပညာသင်။ မိခင်မုဆိုးမမှ ကျောင်းစရိတ် မတတ်နိုင်သဖြင့် သူများ အထောက်အပံ့ဖြင့် ပညာသင်။ အပျော်တမ်းတပ်ထဲ ၀င်ရောက် စစ်ပညာသင်။ ၂၂ နှစ်အရွယ် ၁၂၇၄ ခုနှစ် (၁၉၁၂)တွင် မန္တလေးမြို့ ဗုဒ္ဓါဘာသာ သာသနာ့ နုဂ္ဂဟကျောင်းကြီးတွင် ကျောင်းအုပ်ဆရာကြီးအဖြစ် တာဝန်ယူ။ သခင်ဘသောင်း၏ ဆရာရင်းဖြစ်။ ၁၉၂၀ မေလ အတွင်း ရန်ကုန်မြို့တွင် ကွယ်လွန်။

( ဘေ ပု ရှိန် သို့မဟုတ် ဗမာ့နိုင်ငံရေးကို ကိုင်လှုပ်ခဲ့သော ထိုသုံးဦး စာအုပ်မှ ကောက်နှုတ်ထား)

ပန်းချီ - စံတိုး
























* * * * * * *

No comments:

Post a Comment