29.12.11

မောင်တင်ဆင့် ၊ ကြယ်တာရာများဆီ ခရီးထွက်သွားသော ထာဝရခရီးသည်ကြီး..။

(ကျွန်တော် သိမ်းဆည်းထားသည့် မဟေသီမဂ္ဂဇင်း ဖြတ်စတစ်ခုမှ ကူးယူထားပါသည်။ မဟေသီမဂ္ဂဇင်း အမှတ်စဉ်ကို မမှတ်သားမိခဲ့ပါ။ ဤနေရာတွင် ကူးယူဖော်ပြခွင့် ပြုပါရန် မူရင်းဆောင်းပါးကို ရေးသားခဲ့သည့် ဆရာမောင်တင်ဆင့် ၊ မဟေသီမဂ္ဂဇင်း  နှင့် အခြား သက်ဆိုင်သူများကို လေးစားစွာ ပန်ကြားအပ်ပါသည်။)





* * * * * * * * * *

27.12.11

စောလူ ၊ ချဲ့ချဲ့ထွင်ထွင် ရာဇဝင်မူအတိုင်း..။

 ရာပြည့်အတွေးဆောင်းပါးများ၊ ၁၉၉၇
ရာပြည့်စာအုပ်တိုက် ၊ ပထမအကြိမ် ၊ ၁၉၉၈ ခုနှစ် ဇွန်လ ၊ စာမျက်နှာ ၃၂ - ၄၁ မှ ကူးယူထားပါသည်။

နေရာတွင် ကူးယူဖော်ပြခွင့် ပြုပါရန် မူရင်းဆောင်းပါးကို ရေးသားခဲ့သည့် ဆရာစောလူ ၊ ချယ်ရီမဂ္ဂဇင်း ၊ ရာပြည့်စာအုပ်တိုက် နှင့် အခြားသက်ဆိုင်သူများကို လေးစားစွာ ပန်ကြားအပ်ပါသည်။












* * * * * * * * * *

25.12.11

ဦးဖေမောင်တင် ၊ တက္ကသိုလ် နှင့် မြန်မာစာပေ..။

ရန်ကုန်တက္ကသိုလ် စိန်ရတုအထိမ်းအမှတ် စာစောင် အပိုင်း ၁ ၊ ၁၉၉၅ ခုနှစ် ဒီဇင်ဘာ ။ စာမျက်နှာ ၂၅ - ၃၇ မှ ကူးယူထားပါသည်။

ဆရာကြီး ဦးဖေမောင်တင်၏ ဆောင်းပါးအား ဤနေရာတွင် ကူးယူဖော်ပြခွင့် ပြုပါရန် မူရင်းဆောင်းပါးနှင့် သက်ဆိုင်သူများအား လေးစားစွာ ပန်ကြားအပ်ပါသည်။ 

ဦးတင် ၊ ဦးပွား

 ဦးဖိုးစိန် ၊ ဦးလင်း
 
 












* * * * * * * * *

20.12.11

မျိုးမြတ်သူ ၊ ထပ်တူ ... Kan Pai

(၅-၁၀-၂၀၁၀၊ လွန်ခဲ့တဲ့ တစ်နှစ်လောက်က သူငယ်ချင်းတစ်ယောက် ထပ်ဆင့်ပို့လိုက်တဲ့ အီးမေး စာတစ်စောင်ကို ရရှိခဲ့ပါသည်။ ထိုစာမှာ ရနံ့သစ်မဂ္ဂဇင်း မှ ဆရာမျိုးမြတ်သူ၏ ထပ်တူ ဆောင်းပါးကို အဆင့်ဆင့် ဖြန့်ဝေခဲ့ကြသည့် စာဖြစ်၏။ ဆောင်းပါးကို နှစ်သက်လှသဖြင့် ထိုစာကို သိမ်းဆည်းထားခဲ့သည်။ ရာပြည့်စာအုပ်တိုက်မှ ထုတ်ဝေသည့် ရာပြည့်အတွေးဆောင်းပါးများ၊ ၁၉၉၇ စာအုပ်မှာ အထက်ပါ ဆောင်းပါးကို ထပ်မံ ဖတ်ရသဖြင့် နေရာတွင် ဖော်ပြအပ်ပါသည်။ နေရာတွင် ကူးယူဖော်ပြခွင့် ပြုပါရန် မူရင်းဆောင်းပါးကို ရေးသားခဲ့သည့် ဆရာမျိုးမြတ်သူ ၊ ရနံ့သစ် မဂ္ဂဇင်း ၊ ရာပြည့်စာအုပ်တိုက် နှင့် အခြား သက်ဆိုင်သူများကိုလည်း လေးစားစွာ ပန်ကြားအပ်ပါသည်။ သိခွင့်၊ ဖတ်ခွင့်၊ နားလည်ခွင့် ရခဲ့သည့်အတွက်လည်း အထူးကျေးဇူးတင်ပါသည်။)

 မျိုးမြတ်သူ ၊ ထပ်တူ ၊ ရာပြည့်အတွေးဆောင်းပါးများ၊ ၁၉၉၇ ၊ စာမျက်နှာ ၇၄ မှ ၈၂ ထိ










မှတ်စု ။  ။ ဤဆောင်းပါးတွင် ပါရှိသည့် ဆရာ ဇွန်မိုးဦးအကြောင်း သိသလောက် ပြောလိုပါသည်။ ဆရာဇွန်မိုးဦးသည် ယခုအခါ မျက်စိအလင်း မမြင်နိုင်တော့သည့်သူတစ်ဦး အဖြစ် ကျောက်ပန်းတောင်းမြို့မှာ နေထိုင်လျက်ရှိပြီး၊  ဇနီးသည်၏ အကူအညီဖြင့် နေ့စဉ်ဘ၀ကို ဖြတ်သန်းလျက် ရှိပါသည်။






* * * * * * * * * *


(gmail မှ စာကို တိုက်ရိုက် ကူးယူထားခြင်း ဖြစ်သဖြင့် ပထမဦးဆုံး စာရိုက်ခဲ့သည့် အမည်မသိသောသူကို ကျေးဇူးတင်ပါသည်။)

အဆိုတော် ၀ိုင်ဝိုင်း ရဲ့ ဖြေသိမ့်လိုက် ဆိုတဲ့  သီချင်းလေး ဖြစ်ပါတယ်။ အချစ်ငှက် အခွေထဲက ဖြစ်ပါတယ်။ ၀ိုင်ဝိုင်းဟာ တရုတ်နဲ့  ဂျပန် သီချင်းတွေကို အများဆုံး ပြန်လည် သီဆိုလေ့ရှိပါတယ်။ ဒီသီချင်းလေးကတော့ ဂျပန်သီချင်းလေးကို ပြန်လည် သီဆိုထားတာဖြစ်ပါတယ်။ ဒီသီချင်းဟာ မြန်မာ ပရိတ်သတ်တွေကြားမှာ အလွန် ရေပန်းစားလှပါတယ်။ ထို့ အတူ မူရင်း ဂျပန်သီချင်းဖြစ်တဲ့ Kan Pai မှာလဲ ရာဇ၀င်လေးတွေ ရှိနေပါတယ်။ ဒီသီချင်းလေးနဲ့  ပတ်သက်ပြီး ကျနော်တို့  အရမ်းကြိုက်တဲ့ ပန်းချီဆရာ အဆိုတော် ခင်ဝမ်း မှာ ပြောပြစရာတွေ ရှိနေပါတယ်။ လေးစားဖို့ ကောင်းတဲ့ အနုပညာရှင်တစ်ဦးလဲ ဖြစ်သလို သူ့ ရဲ့အနုပညာအပေါ် ခံယူချက်ကိုလဲ သဘောကျမိတာကြောင့် အောက်က ဆောင်းပါး ကောက်နုတ်ချက်လေးကို သူငယ်ချင်းများ ဖတ်ဖို့  ဖော်ပြပေးလိုက်ပါတယ်။ 

၁၉၉၇ သြဂုတ်လ ၁၀ ရက်နေ့ မှာ ကိုခင်ဝမ်းနဲ့ ကျွန်တော်  ဆုံတွေ့ ခဲ့ပါတယ်။ ၄၅ လမ်းက IVY ပန်းချီပြခန်း ရှေ့ တိုက်ခန်းမှာ ပန်းချီဆွဲနေတဲ့  ကိုခင်ဝမ်းက အကြောင်းကိစ္စ တစ်ခုကြောင့် ကျွန်တော်နဲ့ တွေ့ ချင်တယ်လို့  ဖုန်းဆက်ပြီး မှာတာနဲ့  သွားရောက်ခဲ့တာပါ။ အကြောင်းအရင်းက သူ့ ရဲ့  မိတ်ဆွေ ဂျပန် အမျိုးသားတစ်ဦးနဲ့  ကျွန်တော့်ကို မိတ်ဆွေဖွဲ့ ပေးတာပါ။ ကျွန်တော်တို့ နှစ်ယောက်ကို ခင်မင်ရင်းနှီးတဲ့ မိတ်ဆွေတွေ ဖြစ်သွားစေချင် လို့ တွေ့  ဆုံပေးခြင်းမျှသာ ဖြစ်ပါတယ်။ အဲဒီ ဂျပန်မိတ်ဆွေ က မြန်မာစကား နည်နည်း တတ်ပါတယ်။ အင်္ဂလိပ်စကားလည်း တတ်ပါတယ်။ ကျွန်တော်ကလည်း ဂျပန်စကား နည်းနည်းတတ်ပါတယ်။

ကိုခင်ဝမ်းရယ် ၊ ဂျပန်မိတ်ဆွေရယ် ၊ ကျွန်တော်ရယ်ဟာ ဂျပန်လိုရော ၊ အင်္ဂလိပ်လိုရော ၊ မြန်မာလိုရော ဘာသာစကား သုံးမျိုးကို ရောစပ်ပြီး ချစ်ချစ်ခင်ခင် ရင်းရင်းနှီးနှီး စကားတွေ ပြောခဲ့ပါတယ်။ တွေ့ ဆုံပေးခြင်း အစီအစဉ် ပြီးဆုံးသွားတဲ့အခါမှာ ကိုခင်ဝမ်း နဲ့ ကျွန်တော် နှစ်ယောက်တည်း ကျန်ခဲ့ပြီး အေးအေးလူလူ စကားပြောဖို့  အခွင့်အရေးကို ရခဲ့ပါတယ်။ ဒီအချိန် ကျွန်တော်ဟာ သူငယ်ချင်း ပြောဖူးထားတဲ့ ကိုခင်ဝမ်း ရဲ့ ခမ်းပိုင် သီချင်းကို မေ့လျော့နေဖို့ ရာ အကြောင်းတစ်စုံတစ်ရာမျှ မရှိခဲ့ပါ။

သူက Mr.Guitar Cafe မှာဆိုခဲ့တဲ့  အကြောင်းနဲ့  ဒီသီချင်းကို  မိတ်ဆွေတွေ စုံကြတဲ့ အခါမှာ အခါအားလျော်စွာ ဆိုပြလေ့ရှိတဲ့ အကြောင်းပြောပြပါတယ်။ အဲဒီသီချင်းကို တေးထုတ်လုပ်သူ တစ်ဦးက ထုတ်လုပ်ဖို့ ကမ်းလှမ်း တယ်ဆိုတဲ့ သတင်းကရော ဟုတ်သလား ဆိုတော့ ဟုတ်ပါတယ်တဲ့။ ဘာဖြစ်လို့  အကြောင်း မပြန်တာလဲ မေးတော့လည်း သူ့မှာ ဆိုဖို့ အစီအစဉ် မရှိတဲ့ အတွက်ကြောင့်ပါတဲ့။ မကြားဖူးတဲ့ အကြောင်းပြောတဲ့အခါမှာ စိတ်အေးလက်အေး နဲ့  ခန်းပိုင် Kan Pai အကြောင်းကို ပြောပြခဲ့ပါတယ်။

ခန်းပိုင် Kan Pai  ဆိုတာက အင်္ဂလိပ်လို ဆိုရင်တော့ Congratulation လို့ အဓိပ္ပာယ်ရတယ်။ တရုတ်လို ဆိုရင်တော့ " ကမ်းပေ့" လို့ ခေါ်မှာပေါ့။ အဲဒီသီချင်းဟာ လွန်ခဲ့တဲ့ အနှစ် ၂၀ နီးပါးလောက်က ပေါ်ပေါက်ခဲ့တဲ့ ဂျပန်ရုပ်ရှင် ဇာတ်ကား တစ်ကားရဲ့  ဇာတ်ဝင်တေး တစ်ပိုဒ် ဖြစ်တယ်လို့  ဆိုပါတယ်။

အဆိုတော် ရဲ့ နာမည်က နာငဘုချိ တုအိုရှိ (Nagabuchi Tuoshi) ။ သူဟာ အဲဒီ သီချင်းကို သူ့  ဘ၀ တစ်လျှောက်လုံးမှာ အကောင်းဆုံးအဖြစ် သီဆိုသွားခဲ့ပြီး။ အဲဒီနောက်ပိုင်းမှာ အဲဒီ သီချင်းလောက် ကောင်းအောင် ဘယ်သီချင်းကိုမှ မဆိုနိုင်တော့ဘူးလို့ ဆိုကြပါတယ်။ သူဟာ တေးဂီတ လောက က  နှစ်များစွာ ပျောက်ကွယ်သွားပြီးမှ မကြာမြင့်မီ နှစ်ဆီလောက်က သူ့ ရဲ့ ဂီတ ဖျော်ဖြေပွဲ တစ်ပွဲ ကျင်းပခဲ့ပါတယ်။ အဲဒီဖျော်ဖြေပွဲ မှာ ခန်းပိုင် Kan Pai ကို ဆိုတဲ့ အခါမှာ  ထောင်သောင်းမကတဲ့ ပွဲကြည့် ပရိတ်သတ်ကြီးက ၀ိုင်းပြီး ဆိုကြတဲ့အတွက် သူဟာ လုံးဝ မဆိုရသလောက် ဖြစ်သွားပြီး သူ့ အသံဟာ လူထု ပရ်ိတ်သတ်ကြီး ရဲ့ ဆိုသံကြားမှာ သဲ့သဲ့မျှ ကြားရတော့တယ်လို့ ဆိုပါတယ်။ အခုအခါမှာ အဲဒီသီချင်းကို ဂျပန်ပြည်က စာသင်ကျောင်းတွေမှာ ကျောင်းသုံးအဖြစ် သတ်မှတ်ထားပြီလို့ လည်း ပြောပါတယ်။

ဒီသီချင်း ပေါ်ပေါက်လာခဲ့တဲ့ နောက်ခံဇာတ်လမ်းဟာလည်း အလွန် စိတ်ဝင်စားစရာ ကောင်းလှပါတယ်။ ငယ်စဉ် ကလေးဘ၀ အရွယ်ကတည်းက ကျွမ်းဝင် ချစ်ခင်ခဲ့ကြတဲ့ သူငယ်ချင်းသုံးယောက်ရဲ့ သုံးပွင့်ဆိုင် အချစ် ဇာတ်လမ်းလေးပါပဲ။

ကောင်လေးက နှစ်ယောက်၊ ကောင်မလေးက တစ်ယောက်။ ကောင်လေး နှစ်ယောက်ကလည်း သိပ်ချစ်ကြတဲ့ သူငယ်ချင်းတွေ ၊ သူတို့ နှစ်ယောက်စလုံးကလည်း ကောင်မလေးကို သိပ်ချစ်နေကြတယ်။  သူတို့ နှစ်ယောက်စလုံးက ချစ်နေတာကိုလည်း ကောင်မလေးက သိနေတယ်။ သူတို့  သုံးယောက်စလုံးဟာ တစ်ယောက်ကို တစ်ယောက် သိနားလည်နေကြတဲ့  သိပ်ချစ်တဲ့ သူငယ်ချင်းတွေဖြစ်နေတယ်။ သူတို့  သုံးယောက်စလုံးရဲ့ ဘ၀မှာ ကြီးမားတဲ့ ပြဿာနာကြီးက ရှိနေတယ်။ အဲဒီပြဿာနာက  သူတို့  သုံးယောက် စလုံးဟာ ယာကူဇာတွေ (လူဆိုးဂိုဏ်းဝင်) ဖြစ်နေကြတယ်။

ဂျပန်ပြည်မှာ ယာကူဇာ ဆိုတာက အီတလီပြည်က မာဖီးယား ဂိုဏ်းတွေလိုပဲ မျိုးနဲ့ ရိုးနဲ့ ချီပြီး ရှိကြသလို အလွန်လည်း ကြောက်စရာကောင်းလှပါတယ်။ လူတစ်ယောက်ဟာ ယာကူဇာ ဖြစ်သွားပြီ ဆိုရင် သူ့ ရဲ့ မျိုးရိုးစဉ်ဆက် အားလုံးဟာ  ယာကူဇာအဖြစ်နဲ့ ပဲ ဘ၀ နိဂုံးချုပ်ကြရ ပါတယ်။ သူငယ်ချင်း သုံးယောက်ဟာ ငယ်စဉ်ကလေးဘ၀ကတည်းက  ယာကူဇာ မျိုးရိုး ဖြစ်နေကြတဲ့အတွက် တစ်နေ့ မှာ သူတို့ ဟာ ယာကူဇာ လုပ်ကြရမယ် ဆိုတာကို သိနေခဲ့ကြတယ်။ ယာကူဇာတွေရဲ့ ဘ၀ဟာ အလွန်အန္တရာယ် များပြားလှပြီး ကြမ်းတမ်း ခက်ထန်လွန်းလှတဲ့ ဘ၀မျိုးမို့  သူတို့ သုံးယောက်စလုံးဟာ ယာကူဇာ မလုပ်ချင် ကြဘူး။ ယာကူဇာ ဘ၀က လွတ်မြောက်ချင်ကြတယ်။

ယာကူဇာတွေဟာ လူတစ်ယောက်ကို ယာကူဇာအဖြစ် သတ်မှတ်လိုက်ပြီဆိုရင် ပထမအဆင့် အနေနဲ့ ပုခုံးနှစ်ဖက်မှာ ဆေးမင်ကြောင် အမှတ်အသားကို ထိုးပေးမယ်။  ဒုတိယအဆင့်အဖြစ် သတ်မှတ်ခံရပြီဆိုရင် ရင်ဘတ်နဲ့ ကျောပြင်မှာ ဆေးမင်ကြောင် ထိုးပါတယ်။ တတိယအဆင့်ကို ရောက်ပြီဆိုရင် ခါးအောက်ပိုင်းမှာ ဆေးမင်ကြောင်ထိုးပေးတယ်။ စတုတ္ထအဆင့် အမြင့်ဆုံး အဆင့်ကို ရောက်ပြီဆိုရင်တော့ လည်ပင်းအောက်ကနေ ခြေကျင်းဝတ်အပေါ် အထိ  တစ်ကိုယ်လုံး နေရာလပ်မကျန်အောင် ဆေးမင်ကြောင် ထိုးပေးပါတယ်။ အဲဒီအဆင့်ကို ရောက်တဲ့ ရာကူဇာဟာ အလွန်သြဇာ အာဏာ ကြီးမားပြီး အလွန်လည်း ချမ်းသာကြွှယ်ဝနေပြီ ဖြစ်ပါတယ်။ စားရာမှာ၊ သွားရာမှာ ၊ ၀တ်စားဆင်ယင်ရာမှက အစ အလွန်ဂရုတစိုက်နဲ့ သတိ ရှိရှိ သွားလာ နေထိုင်ကြရတယ်လို့  ဆိုပါတယ် ။အဲဒီလို ရာဇ၀င် နဲ့ ချီပြီးရှိခဲ့ ကြတဲ့ ယာကူဇာ ဂိုဏ်းတွေဟာ ဒီကနေ့ အချိန်အထိ ဂျပန်ပြည်မှာ ရှင်သန်နေကြဆဲပဲ ဖြစ်ပါတယ်။

အဲဒီလို တစ်နေ့ ကျရင် ယာကူဇာအဖြစ် သတ်မှတ်ခြင်း ခံရမှာကို သိနေကြတဲ့ သူငယ်ချင်း သုံးယောက်ဟာ ထွက်ပြေးကြဖို့ တိုင်ပင်ခဲ့ကြတယ်။ ဒါပေမဲ့ ယာကူဇာ မျိုးရိုးမှန်ရင် ဘယ်သူမှ ယာကူဇာ မလုပ်ဘဲ ထွက်ပြေးလို့  မရကြဘူး။ ထွက်ပြေးပြီ ဆိုတာနဲ့ ဘယ်နေရာ ဘယ်အရပ်ကိုပဲ ပြေးပြေး ၊ မရရအောင် လိုက်သတ်တာပဲ။ ဘယ်တော့မှလည်း လွတ်မြောက်ရိုး ထုံးစံမရှိခဲ့ကြဘူး။ ထွက်ပြေးတဲ့သူ မှန်သမျှ တစ်နေ့ နေ့ မှာတော့ အသတ်ခံကြရစမြဲပဲ။ ဒီတော့ သူငယ်ချင်း သုံးယောက်ဟာ ထွက်ပြေးခဲ့ကြရင်လည်း အသတ်ခံရမှာ အသေအချာပဲ။

အဲဒီမှာ ဇာတ်လိုက် ဖြစ်လာမယ့် ကောင်လေးက ကောင်မလေးကို သိပ်ချစ်တယ်။ သူသိပ်ချစ်တဲ့ ကောင်မလေး နဲ့ အတူ သူငယ်ချင်းဖြစ်သူကိုလည်း ယာကူဇာ ဘ၀က လွတ်မြောက်စေချင်တယ်။ အဲဒီအခါမှာ သူဟာ ဆုံးဖြတ်ချက်တစ်ခုကို ပိုင်ပိုင်နိုင်နိုင် ချလိုက်ပြီး ရည်ရွယ်ရာ အတိုင်းဖြစ်မြောက်အောင် ကြိုးစား အားထုတ် ခဲ့တယ်။

သူက ဘယ်လိုကြိုးစားခဲ့သလဲဆိုတော့ သူဟာ ရာကူဇာ ဂိုဏ်းခေါင်းဆောင်က ယုံကြည် အားထားရလောက်တဲ့ လူငယ်လေး တစ်ယောက်အဖြစ် အသိအမှတ်ပြုခံရအောင် ကြိုးစားပြခဲ့တယ်။ စိတ်အချဆုံး ၊ အယုံကြည်ရဆုံး ၊ အတော်ဆုံး လူငယ်တစ်ယောက်အဖြစ် စွမ်းဆောင်ပြခဲ့တယ်။ ရက်ရက်စက်စက် သတ်ဖြတ်ခဲ့တယ်။ ကြမ်းကြမ်း တမ်းတမ်း စွမ်းဆောင်ပြခဲ့တယ်။ ဂိုဏ်းခေါင်းဆောင်က ခိုင်းတဲ့ ခဲရာခဲဆစ် အလုပ်မှန်သမျှ ရွပ်ရွပ်ချွံချွံ ရဲရဲဝံ့ဝံ့ ဆောင်ရွက်ခဲ့တယ်။ နောက်ဆုံးမှာ ဂိုဏ်ခေါင်းဆောင်ဟာ တကယ့် အရေးကြီးတဲ့ ကိစ္စမျိုးတွေကို တာဝန်ပေးရတဲ့ အခြေအနေ အထိရောက်လာတယ်။

အဲဒီလို ကြိုးစား အားထုတ်နေချိန်မှာပဲ သူ့ သူငယ်ချင်းနှစ်ယောက်ဟာ ယာကူဇာ မဖြစ်ချင်ဘူး ဆိုတဲ့ သူတို့  သူငယ်ချင်းဟာ ခုလို့ ယာကူဇာတွေ ခိုင်းတာ မှန်သမျှ မကြောက်မရွံ့ လုပ်နေတာကို တွေ့ ရတော့ သူတို့  နားမလည်ကြတော့ဘဲ ခပ်ခွာခွာ နေကြရင်း သူငယ်ချင်း နှစ်ယောက်ဟာ ချစ်သူဘ၀ကို ရောက်သွားခဲ့ကြတယ်။

သူတို့ ရဲ့ သူငယ်ချင်းဟာ သူ့ ရဲ့ စွမ်းစွမ်းတမံ လုပ်ရပ်တွေကြောင့် နောက်ဆုံးမှာ ယာကူဇာ ဂိုဏ်းခေါင်းဆောင်ကြီးရဲ့ညာလက်ရုံးအဆင့်ကို ရောက်သွားခဲ့တယ်။ ယာကူဇာ ဂိုဏ်းကြီး တစ်ဂိုဏ်လုံးက ယုံကြည် အားထားရတဲ့ အဆင့် အထိရောက်သွားခဲ့တယ်။ အဲဒီအချိန်မှာ သူတို့ သူငယ်ချင်း သုံးယောက်ဟာ ယာကူဇာ အဖြစ် ပထမအဆင့် အသိအမှတ်ပြုဖို့  အချိန် ရောက်လာတယ်။

အဲဒီအချိန် ရောက်တော့မှ ဇာတ်လိုက်က သူ့  သူငယ်ချင်း နှစ်ယောက်ကိုခေါ်ပြီး " မင်းတို့  ထွက်ပြေးကြတော့ ၊ ပြေးတော့။ မင်းတို့ အသက် အန္တရာယ် အတွက် ငါတာဝန်ယူတယ်။ ဒါပေမဲ့  မင်းတို့  ရောက်ရာအရပ်ကနေ တစ်ပတ်တစ်ကြိမ် ပို့ စကတ်တစ်စောင် ငါ့ဆီ မှန်မှန်ပို့ ပေးရမယ်" လို့  ပြောပြီး ထွက်ပြေးခိုင်းခဲ့တယ်။

သူငယ်ချင်း နှစ်ဦးဟာ ပြင်သစ်ပြည် ပါရီမြို့ကို ထွက်ပြေးသွားခဲ့ကြတယ်။ ဒါကို ယာကူဇာ ဂိုဏ်းသားတွေက သတင်းရသွားကြတဲ့အခါမှာ ဂိုဏ်းခေါင်းဆောင်ဆီကို တိုင်ကြားခဲ့ကြတယ်။ ဒီအချိန်မှာ ဂိုဏ်းခေါင်းဆောင်က သတ်မိန့် ပေးတော့မှာကို သိတဲ့ ညာလက်ရုံး ဖြစ်နေပြီဖြစ်တဲ့ ဇာတ်လိုက်က ဂိုဏ်းသားတွေအားလုံးကို

"သူတို့ နှစ်ယောက်ကို လုံးဝ မသတ်ရဘူး၊ သူတို့ နှစ်ယောက်ကို တစ်ပတ်တစ်ခါ ငါ့ဆီ ပို့ စကတ် မှန်မှန်ပို့ ပေးဖို့ မှာလိုက်တယ်။ သူတို့ ဆီက ပို့ စကတ် ရောက်မလာတာနဲ့ သူတို့ အသတ်ခံရပြီဆိုတာ ငါသိရပြီ။ သူတို့ အသတ်ခံရပြီ ဆိုတာကို သိတာနဲ့ ငါ့ကိုယ်ငါလည်း သတ်သေလိုက်မယ်၊ Harakiri လုပ်မယ်"  လို့  ကြေငြာလိုက်တယ်။

ဒီအချိန်မှာ ဂိုဏ်းခေါင်းဆောင်ဟာ သူ့ ရဲ့ ညာလက်ရုံးကို လက်လွှတ်ဆုံးရှုံး မခံနိုင်တော့ဘူး ။ သူဟာ ဒီအဖြစ်မျိုးကို ရောက်ရှိဖို့ အတွက် ဘ၀တစ်လျှောက်လုံး ဘယ်လောက် ခက်ခက်ခဲခဲ ကြိုးပမ်းခဲ့ရတယ် ဆိုတာကိုလည်း ဂိုဏ်းခေါင်းဆောင် ဖြစ်သူက နားလည်သွားခဲ့တယ်။ ဒါကြောင့် သူ့ ဟာ ဒါကို ဆုလာဘ်အဖြစ် ခံစားထိုက်တယ်လို့  နားလည် လက်ခံလိုက်ပြီး သူ့ ရဲ့သူငယ်ချင်းနှစ်ယောက်ကို လိုက်မသတ်စေတော့ဘဲ လွတ်မြောက်ခွင့် ပေးလိုက်တယ်။

နောက်ဆုံးမှာ ဇာတ်လိုက်ဟာ တစ်ယောက်တည်း အခန်းထဲမှာ ကျန်ခဲ့ချိန်မှာ ထွက်ပြေး လွတ်မြောက်သွားတဲ့ သူငယ်ချင်း နှစ်ယောက်အတွက် အောင်မြင်မှု အထိမ်းအမှတ် အဖြစ် ဂုဏ်ယူဝမ်းမြောက်စွာနဲ့ ခန်းပိုင် Kan Pai  လုပ်လိုက်ပြီး ဆိုခဲ့တဲ့ သီချင်းဖြစ်ပါတယ်။ သူငယ်ချင်း သုံးယောက် ငယ်စဉ် ကလေးဘ၀ အရွယ်ကတည်းက ထားရှိခဲ့တဲ့ ချစ်ခြင်းမေတ္တာ၊ ယုံကြည်ရည်ရွယ်ရာကို မဆုတ်မနစ် အားထုတ်ခဲ့တဲ့ လုံ့ လသတ္တိ ၊ နောက်ဆုံးမှာ သူငယ်ချင်း နှစ်ယောက် ၀မ်းသာပျော်ရွှင် နေမှာကို မြင်ယောင်ရင်း သူငယ်ချင်း တို့ နဲ့ အတူ ထပ်တူထပ်မျှ ဂုဏ်ယူ ၀မ်းမြောက်ကြောင်း ဖွဲ့ ဆိုခဲ့တဲ့ သီချင်းပဲဖြစ်ပါတယ်။

အဲဒီသီချင်းရဲ့ နောက်ခံဇာတ်လမ်းကို ပြောပြပြီးတဲ့ အခါမှာ ကိုခင်ဝမ်းက ထိုင်ရာကနေ ထပြီး ကက်ဆက်ရှိရာ စားပွဲခုံဆီ သွားတယ်။ ကက်ဆက်ခွေ တစ်ခွေကို ရွေးပြီး ထည့်လိုက်တယ် ။ volume ကို အမြင့်ဆုံး မြှင့်ပြီး ဖွင့်လိုက်တယ်။ Nagabuchi Tuoshi ရဲ့ KanPai သီချင်းသံဟာ တစ်ခန်းလုံးမှာ ဟိန်းထွက်လာတယ်။ နားထောင်ရင်း နားထောင်ရင်း   Nagabuchi  ဟာ သီချင်းဆိုနေတာ မဟုတ်တော့ဘဲ တကယ်ကို ငိုကြွေး နေတာပါလားလို့ ရင်ထဲမှာ နင့်သွားအောင် ခံစားရပါတယ်။ Nagabuchi  ရဲ့သီချင်းသံ ပြီးဆုံးသွားတဲ့အခါ မှာ အတီးချည်း သက်သက် တေးသွား ထွက်ပေါ်လာပါတယ် ။ အဲဒီအခါမှာ ကိုခင်ဝမ်းက  မူရင်း စာသားအတိုင်း ဂျပန်လို ဆိုပြ ပါတယ်။ နောက်တစ်ကျော့ အတီးပိုဒ် ထွက်လာတဲ့ အခါမှာတော့ ဘာသာပြန်ထားတဲ့ မြန်မာစာသားနဲ့ သီဆိုပါတယ်။

ခုလို သီချင်း နားထောင်ခွင့်မျိုး ကို ကျွန်တော်ဟာ ဘယ်တုန်းကမှ မကြုံဖူးခဲ့သလို  နောင်ဘယ်သောအခါမှာမှ ကြုံတွေ ရမယ် ဆိုတာကိုလည်း မမျှော်လင့်နိုင်တော့ပါ။ သီချင်း ပြီးဆုံးသွားတဲ့ အခါမှာ သီချင်းအမည်ကို ဘယ်လို ပေးထားပါသလဲလို့ မေးတဲ့အခါမှာ ကိုခင်ဝမ်းဟာ တစ်ချက်တွေခနဲ့စဉ်းစားလိုက်ပြီးမှ ဖြေပါတယ်။ 

"ထပ်တူ" 

ဒီသီချင်းခွေကို ဘာလို့ အခွေအဖြစ် Recording မလုပ်တာလဲ လို့ မေးတဲ့အခါမှာ ကိုခင်ဝမ်းက အေးဆေးစွာ ခုလိုဖြေကြားခဲ့ပါတယ်။

"ကျွန်တော်ဟာ ဒီသီချင်းကို အလွန်ကြိုက်နှစ်သက်ခဲ့ပါတယ်။ ဒါ့ကြောင့်လည်း ကျွန်တော် ခင်မင်တဲ့ မိတ်ဆွေတွေ စုံတဲ့အခါ ဆိုပြလေ့ ရှိပါတယ်။ ဒါပေမဲ့ ဒီသီချင်းကို အခွေအဖြစ်နဲ့  ထုတ်ဖို့  ဆိုတာကတော့ ကျွန်တော့်မှာ အစီအစဉ် လုံးဝမရှိပါဘူး။ ဘာကြောင့်လဲဆိုရင် ကျွန်တော်ဟာ ကိုယ်ပိုင် သီချင်းရေးသူ Original Song Writer တစ်ယောက် ဖြစ်လို့ ပါပဲ ။ ဒီသီချင်းနဲ့ ပတ်သက်လို့  ဂျပန်ပြည်က ကျွန်တော့်ညီကို ပြောပြတဲ့အခါမှာလည်း

"အကိုဆိုလို့ ဘယ်ဖြစ်မလဲ ၊ အစ်ကိုမဆိုရဘူး " လို့   ပြောပါတယ်။ "အစ်ကိုဟာ ဒီလောက်ကောင်းတဲ့ သီချင်းမျိုးကို မစပ်နိုင်တော့တဲ့ လူတစ်ယောက်မဟုတ်လား ၊ အစ်ကိုဟာ ဒီလို ကောင်းတဲ့ စာသားမျိုး မရေးဖွဲ့  နိုင်တော့တဲ့ လူတစ်ယောက်မဟုတ်လား" လို့  ကျွန်တော့်ညီက မေးနေသလို ခံစားရပါတယ်။

ဒီသီချင်းကို ထုတ်လုပ်ချင်တဲ့သူက ကျွန်တော့်ကိုပြောပါတယ်၊ ကျွန်တော်ဆိုမှာ မဟုတ်ပါဘူး။ တကယ်လို့ ပေ့ါလေ ၊ တေးထုတ်လုပ်သူက ကျွန်တော့်ကို သိပ်ဆိုစေချင်တယ်ဆိုခဲ့ရင် ၊ ကျွန်တော်ကလဲ သိပ်ဆိုချင်တယ် ဆိုခဲ့ရင် တေးထုတ်လုပ်သူက အဆိုတော် Nagabuchi ဆီက ခွင့်တောင်းရပါမယ်။ သူ့ ရဲ့ ခွင့်ပြုချက် ရမှသာ ကျွန်တော်ဆိုနိုင်မယ်။ မြန်မာလို ဘာသာပြန်ပြီး  မြန်မာစာသား ထည့်ဆိုမယ် ဆိုရင်လဲ သူ့ ရဲ့ ခွင့်ပြုချက် ရမှသာ ကျွန်တော် ဆိုမှာပါ။ Nagabuchi ရဲ့ ခွင့်ပြုချက်ကို မတောင်းဘဲ မရဘဲနဲ့ တော့ ကျွန်တော် ဘယ်သောအခါမှ မဆိုပါဘူး "

ဆောင်းပါးရှင် ဇွန်မိုးဦး ရဲ့ ဆောင်းပါး နောက်ဆုံးပိုဒ်ကို အမှတ်တရ ထပ်မံဖော်ပြ ပေးပါရစေ။ " ဤနေရာတွင် Copy သီချင်းရေးသူများ၏ အားထုတ်မှုကို အသိအမှတ် မပြု၍ မဟုတ်ပါ ။ သို့ သော် အငှားခန္ဓာမြှောင်၍ စင်ပေါ်တွင် ရပ်တည်နေကြရသည့် လူငယ်တစ်ချို့ က အနုပညာ သြဇာရှိသော ဆရာမ၏ သဘောထား အောက်တွင် Copy ဆိုသူများသာ Artist များအဖြစ် ထင်မှတ် မှားမည်ကို စိုးရိမ်မိသည်က တစ်ကြောင်း ၊       ထို့ ထက် နာကျင်စွာ ပြောရလျှင် Copy Cat  အနုပညာ ခိုးယူမှုများကို ယနေ့ ခေတ်၌ တိုးတက်သော အနုပညာအဖြစ် ကြိုဆိုသည်ကို မဖြစ်စေလိုသည်က တစ်ကြောင်း ၊ မြန်မာနိုင်ငံတွင် မိမိအမျိုးသား လူငယ်များက Multi Culture  နိုင်ငံစုံ ယဉ်ကျေးမှုကို လက်ခံရာ၌ မိမိကိုယ်ပိုင်ဟန်ဖြင့် ကမ္ဘာတွင် ရောဝင် ပြသနိုင်ဖို့အကူအညီ မဲ့ စွာ ဖြတ်သန်းနေရချိန်တွင် လမ်းလွှဲသို့  ထပ်၍ လိုက်ကြမည်ကို မဖြစ်စေလို၍ ဤဆောင်းပါးကို ရေးရပါသည်။"

(ရုပ်ရှင်တေးကဗျာ မဂ္ဂဇင်း ၊ သြဂုတ်လ ၊ ၁၉၉၇ ၊ စာမျက်နှာ ၁၈၃။)

ကျွန်တော် ကိုခင်ဝမ်းကိုလည်း အလွန် လေးစားခဲ့မိပါတယ်။ ဆောင်းပါးရှင် ဇွန်မိုးဦးကိုလည်း အလွန် ကျေးဇူး တင်ခဲ့မိပါတယ်။

ရနံ့ သစ် အမှတ်(၅၃) စက်တင်ဘာ၊ ၁၉၉၇) မျိုးမြတ်သူ ၏ ထပ်တူ ဆောင်းပါးမှ ကူးယူဖော်ပြပေးလိုက်ပါတယ်။

http://www.nagabuchi.or.jp/index2.html

http://en.wikipedia.org/wiki/Tsuyoshi_Nagabuchi

http://www.lyricstime.com/nagabuchi-tsuyoshi-kampai-lyrics.html

* * * * * * * * * *

19.12.11

ခိုင်ထူးသစ် ၊ အသက်တမဲ့...။


Mariana in the Moated Grange By John Everett Millais, 1851, Oil on Wood, 23.5x19.5 in,
http://en.wikipedia.org/wiki/Mariana_%28Millais%29

အရောင်များ ကွဲလွင့်နေသော ပန်းချီကားတစ်ချပ်၏ ရှေ့တွင် ကျွန်တော် ရပ်လိုက်သည်။ လေမငြိမ်၍ ရွေ့နေဟန်ရှိသည့် ရေပြင်ပေါ်တွင် လှေတစ်စင်းနှင့် မိန်းမပျိုလေးတစ်ဦး ရွေ့လာသယောင်။ လှေဝမ်းထဲက အနီရောင် ခရမ်းချဉ်သီးတွေကို မိန်းမပျိုလေး ငုံ့ကြည့်နေသည်။ ခမောက်ကို ငိုက်၍ ဆောင်းထားသောကြောင့် မိန်းမပျိုကလေး၏ မျက်နှာမှာ အောက်နှုတ်ခမ်းနှင့် မေးစေ့ကိုသာ မြင်နေရသည်။

“ဒါ..မ..အင်းလေးမှာ ဆွဲခဲ့တဲ့ ပန်းချီကားလေ။ အင်းထဲက ရှမ်းမလေးကိုကြည့်ပြီး လှေပေါ်မှာ ဖြစ်သလို ဆွဲခဲ့ရတာပေါ့။ ဆေးမစုံ စုတ်မကောင်းလို့ ဆွဲရတာအားမရဘူး။” သက်ပြင်းညင်းညင်းလေးများ ရောယှက်နေသည့် မ၏စကားသံက ကျွန်တော့်နားထဲမှာ မ၀င်တစ်ချက် ၀င်တစ်ချက်။ နံရံတွင် ထောင်ထား ချိတ်ထားသည့် ပန်းချီကားများကို တစ်ချပ်ပြီး တစ်ချပ် ကျွန်တော် လိုက်ကြည့်နေမိသည်။ မ ကတော့ သူ့ပန်းချီကားလေးတွေကို ကြည့်လိုက် ကျွန်တော့်မျက်နှာကို အကဲခတ်လိုက်နှင့် စကားတွေ ဆက်ပြောနေပြန်သည်။

မဆီက ရူပဗေဒပညာကို သင်ယူဖို့ ကျွန်တော်လာခဲ့သော်လည်း မ က ရူပဗေဒထက် အရောင်ဗေဒကို သင်ပေးနေတတ်သည်။ အလင်းရဲ့သဘော၊ အရောင်ရဲ့သဘာဝ၊ အမှောင်ရဲ့နက်ရှိုင်းမှုတွေကို မ ပြောပြ၍ ကျွန်တော် နားလည်ခဲ့ရသည်။ စုတ်တံကိုင်သော မရဲ့ လက်ချောင်းကလေးများက ပြတင်းဝဆီမှ အလင်းတန်းများရှိရာကို ညွှန်ပြရင်း စာရွက်ပေါ်က စာကြောင်းလေးတွေကို ထောက်ပြရင်း အဓိပ္ပာယ် ဖွင့်ဆိုချက်များအား တိတိကျကျ ရှင်းပြတတ်သည်။ 

“Light is a form of energy which stimulates our sense of vision” အလင်းဆိုသည်မှာ ကျွန်ုပ်တို့၏ အမြင်အာရုံကို လှုံဆော်သော စွမ်းအင်တစ်မျိုးဖြစ်သည် လို့ရူပဗေဒဘာသာက အဓိပ္ပာယ်ဖွင့်ထားတယ်။ အလင်းရှိလို့ မတို့ တစ်တွေဟာ တစ်ယောက်ကို တစ်ယောက် မြင်နေရတာပေါ့” ၀င်းလဲ့ထိန်ဝါသည့် မ၏ မျက်နှာလေးကို ကျွန်တော် မော့ကြည့် လိုက်ချင်သော်လည်း စာရွက်ပေါ်က စာကြောင်းလေးကို တရွေ့ရွေ့ ထောက်ပြနေသည့် မ၏ လက်ညှိုးလေးအား ကျွန်တော် အားနာနေမိသည်။

ရွစိရွစိ လှုပ်ရှားနေသည့် မလက်ဖျားထိပ်က လက်သည်းများပေါ်တွင် ခရမ်းနုရောင် လက်သည်းဆိုးဆေးတို့ ဖုံးလွှမ်းထားသည်။ လက်သည်း အရှည်ထားပြီး လက်သည်းဆိုးဆေး ဆိုးတာကို မ.. အလွန် သဘောကျပုံရသည်။ မ လက်သည်းပေါ်တွင် ခရမ်းနုရောင်၊ ပန်းနုရောင်နှင့် ချောကလက်ရောင်တို့ကို အများဆုံးတွေ့ရသည်။ တစ်ခါတစ်လေမှာလည်း မလက်ပေါ်မှာ ဆေးစက်၊ ဆေးပြောက်များ၊ မြေဖြူမှုန့်များ ပေကျံနေတတ်သည်။ ပန်းချီဆွဲရင်း စာသင်ပေးသော မ ကို ကျွန်တော် ကျေးဇူးတင်မိသလို အားတုံ့အားနာလည်း ဖြစ်မိသေးသည်။ မ လက်တွေက စုတ်တံချပြီး မြေဖြူကိုင်လိုက်၊ မြေဖြူချပြီး စုတ်တံကိုင်လိုက်နှင့် ကျွန်တော့်ရှေ့မှာ အလုပ်ရှုပ်နေတတ်သည်။

ပြတင်းဝက အခန်းဆီးကလေအသင့်မှာ တလွင့်လွင့်နှင့်။

နံရံကပ်ထားသည့် အနက်ရောင် သင်ပုန်းတစ်ချပ်နှင့် ပန်းချီကားများက က္ကနြေ္ဒရနေသည်။ စုတ်တံ၊ ထောက်စင်၊ ကင်းဘတ်နှင့် ဆေးဘူးများက ကြမ်းပြင်ပေါ်မှာ ကပိုကရို။ မ ဘာတွေ ဆွဲနေတယ်ဆိုတာကို စူးစမ်းကြည့်မိသလို မ သင်ပြပေးသည့် သင်ခန်းစာများ လွတ်မသွားအောင်လည်း ကျွန်တော် ဂရုစိုက်နေရသည်။ ကျွန်တော့်ထက် အသက် ဆယ်နှစ်မကကြီးသော မ သည် ရူပဗေဒဘွဲ့ကို ရရှိ်ခဲ့သော်လည်း ပန်းချီဆရာမ တစ်ယောက်အဖြစ် အသက်မွေးနေရသည့်အတွက် ကျွန်တော် အစက အံ့သြခဲ့ရပါသည်။ သို့သော်လည်း စုတ်တံကိုင်သည့် မ ၏လက်ချောင်းလေးများက ကျွန်တော့် အံသြမှုများကို လျော့ပါး သွားစေသည်။ မ ၏ တစ်ဦးတည်းသော တပည့်ဖြစ်သည့် ကျွန်တော်သည်လည်း မ လက်ထဲက စုတ်တံတစ်ချောင်းလို မ ဆွဲခေါ်ရာကို အသက်တမဲ့ လိုက်ပါခဲ့ပါသည်။

အလင်းရိုက်ခြင်း၊ အလင်းယိုင်ခြင်းနှင့် အလင်းပြန်ခြင်း အကြောင်းများကို နေရောင်အောက်တွင် မှန်တစ်ချပ်၊ ဖန်ခွက်တစ်ခွက်၊ နှင်းဆီတစ်ပွင့်နှင့် မ ရှင်းပြသည်မှာ စိတ်ဝင်စားစရာ ကောင်းလှပါသည်။ ပြီးတော့ မက ပန်းချီကားများကို လှမ်းကြည့်ရင်း အရောင်များအကြောင်းကို ပြောပြနေပြန်သည်။

“မ က အနီရောင်ဆိုရင် သွေးလို ရဲရဲနီနေတာထက် ပန်းသီးတစ်လုံးလို စွေးစွေးနီ နေတာကို ပိုသဘောကျတယ်။” ပြောရင်းပြုံးလိုက်သော မ၏ ပါးမို့မို့ပေါ်တွင် ပန်းရောင်သန်းသွားသည်။ ကျွန်တော်ကတော့ မ ၏ ရှည်လျားနက်မှောင်သော ဆံနွယ်များကြားတွင် ထိုးစိုက်ထားသည့် အနီရောင် နှင်းဆီ တစ်ပွင့်ကိုသာ သဘောကျနေမိသည်။

ဆွဲပြီး ချိတ်ထားသော ပန်းချီကားများ၊ ဆွဲပြီး အ၀တ် အထပ်ထပ်ပတ်၍ သိမ်းထားသော ပန်းချီကားများနှင့် ဆွဲလက်စ ပန်းချီကားများက ရေနံချေး မည်းမည်းမှိုင်းမှိုင်း သုတ်ထားသည့် မ တို့၏ နှစ်ထပ် ပျဉ်ထောင်အိမ်ကြီးထဲတွင် ဂန္ထ၀င်ဆန်နေပါသည်။ ပန်းချီကား အားလုံးကို မ..ဆွဲခဲ့တာတော့ မဟုတ်ပါ။ ဧည့်ခန်းထဲတွင် ချိတ်ဆွဲထားသည့် ပန်းချီကား အများစုမှာ မ အဖေ ဆွဲခဲ့သည်က များသည်။ ပါဝါမျက်မှန် တစ်လက်နှင့် ငြိမ်သက်နေသော ပန်းချီကားကတော့ မ ဆွဲထားသည့် မအဖေ၏ ပုံတူ ပန်းချီကားပင် ဖြစ်သည်။ သည်ပန်းချီကားကို ကြည့်ပြီး မ ကို ကျွန်တော် ချီးကျူးမိသည်။

“မရဲ့လက်က ‘မိုနာလီဇာ’ ပုံဆွဲတဲ့ လီယိုနာဒိုဒါပင်ချီထက်တောင် ပိုကောင်းတယ်။ ဒီပန်းချီကားကို ..ကိုနာလီဇာလို့ နာမည်ပေးလိုက်ရင် ကောင်းမယ်” မ က ကျွန်တော့် ကျောကုန်းကို တအုံးအုံး ထုကာ ရယ်ပါလေတော့သည်။


 Basket of Flowers By Jacques Linard, 1597–1645, Oil on Canvas,18 7/8 x 23 3/4 inches
http://en.wikipedia.org/wiki/Jacques_Linard
 
“စုတ်တံအချွန်ထက် စုတ်တံအပြားကို ကိုင်ပြီး ဆွဲရတာ ပိုအားရတယ်။ ဒါပေမယ့် မျက်တောင် မျက်လုံးလို အနုစိတ်လေးတွေကို စုတ်တံ အချွန်နဲ့ ထိရုံတို့ရုံလေး လုပ်နေရတာလည်း သိပ်အရသာရှိတာပဲ။”

သွယ်စင်းနူးညံ့သည့် မ လက်ချောင်းကလေးများက ကိုင်ထားသော စုတ်တံကို ခါရမ်းလိုက်သည်။ အည်ိုနုရောင် ဆေးစက် အချို့ မ ထဘီပေါ် ပေကျံသွားသည်။ မပြီးဆုံးသေးသော ပန်းချီကားတစ်ချပ်၏ ရှေ့တွင် ကျွန်တော်နှင့်မ ၏ အသက်ရှူသံများ ကျယ်လောင်နေသည်။ ပြတင်းဝမှ တိုးဝင်လာသော လေနုအေးက ကင်းဘတ်စပေါ်ရှိ စိုပျစ်ပျစ် ဆေးရောင်များကို ဖြည်းဖြည်းချင်း ခြောက်သွေ့သွားစေသည်။ သည်ရက်ပိုင်း မ ဆွဲနေသော ပန်းချီကားများမှာ အလုံးအထည်မပါ၊ အသွင်သဏ္ဍန်တို့ ခပ်ဖွာဖွာ ဖြစ်နေသည်ကို ကျွန်တော် သတိထားမိသည်။ အရောင်ကလည်း သိပ်မစုံ။ နှစ်မျိုး သုံးမျိုးလောက်သာ ပါနေတတ်သည်။ လှည့်နေ လည်နေသော ရေ၀ဲတစ်ခုဟု ထင်ရသည်။ မလင်း မမှိုင်းသော ဆေးရောင်တစ်မျိုးကို ရစ်ဝိုက်၍ ဆွဲထားသည်။ အနီးကို ကပ်ကြည့်လိုိက်တော့ မျက်လုံးထဲတွင် ပျံ့လွင့်ေ၀၀ါးနေသည်။ ဘာကိုဆွဲထားတာလဲလို့ မကို မေးကြည့်တော့ “ဒါ အဝေးက ကြည့်ရမယ့် ပန်းချီကား” တဲ့။ ကျွန်တော် တလှမ်းချင်း နောက်ဆုတ်မိသည်။ မိခင်က ကလေးငယ် ကွေးကွေးကလေးအား ပွေ့ပိုက်ထားသည့် ဟန်ကို ဖျတ်ခနဲ့ မြင်လိုက်ရသည်။

“နွေးထွေး ယုယမှုကို မ အတတ်နိူင်ဆုံး ပုံဖော်ထားတာပါ။ ဒီပန်းချီကားလေးကို မေမေ မြင်သွားရင် တော်တော်လေး ၀မ်းသာရှာမှာပဲ” တမ်းတ ရေရွတ်လိုက်သည့် မ နှုတ်ခမ်းလေး ဖြူဖတ်ဖြူရော် ဖြစ်နေသည်။

မ မျက်နှာပေါ်မှာ အရောင်တွေ ပြောင်းသွားတတ်တာကို ကျွန်တော် မကြာခဏ တွေ့မြင်ခဲ့ရသည်။ မိတ်ကပ်နှင့် သနပ်ခါးတို့ကို ဘယ်အခါမှ လိမ်းခြယ်လေ့ မရှိသော မ မျက်နှာရှင်းရှင်းလေးသည် နေရောင်ထဲတွင် ၀င်းနေ၏။ တစ်ခါတစ်ခါမှာ မ နှင့် ကျွန်တော် အပြင်ဘက် ထွက်၍ စက်ဘီးစီးကြသည်။

မက စက်ဘီးကို ကျွမ်းကျွမ်းကျင်ကျင် မစီးတတ်၍ ကျွန်တော့်နောက်မှာသာ ထိုင်လိုက်လေ့ရှိသည်။ လေဆန်ကို ထိုးခွင်းဖို့ ကျွန်တော့် ခြေသလုံးကြွက်သားများတွင် အားအင်အပြည့် ရှိပါသည်။ စက်ဘီးနင်းရင်းမ လက်ညှိုး ညွှန်ရာကို ကျွန်တော် အမြဲ လှည့်ကြည့်မိသည်။ နိူ့စို့နေသော ခွေးပေါက်စကလေးများ၊ လိုချင်တာ မရ၍ မြေကြီးပေါ်တွင် လူးလှိမ့် ငိုယိုနေသည့် ကလေးငယ်တစ်ယောက်၊ မပွင့်သေးသော ပိတောက်တစ်ပင်၊ ဓာတ်ကြိုးများနှင့် ငြိတွယ် စုတ်ပြဲသွားသည့် အနီရောင် စွန်တစ်စင်း၊ အကြော်ဖိုမှ လွင့်ဝဲလာသော မီးခိုးများ၊ သံလမ်းထိပ် သံတံခါးရှေ့တွင် ရထားအလာကို ရပ်စောင့်နေကြသည့် လူတစ်အုပ်….၊

ငေးရီနေသည့် မ မျက်နှာကို မြင်မိသည်အထိ လှည့်ကြည့်လိုက်ရင်တော့ ကျွန်တော့်ကျောကို မ လက်နှင့် ရိုက်ပုတ်ပြီး “ရှေ့မှာ.. ကား..ကား..” လို့ သတိပေးတတ်သည်။

မြို့အပြင် လယ်ကွင်းစိမ်းစိမ်းများကို မြင်ရသည်အထိ ကျွန်တော်တို့ နှစ်ယောက် ခရီးဆန့်မိသည်။ အရှေ့ အရပ်ဆီမှ မဝေးတော့သည့် ဧရာဝတီကို မ နှင့်ကျွန်တော် လှမ်းမျှော်ကြသည်။ ဖြတ်ကျော်ခဲ့သည့် သက္ကယ်တန်း ချောင်ကလေးက လွမ်းစရာ။ “စက်ဘီးနင်းရတာ သိပ်မောနေပြီလား၊ မ လက်ဖက်ရည် တိုက်ပါ့မယ်” မ နှင့်ကျွန်တော် စက်ဘီးထွက်စီးသည့် ညနေခင်းတိုင်း မြို့လယ် ပလက်ဖောင်းပေါ်တွင် ခွေးခြေပု ထိုင်ခုံလေးများ ခင်းကျင်းထားတတ်သည့် ရွက်သစ်ကဖေးဆိုင်မှာ ထိုင်၍ စကားပြောလေ့ရှိသည်။

လမ်းပေါ်က ဖြတ်သွားဖြတ်လာများကို ငေးမောရင်း မိန်းမချောလေးများအား မြင်မိတိုင်း တောက်ပသွားသည့် ကျွန်တော့်မျက်ဝန်းထဲကို မ ၏ ပွင့်လင်းလေးလံသော စကားလုံးများ ပြုတ်ကျလာတတ်သည်။ “ငမ်းရုံပဲ ငမ်းနော်၊ စိတ်နဲ့တော့ မပစ်မှားလိုက်ပါနဲ့” မ ၏ စကားလုံးများက ကျွန်တော့် အမြင်အာရုံကို ထုထည်ကြီးစွာ ပိတ်ဆို့ပစ်လိုက်သည်။ “မိန်းမတွေဟာ ယောက်ျားတွေအတွက် အလှဆုံး ကောက်ကြောင်းလေးတွေလို့ ကမ္ဘာကျော် ပန်းချီဆရာ တစ်ယောက်က ရေးခဲ့ဖူးတယ်။

တကယ်တော့ ပုထုဇဉ် ယောက်ျားတစ်ယောက်ဟာ သူ့ရဲ့ စက္ခုအာရုံထဲမှာ ၀င်ရောက် လှုပ်ရှားလာတဲ့ မိန်းမချောလေးတွေထဲက တစ်ယောက်ယောက်ကိုစိတ် နဲ့ဖြစ်စေ၊ နှုတ်နဲ့ဖြစ်စေ ပြစ်မှားတတ်ကြတယ်။ မပစ်မှားဖူတဲ့ ယောက်ျားမျိုး ရှိတယ်ဆိုရင် ကျွန်တော့် နှလုံးသွေးတွေကို မ ပန်းချီဆွဲဖို့ ဖောက်ထုတ် ပေးလိုက်မယ်။”

ရဲပွင့်ညီမျှသော ကျွန်တော့်စကားများကို မ မငြင်းပယ်ပါ။ မ ၀တ်ဆင်ထားသည့်လည်ဟိုက် အင်္ကျီပေါ်က ဇာပန်းပွင့်လေးများကိုကျွန်တော် ရေတွက်ကြည့်မိတိုင်း မ မျက်နှာ လွှဲထားတတ်သည်။ မ ဆီက ပြင်းမြန်သော ၀င်သက် ထွက်သက်များကိုကျွန်တော် အသက်တမဲ့ ထိမိ လိုက်ပါသည်။

ညှိုးရီသော ညနေခင်းထဲ ပြေးဝင်လာမည့် အမှောင်ထုကို ကျွန်တော်နှင့် မ မတိုင်ပင်ဘဲ စောင့်ဆိုင်းနေမိသည်။

“မင်းနဲ့မ က ပေါင်းစပ်ဖို့ ခဲယဉ်းတဲ့ အရောင်နှစ်မျိုးပါ။ မင်းက လင်းလွန်းတယ်။ မ က မှောင်လွန်းတယ်။” မှိန်ဖျော့ဖျော့ လမ်းဘေး မီးရောင်အောက်တွင် စက်ဘီးလေးကို လက်ဖြင့်တွန်းရင်း အိမ်ပြန်ခဲ့ကြသည်။ အစာရှာထွက်ကြမည့် ညငှက် တစ်အုပ်က ဝေဟင်မှာ တဖျပ်ဖျပ်နှင့် အတောင်ခတ်နေသည်။ မ တို့ ပျဉ်ထောင်အိမ်မည်းကြီး ရှေ့ရောက်တော့ မ ကို‘ဂွတ်နိုက်’လို့ နှုတ်ဆက်လိုက်ပြီး ကျွန်တော် ထွက်ခွာ ခဲ့သည်။ ခြံဝင်းထဲမှ ခွေးဟောင်သံသည် ဟိန်းထွက်လာ၏။


Untrodden Snow, The Terrace, Holland House By Andrew MacCallum, Oil on Canvas,

ခွေးတစ်ကောင်ကို အဖော်ပြုရင်း ပန်းချီကားများနှင့် တိတ်ဆိတ်နေသော မသည် အိမ်ကြမ်းပြင်ပေါ်က ကျွန်တော့်ခြေသံကို နားစွင့်နေတတ်သည်။ မ ဆီကို ကျွန်တော် နေ့စဉ် ရောက်ဖြစ်သည်။ တစ်နေ့တော့ ဧည့်ခန်းထဲတွင် ပန်းချီကားတစ်ချပ်ကို ဖြုတ်ပေးဖို့ မက ကျွန်တော့်ကို ပြောသည်။ အနီးကပ် ကြည့်လျှင် ရေခဲတုံးများ စုပုံထားသည်ဟု ထင်ရသော်လည်း အဝေးကကြည့်လျှင် ခေါင်းရွက် ဗျက်ထိုး ဈေးသည်တစ်ယောက် ပါးစပ်ဟ၍ အော်နေပုံကို မြင်ရသည်။ ကျွန်တော် ခြေဖျားထောက်၍ ပန်းချီကားလေးကို ဖြုတ်ပြီး မလက်ထဲ ထည့်ပေးလိုက်သည်။ “ဒီပန်းချီကားလေးကို မ သိမ်းထားမလို့လား” ကျွန်တော့်အမေးကို မ မဖြေခင်မှာပင် ချောင်းတဟွတ်ဟွတ် ဆိုးနေသည်။ မရဲ့ချောင်းဆိုးသံတွေ တစ်နေ့တစ်ခြား ပြင်းထန်လာတာကို ကျွန်တော် သတိထားမိသည်။

“အဟွတ်.. အဟွတ်၊ မသိမ်းတော့ပါဘူးကွယ်။ ဒီပန်းချီကားလေးကို မ ရောင်းရတော့မယ်” တိုးညင်းသော မ အသံနှင့် ညှိုးမှိန်သော မ မျက်ဝန်းကလေးများက ကျွန်တော့်ကို ၀မ်းနည်းသွားစေသည်။

“ဖေဖေ အမွေပေးခဲ့တဲ့ ပန်းနာရောဂါကို ဖေဖေဆွဲခဲ့တဲ့ ပန်းချီကားလေးတွေက ကုသပေးကြတယ်ကွဲ့။ မ ရဲ့ ပန်းချီကားလေးတွေက ဖေဖေရဲ့ ပန်းချီကားလေးတွေလောက် ဈေးမရဘူး။”

ဧည့်ခန်းထဲက ပန်းချီကားလေးတွေ တစ်ချပ်ပြီးတစ်ချပ် ပြုတ်သွားသော်လည်း မ ဆီမှာ ချောင်းဆိုးသံက မတိတ်သေး။ တစ်ခါတစ်ရံတွင် ကိုင်ထားသော စုတ်တံ လွတ်ကျသွားသည်အထိ တဟွတ်ဟွတ် ဆိုးလာသည်။ မနံဘေးမှာ ကျွန်တော် အမြဲ နေချင်သော်လည်း မက နေခွင့်မပေး။ မိုးစုန်းစုန်းချုပ်သည်နှင့် မ ပါးစပ်က “ပြန်..တော့..လေ” ဆိုသည့် စကားတစ်ခွန်း လေးလံစွာ ထွက်ပေါ်လာသည်။ ချောင်းဆိုးသံများ တိတ်ဆိတ်သွားတိုင်း အရင်က ထက်ကြွ တုန်ခါနေသော မ၏ ရင်အ၀န်းဆီကို ကျွန်တော် စိုက်ကြည့်နေမိသည်။

မ ပါးစပ်က သွေးတစ်စက် ထွက်ကျလာသည့် တစ်ညနေ့မှာတော့ မရင်ဘတ်ကို ကျွန်တော့်လက်ဖ၀ါးနှင့် ခပ်တင်းတင်း ဖိထားမိသည်။မ လက်တွေက စုတ်တံကို မြဲမြံစွာ ဆုပ်ကိုင်ထားဆဲ။

“မဆွဲပါနဲ့တော့ မရယ်”

မ လက်ထဲက စုတ်တံကို ကျွန်တော်ဆွဲယူ၍ ပစ်ချလိုက်သည်။ မပြီးဆုံးသေးသော ပန်းချီကားတစ်ချပ်ဆီမှ မ မျက်နှာကို အားယူ၍ လွှဲနေသည်။ စကားကောင်းကောင်း မပြောနိူင်သေးသော မနှုတ်ခမ်းလေးတွေ တဆတ်ဆတ် တုန်နေတာကို ကျွန်တော် အနီးကပ် မြင်နေရသည်။

ပြတင်းဝမှ အလင်းရောင်သည် တရိပ်ရိပ် မှောင်ရီလာ၏။ မျက်လုံးတွေ တစ်ချက်တစ်ချက်မှာ မှိတ်မှိတ်သွား၏။ ရှိုက်ငင်ပိန်ပါးသည့် မ၏ ခန္ဓာကိုယ်လေးကို ကျွန်တော်ပွေ့ချီ၍ မွေ့ရာပေါ်ကို ဖွဖွလေး ချလိုက်သည်။

“မောင်…”

ခေါင်းနှင့် ခေါင်းအုံးအထိလိုက်တွင် တစ်ခါမှ မခေါ်ခဲ့ဖူးသော မ၏ ခေါ်သံက ကျွန်တော့်နှလုံးသားထဲထိ တိုးဝင်သွားသည်။

“ဒီညဟာ မ အတွက် နောက်ဆုံးည ဖြစ်ချင် ဖြစ်သွားနိူင်တယ်။”

အခန်းထဲတွင် အလင်းတစ်ဝက် အမှောင်တစ်ဝက် ရောယှက်နေသည်။

“ခုတင်အောက်က သံသေတ္တာထဲမှာ မ သိပ်မြင်ချင်တဲ့ အရောင် တစ်ရောင်ရှိတယ်။” ကျွန်တော် ခေါင်းငုံ့၍ သံသေတ္တာကို ဆွဲယူ ဖွင့်ကြည့်လိုက်တော့ ယောဂီရောင် အင်္ကျီ၊ ယောဂီရောင် ထဘီနှင့် ယောဂီရောင် တဘက်တစ်ထည်ကို တွေ့လိုက်ရသည်။

“ကြည့်စမ်း.. မေမေ ပေးခဲ့တဲ့ ၀တ်စုံကို မ ၀တ်ကြည့်ဖို့ မေ့နေတာ ဘယ်နှနှစ်များ ရှိသွားပြီလဲ” ကျွန်တော် ပြန်မဖြေနိူင်သလို မ ဆက်မပြောနိူင်တော့ပါ။

ပြတင်းဝတွင် တစ်ခြမ်းပဲ့နေသော လတစ်စင်း ဆိုက်ရောက်လာသည်။ ထိုးဆင်းလာသော လရောင် သဲ့သဲ့လေးထဲတွင် လဲလျောင်နေသော မနှင့် ခေါင်းငိုက်စိုက်ကျနေသော ကျွန်တော်တို့ အရိပ်များသည် အလှဆုံး ပန်းချီကား တစ်ချပ်ဖြစ်နေ၏။

ထိုညက မ အနားမှာ ကျွန်တော် အမှတ်တမဲ့ အိပ်ပျော်သွားပြီး ကျွန်တော့် အနားမှာ မ အသက်တမဲ့ အိပ်ပျော်သွားလေတော့သည်။

ခိုင်ထူးသစ်

မြားနတ်မောင်မဂ္ဂဇင်း ၊ ၂၀၀၄ ခုနှစ် ဇန်န၀ါရီ

* * * * * * * * * * * * * 

14.12.11

သခင်ဖေဌေး ၊ ငြိမ်းချမ်းရေးသည် မိုးပေါ်မှ ကျလာမည်မဟုတ်...။


ပိတောက်ပွင့်သစ် မဂ္ဂဇင်း ၊ အမှတ် ၄၃ ၊ နိုဝင်ဘာလ ၂၀၁၁ ၊ စာမျက်နှာ ၇၉ - ၈၁ မှ ကူးယူဖော်ပြထားပါသည်။
ပိတောက်ပွင့်သစ် မဂ္ဂဇင်းကို 
အလွယ်တကူ မဖတ်ရှုနိုင်မည့်သူများ ဖတ်နိုင်စေရန် ရည်ရွယ်ပါသည်။





***********

9.12.11

စောသက်လင်း ၊ ခဲစာလုံးဖြင့် စာစီခြင်း ၊ ၂ ။

မြန်မာစာလုံးများ၏ ပုံစံ (Font) မှာလည်း ခေတ်ကာလအလိုက် ပြောင်းလဲလာသည်ကို ဥပမာ ၃ ခုဖြင့် ဖော်ပြလိုပါသည်။

ဥပမာ - ၁ ၊ ၂၁-၁၀-၁၉၃၉ နေ့ထုတ် ဂျာနယ်ကျော် စာစောင်မှာ အသုံးပြုခဲ့သည့် စာလုံးပုံစံ (Font)

ဥပမာ - ၂ ၊ ၂-၈-၁၉၇၁ နေ့ထုတ် ဟံသာဝတီ သတင်းစာတွင် အသုံးပြုခဲ့သည့် စာလုံး (Font)

 
ဥပမာ ၃ ၊ ဟိန်းလတ် ၊ သိစိတ်စီကြောင်း ဖြစ်တည်မှုသစ် ပဉ္စလက် သရုပ်မှန် နှင့် စာပေအနုပညာရေးရာ စာအုပ်၏ ၁၉၉၄ ဇွန်လပုံနှိပ်ခြင်းတွင် အသုံးပြုခဲ့သည့် မြန်မာစာလုံး (Font)

အထက်ပါ ၁၉၃၉၊ ၁၉၇၁၊ ၁၉၉၄ ခုနှစ် မြန်မာစာလုံးများကို ဖော်ပြထားသည့် ဥပမာ ၃ ခုတွင် ဥပမာ ၁ မှ နေပြည်တော်ပါတီ (စာကြောင်း ၇)၊ ဥပမာ ၂ မှ ဇီးကုန်း (စာကြောင်း ၃ ၊ ၇) နှင့် ဥပမာ ၃ မှ ဂျိမ်းစ်ဂျွိုက် စကားလုံးများအကြောင်း ပြောလိုပါသည်။

ယခုအခါ ကွန်ပြူတာနှင့် စာစီလျှင် အထက်ပါစာလုံးများကို အလွယ်တကူ ရိုက်နိုင်ပါသည်။ ခဲစာလုံးအသုံးပြုသည့် ကာလများကမူ တခါတရံ စာလုံးများကို အလွယ်တကူ ရှာဖွေမတွေ့သည့် အချိန်များ ရှိသည်။ မြန်မာစာလုံးများတွင် အသုံးနည်းသည့် စာလုံး၊ အသုံးများသည့် စာလုံးဟူ၍ရှိသည်။ အသုံးများသည့် စာလုံးများအတွက် စာခွက်များရှိသဖြင့် အလွယ်တကူ ရှာဖွေနိုင်ပါသည်။ အသုံးနည်းသည့်စာလုံးများ၊ ပါဠိစာလုံးများမှာမူ အပိုစာခွက်များတွင် တကူးတက ရှာရသဖြင့် အချိန်ကုန်ပါသည်။ စာစီသမားများ၏ လခကို စီပြီးသည့် စာမျက်နှာအလိုက် ပုတ်ပြတ်ပေးသည့်အခါ စာစီသမားများက မြန်မြန်ပြီးလိုသဖြင့် အသုံးနည်းသည့် စာလုံးများကို တကူးတက မရှာတော့ဘဲ ပြီးစလွယ်လုပ်လိုက်ခြင်းဖြစ်သည်။ (ကျွန်တော်လည်း လုပ်ခဲ့ပါသည်)

(ပါတီ) ကို ကွန်ပြူတာနှင့် စီလျှင် (ပ+ါ + တ +ီ) ဟု စီရပါမည်။ ခဲစာလုံးနှင့်စီလျှင် (ပ +ါ + တီ = ပ +ါ ခဲစာလုံးနှင့် တီ စာလုံး) ၃ လုံးကို ပေါင်းစီရပါသည်။ (ဥပမာ - ခို ကိုစီလျှင် ခို စာလုံးကိုသာ စီရပါသည်။ ကွန်ပြူတာကဲ့သို့ (ခ +ိ +ု = ခို) စီလို့ မရပါ။ ထိုကဲ့သို့ စာလုံးများ မရှိပါ။

(တီ) စာလုံးကို အလွယ်မရတော့လျှင် စာစီသမားက (ပါ + တ +ီ = ပါတီ ) ဟု စီလိုက်ပါသည်။ ထို့အတူ ခဲစာလုံး (ဇီ +း + ကု + န် +း) ဟု စီရမည့်အစား (ဇ +ီ +း + ကု + န် +း = ဇီးကုန်း) ၊ ခဲစာလုံး (ဂျိ + မ် +း + ဂျွိ +ု + က်) ဟု စီရမည့် အစား (ဂျ +ိ + မ် +း + ဂျွ +ိ +ု + က် = ဂျိမ်းစ်ဂျွိုက်) ဟု အလွယ်တကူ ရရာ စာလုံးသုံး၍ စာစီကြပါသည်။

မြန်မာခဲစာလုံးများ (ဓါတ်ပုံ - စောသက်လင်း)

၂။ ခဲစာလုံး စီရာတွင် အသုံးပြုရသည့် စတစ် (Compositing Stick)

  
စာခွက် (Sort case) ၊ စာစီစတစ် (Compositing stick) ၊ ခဲစာလုံးများ (Metal sort) နှင့် စီထားသည့် စာ ၄ ကြောင်း

(Stick ထဲတွင် စီထားသည့်စာ  -  The quick brown fox jumps over the lazy dog and feels as if he were in the seventh heaven of typography together with Hermann Zapf, the most famous artist of the)

Compositing Stick - မြန်မာခဲစာလုံးစာစီလောကမှာလည်း စတစ် ဟုသာ ခေါ်ကြပါသည်။ ဒန်စတစ်၊ ကြေးစတစ် စသည်ဖြင့် အမျိုးမျိုးရှိသည်။ (ကျွန်တော်ကတော့ ဒန်စတစ်ကို အလေးချိ်န်ပေါ့သဖြင့် ပိုနှစ်သက်ပါသည်။) စာစီနေသည့် တချိန်လုံး ဘယ်လက်နှင့် ကိုင်မြှောက်ထားရသဖြင့် ပေါ့သည့် စတစ်ကို ပိုကြိုက်ကြပါသည်။ ၀ါကျ အတို အရှည်ပေါ်မူတည် စတစ်အကျယ်ကို အတိုးအလျော့ ပြုလုပ်နိုင်သည်။ သတင်းစာ ကော်လံရှိ စာကြောင်းတစ်ကြောင်း၏ အကျယ်နှင့် ဝတ္ထုစာအုပ်ရှိ စာကြောင်း၏ အကျယ် မတူညီနိုင်ပါ။ စာစီသမားများက စတစ် အကျယ် ဘယ်လောက်ထားရမည်ကို နားလည်ထားရပါသည်။

စတစ်၏ အရေးကြီးသည့် လိုအပ်ချက်တစ်ခုမှာ အတွင်းမျက်နှာပြင်သည် ကျင်တွယ်ကျရမည်။ သို့မှသာ စာကြောင်းများ အကျယ်ညီနေမည်ဖြစ်သည်။ အထက်ပါပုံတွင် စတစ်အတွင်း စာကြောင်း ၄ ကြောင်း စီထားပါသည်။ ၄ ကြောင်းစလုံး၏ အကျယ်သည် ညီနေရမည်ဖြစ်သည်။ အကျယ်မညီဘဲ ဖြစ်နေပါက ပုံနှိပ်စက်ပေါ် တင်ရိုက်သည့်အခါ တိုနေသည့် စာကြောင်းမှ ခဲစာလုံးများ ထွက်လာပြီး စာဖောင်တစ်ခုလုံး ပြိုကျသွားတတ်သည်။ ပုံနှိပ်စက်သမားနှင့် စာစီသမားတို့ အကြောက်ဆုံးမှာ စက်ပေါ်တင်ထားသည့် စာဖောင်ပြိုကျခြင်းဖြစ်၏။ ထို့ကြောင့် စာကြောင်းများ ညီနေခြင်းသည် စာစီရာတွင် အရေးကြီးသည့် လိုအပ်ချက်ဖြစ်သည်။

Adjustable metal Compositing Stick

Fixed Wooden Compositing Stick



၃။ စာခွက်များ ၊ စာခွက်ဇယားနှင့် စာခုံ (Sort case)



စာခွက်များ။ ။ သစ်သားဖြင့် အကန့်လေးများ ပြုလုပ်ထားပြီး၊ ထိုအကန့်အတွင်း သက်ဆိုင်ရာ မျိုးတူ စာလုံးများ ထည့်ထားရန် ဖြစ်သည်။ အသုံးများသည့် စာလုံးများကို စာခွက်ကြီးများ၊  အသုံးနည်း စာလုံးများကို စာခွက်ငယ်များမှာ ထည့်သည်။ 

အင်္ဂလိပ် စာခွက်ဇယား

မြန်မာစာခွက်ဇယား

စာခွက်ဇယား ။ ။ စာခုံရှိ စာခွက်များအတွင်း စာလုံးများ ထည့်ထားရမည့် ပုံစံဖြစ်သည်။ စာစီသမားသည် စာခွက်ဇယားကို အလွတ်ရနေရပါမည်။ သို့မှသာ စာစီရာတွင် မြန်ဆန်မည်။ (မြန်မာနှင့် အင်္ဂလိပ်စာခွက်ဇယားမှာ တနေရာနှင့် တနေရာ အနည်းငယ် ကွဲပြားနေပါသည်။)

စာစီခုံ (Sort Case)

အင်္ဂလိပ် စာလုံးများအတွက် စာစီခုံ (မြန်မာ စာစီခုံမှာလည်း ဤခုံကဲ့သို့ သဘောတရား အတူတူပင်ဖြစ်သည်။ မြန်မာစာခွက်ခုံက စာခွက်ပိုများပြီး ခုံအရွယ်လည်း ပိုကြီးပါသည်။)

စာခုံကို အပေါ်ပိုင်း (Upper case)၊ အောက်ပိုင်း (Lower case) နှင့် အောက်အဆင့်များ (Tray cases) ဟူ၍ ၃ ပိုင်း ခွဲနိုင်သည်။

မြန်မာစာခွက် အပေါ်ပိုင်း ။  ။ ချိ၊ ခို၊ ချီ၊ ခဲ့၊ ခုံ၊ ခု၊ ခံ စသည့်စာလုံးများကို ထားပါသည်။ ယေဘူယျအားဖြင့် အသုံးနည်းသော စာလုံးများ ဖြစ်သည်။ အသုံးနည်းသော စာလုံးများကို စာစီသူ၏ လက်နှင့် အဝေးဆုံးမှာ ထားခြင်းဖြင့် စာစီသည့်အခါ စာလုံးများကို လှမ်းပြီး နှိုက်ယူရသည့် အချိန်သက်သာပါသည်။ စာလုံးနှိုက်ယူချိန်သည် စာလုံးနည်းလျှင် မသိသာသော်လည်း စာလုံး ထောင်ချီစီရသည့်အခါတွင် သိသာပါသည်။

စာစီခွက် အောက်ပိုင်း ။   ။ စာစီသူနှင့် အနီးဆုံးဖြစ်သည့် စာခွက်များမှာ အသုံးအများဆုံး စာလုံးများကို ထားပါသည်။ စာချဲတုံး (spacer) များကိုလည်း အောက်စာခွက်မှာပင် ထားသည်။

အောက်အဆင့် စာခုံများ ။  ။ အပေါ်စာခုံ နှင့် အောက်စာခုံတို့တွင် ထည့်စရာ နေရာ မကျန်တော့သည့် စာလုံးများ၊ ခေါင်းစီးများတွင် အသုံးပြုသည့် ပွိုင့်ဆိုဒ်ကြီး စာလုံးများ၊ အသုံးနည်းသည့်စာလုံးများနှင့် ပါဠိစာများကို ထားပါသည်။ စာစီသမားများတွင် စာလုံးဝှက်သည့် အကျင့်ရှိသည်။ ရှားပါးပြီး အသုံးများသည့် စာလုံးများကို တခြားသူများ မမြင်အောင် ၀ှက်ထားခြင်းဖြစ်သည်။ ၀ှက်ထားသည့် စာများကို အောင်အဆင့်များတွင် ထားတတ်သည်။ သူများ ၀ှက်ထားသည့် ရှားပါးစာလုံးကို ခိုးယူပြီး သုံးသည်မှာလည်း စာစီသမားတို့၏ အကျင့်ပင်ဖြစ်သည်။

ခဲစာလုံးများသည် အသုံးပြုသည့် ကာလအပေါ်မူတည်၍ မျက်နှာပြင်များ ပဲ့ခြင်း၊ အထူနိမ့်နေခြင်း စသည့် အပြစ်အနာအဆာများ ပေါ်လာတတ်သည်။ ပုံမှန်အားဖြင့် စာခုံများရှိ ခဲစာလုံးများ အသစ်လဲလှယ်ခြင်းကို စာလဲသည်ဟု ခေါ်ကြသည်။ စာလုံးများကို အသစ်လဲလျှင် စာဟောင်းများကို စုံလိုက်လဲမှ အဆင်ပြေပါသည်။ အဟောင်းကို အကုန်စွန့်၊ အသစ်ကို အကုန်သုံး၊ အဟောင်းအသစ် ရောမသုံးကြပါ။ စာခုံအတွင်း စာလုံးအသစ် အဟောင်းများ ရောနေပြီး၊ ထိုရောရာဖြင့် ပုံနှိပ်လျှင် စာသားများသည် လှပမနေပဲ မည်းသည့်စာလုံးကမည်း၊ ကောင်းသည့်စာလုံးက ကောင်းဖြင့် လွန်စွာ အရုပ်ဆိုးသည့် ပုံနှိပ်စာများ ဖြစ်နေတတ်သည်။

(ဖဆပလခေတ်က ပုံနှိပ်တိုက်အချို့ကို လူအင်အားဖြင့် ၀င်ရောက်ကာ စာခုံများကို မှောက်ပစ်ခြင်း၊ ပုံနှိပ်စက်မောင်းတံများကို ရိုက်ချိုးကြခြင်းသည် ထင်ရှားသည့် ဖြစ်ရပ်တစ်ခုဖြစ်ပါသည်။ စာခုံများကို မှောက်ပစ်လျှင် ခဲစာလုံးများ ပြန့်ကျဲရောထွေးသွားပြီး၊ စာခွက်အတွင်း ပြန်လည်သန့်စင် ထည့်သွင်းရသည်မှာ ခက်ခဲသော အလုပ်ဖြစ်သည်။ စာခုံတခုံ မှောက်လျှင်ပင် ရက်ပေါင်းများစွာ ကြာအောင် ပြန်လည် သန့်စင်ရသည်။ ထို့ကြောင့် ဂျာနယ်တိုက်၊ သတင်းစာတိုက်တို့၏ စာခုံများကိုသာ ပြန်လည် သန့်စင်ရလျှင် လချီ ကြာမြင့်နိုင်သည်။)

၁၉၃၀ ခုနှစ်က လန်ဒန်မြို့ရှိ ပုံနှိပ်တိုက်တစ်ခုမှ စာစီဆရာများနှင့် စာခုံများ။



အောက်အဆင့် စာဗန်းများ

အသုံးနည်းသည့် စာလုံးများကို ထည့်ထားသည့် အောက်ဆင့်စာဗန်းတစ်ခု



၎။ စာစီခြင်း (Hand Compositing) နှင့် စာပစ်ခြင်း။


Demonstrating the use of a composing stick in front of upper and lower type cases at the International Printing Museum in Carson, CA. (ကလေးငယ်ကို စာစီနည်း ပြသနေသည့် ပြတိုက်ဝန်ထမ်းတစ်ဦး)


စတစ်၏ ညာဘက်မှ စာ စစီထားပုံ

ခဲစာလုံး စာစီခြင်း ။     ။ ပုံတွင် မြင်ရသည့်အတိုင်း စာစီဆရာသည် ဘယ်ဘက်လက်ဖြင့် စာစီစတစ်ကို ကိုင်ထားပြီး လိုအပ်သည့် စာလုံးများကို ညာလက်ဖြင့် စာခွက်များထဲမှ နှိုက်ယူကာ စာကြောင်းအလိုက် စီရပါသည်။ စတစ်၏ ညာဘက်မှ တစ်လုံးချင်း စစီရသည်။ သို့မှသာ ဘယ်ဘက်မှစသည့် ပုံနှိပ်စာဖြစ်မည်။ စာစီသမားသည် စာခွက်များကို အလွတ်ရနေရမည်။ စာစီလုပ်သက်ရင့်လာလျှင် ၀ါကျတစ်ကြောင်း ဖတ်ပြီးသည်နှင့် ညာဘက်လက်က သက်ဆိုင်ရာ စာခွက်များကို ဆက်တိုက်လှမ်းပြီးသားဖြစ်သည်။ ကွန်ပြူတာဖြင့် အင်္ဂလိပ်၊ မြန်မာစာများကို ရိုက်ရာ၌ လက်ချောင်းများက ကီးဘုတ်မှာ အလိုလို ပြေးနေသလိုဖြစ်သည်။ ကိုယ်လိုချင်သည့် စာလုံး ဘယ်နေရာမှာရှိသည် ဆိုတာကို လူက စဉ်းစားနေဖို့မလို၊ လက်က အလိုလို သိပြီးဖြစ်သည်။

မင်းသင်္ခ၏ ပုဏ်ဏားဘကွန်း ဝတ္ထုထဲမှာ ထမင်းမငတ်သည့် ဂါထာအဖြစ် ရွတ်ဆိုသည့် ချိ၊ ခို၊ ချီ၊ ခဲ့၊ ခုံ၊ ခု၊ ခံ မှာ စာစီဇယားကို ကျက်မှတ်နေခြင်းဖြစ်သည်။ (ကျွန်တော့်ကို စာစီသင်ပေးသည့်ဆရာကတော့ ဇယားကို မှတ်မိစေရန် စာခွက်များကို သန့်ရှင်းရေး လုပ်ခိုင်းပါသည်။ ဥပမာ - ချိ ခွက်အတွင်း ရောက်နေသည့် အခြားစာလုံးများကို ဖယ်ရှားပေးခြင်းဖြစ်သည်။)

စတစ်အတွင်း အများဆုံး စာကြောင်း ၅ ကြောင်းသာ စီနိုင်ပါသည်။ စတစ်အတွင်း စာကြောင်းများ ပြည့်သွားလျှင် သံပေတံဖြင့် မပြီး စာဗန်းပေါ်သို့ ချထားရသည်။ သို့ဖြင့် ၅ ကြောင်းစီလိုက်၊ စာဗန်းပေါ်ချလိုက်ဖြင့် စာတစ်မျက်နှာ ပြည့်အောင် စီရသည်။ စာတစ်မျက်နှာရလျှင် မပြိုအောင် ထားရပြီး နောက်တစ်မျက်နှာ ထပ်စီရသည်။

ရရှိလာသည့် စာမျက်နှာများကို စာပြင်ဆရာများက စာမျက်နှာ အလိုက် ဒမ်ဘီချရသည်။ စာမျက်နှာအစီအစဉ်အလိုက် ပုံနှိပ်နိုင်ရန်ဖြစ်သည်။ အတွေ့အကြုံလိုသည့် ပညာဖြစ်သည်။ ခဲစာလုံး ပုံနှိပ်ခေတ်သာမက ယခုခေတ် အော့ဖ်ဆက်များမှာပင် စက်တင်ပုံနှိပ်ရန် ဒမ်ဘီချရသည်။ ဒမ်ဘီချမှားလျှင် ရိုက်လိုက်သည့် စာရွက်များ အစီအစဉ်တိုင်း မဖြစ်တော့ဘဲ ထွက်လာသည့် စာအုပ်မှာ လွန်စွာ အရုပ်ဆိုးပါသည်။

ဒမ်ဘီချပြီးလျှင် ဆိုင်ရာ စာမျက်နှာများကို သံဘောင် (Chase) အတွင်း နေရာချပြီး စာဖောင်ဖွဲ့ရသည်။ စာဖောင်ဖွဲ့ခြင်းမှာ တစ်လုံးချင်းစီ စီထားသည့် စာလုံးများကို မပြိုမကျဘဲ ပုံနှိပ်စက်ပေါ် လိုသလို အနေအထားဖြင့် တင်နိုင်ရန်ဖြစ်သည်။ စာဖောင်ဖွဲ့သည့် စားပွဲသည် မျက်နှာပြင် ညီညာနေရမည်။ စာဖောင်ဖွဲ့သူသည်လည်း အတွေ့အကြုံရှိဖို့လိုသည်။ စာဖောင်ကို မတင်းလွန်း မလျော့လွန်း ကြပ်နိုင်ဖို့လိုသည်။ သို့မှသာ စက်ပေါ်မှ စာဖောင်သည် မြဲမည်။ စာဖောင်ဖွဲ့ပြီးလျှင်တော့ စာစီခြင်းလုပ်ငန်း ပြီးပြီဟု ဆိုနိုင်သည်။ စက်ပေါ်တင်ပြီး ပုံနှိပ်ရန်သာ လိုသည်။

စာပစ်ခြင်း ။  ။ ပုံနှိပ်လုပ်ငန်း ပြီးစီးသွားလျှင် စာဖောင်ကို စက်ပေါ်မှ စားပွဲပေါ် ပြန်ချရသည်။ မှင်များညစ်ပေနေသည့် ခဲစာလုံးမျက်နှာပြင်များကို ရေနံဆီဖြင့် ဆေးပြီး ဖြူဖွေးနေအောင် သန့်စင်ရသည်။ ထို့နောက် စာဗန်းများပေါ် ပြန်တင်ရသည်။ ထိုစာဗန်းထဲမှ ခဲစာလုံးများကို နောက်တစ်ကြိမ် အသုံးပြုရန်အတွက် စာခုံရှိ စာခွက်များ အတွင်းသို့ စာစီသမားက ပြန်ထည့်ပေးရသည်။ ထို့သို့ စာခွက်အတွင်း စာလုံးပြန်ထည့်ခြင်းကို စာပစ်သည် ဟု ခေါ်သည်။ စာစီသမားများ အပျင်းဆုံး အလုပ်လည်းဖြစ်သည်။

စာအုပ်တစ်အုပ်ကို ကွန်ပြူတာဖြင့် စာစီမည်ဆိုလျှင် စာမျက်နှာများကို ပြန်ဖျက်စရာ မလိုဘဲ သိမ်းဆည်းထားနိုင်ပါသည်။ လိုသည့် အချိန်တွင် ချက်ချင်း ပြန်လည် အသုံးပြုနိုင်သည်။ ပြင်ဆင်တည်းဖြတ်နိုင်သည်။ ခဲစာလုံးစာစီသည့် ခေတ်ကမူ ထိုကဲ့သို့ ကောင်းမွန်သည့် အခွင့်အရေးကို မရနိုင်ပါ။ ခဲစာလုံး စာမျက်နှာများကိုလည်း သိမ်းမထားနိုင်ပါ။ ပုံနှိပ်ပြီးသည်နှင့် စီထားသည့် စာမျက်နှာများကို ဖျက်ပစ်ရပြီး စာလုံးများကို စာခွက်များထဲ ပြန်ထည့်ရသည်။ စာပစ်ရသည်။

ထို့ကြောင့် ယခင်ခေတ်က စာအုပ်များကို စက်တင်ပုံနှိပ်ပြီး ဖြန့်ချိသည့်အခါ၊ ချက်ချင်းရောင်းကုန်သွားသည့် စာအုပ်များကို ချက်ချင်း ထပ်ထုတ်လိုလျင် စာစီခြင်းကို အစမှ ပြန်လုပ်ရသည်။ အချိန်ကြသည်။ ပထမအကြိမ် ထုတ်နှင့် ဒုတိယအကြိမ် ထုတ် စာမျက်နှာများလည်း အနည်းငယ် ပြောင်းလဲသွားနိုင်သည်။ စာအုပ်မူပိုင်ရှင်က သူ့စာအုပ်ကို ထပ်ထုတ်မထုတ် သိနိုင်သည်။ ယခုခေတ်တွင်မူ ယခင်စာမျက်နှာကိုပင် ကွန်ပြူတာမှာ သိမ်းဆည်းထားသဖြင့် စာအုပ်ကို အကြိမ်ကြိမ် ထပ်ထုတ်သော်လည်း အတူတူပင်ဖြစ်သည်။ စာအုပ်မူပိုင်ရှင်က သူ့စာအုပ်ကို ထပ်ထုတ်ထားမှန်း သိနိုင်ဖို့ခက်သည်။

စာပစ်ခြင်းမှာလည်း စိတ်ရှည်ကျွမ်းကျင်ဖို့လိုသည်။ စာပစ်ပြီး ပြီးရောဆိုကာ သက်ဆိုင်ရာခွက်အတွင်း မထည့်နိုင်ပါက စာခွက်မသန့် ဖြစ်သွားသည်။ ခို စာလုံးကို ခို ခွက်ထဲ မထည့်ပဲ တခြားထဲ ထည့်မိပါက နောင် စာစီသည့်အခါ ခို စာလုံးကို ရှာဖို့ခက်သွားသည်။

စာစီသမားတစ်ယောက် စာပစ်နေသည်ကို ကြည့်ခြင်းဖြင့် သူ၏ လုပ်သက်ကို ခန့်မှန်းနိုင်သည်။ စာလုံးကို ညာလက်ဖြင့် ကိုင်၊ စာခွက်ရှိရာ လက်လှမ်းပြီး ထည့်နေစရာမလိုဘဲ၊ စာလုံးကို စာခွက်ထဲသို့ အဝေးမှ အတိအကျ ပစ်ထည့်နိုင်ခြင်းဖြစ်သည်။ ထိုသို့ ပစ်ထည့်လျှင် အလုပ် မြန်မြန်ပြီးသည်။ ရန်ကုန်မြို့ ဗိုလ်တထောင်ရှိ မြန်မာ့မီးရထား လက်မှတ်ပြားများကို ပုံနှိပ်သည့် တိုက်သို့ ကျွန်တော် ရောက်ဖူးသည်။ ထိုကဲ့သို့ စာခွက်ထဲ အတိအကျ ပစ်နိုင်သည့် စာစီဆရာ ၃ - ၄ ဦးခန့် ထိုတိုက်တွင်ရှိသည်။

စတစ်အတွင်း စီထားသည့် စာကြောင်းများကို စာဗန်းပေါ် ချနေသည့် ပုံဖြစ်ပါသည်။ (ဗန်းပေါ် အချမမတတ်လျှင် စာလုံးများ ဖွာပြီး လွှင့်ကျသွားနိုင်သည်။)

 သစ်သားစာဗန်း (wooden galley) နှင့် လဲပြိုကျနေသည့် စီထားသည့် စာလုံးများ (စာကြောင်းများကြားတွင် ဂျပ်ပြားလေး ညှပ်ထားသည်ကို တွေ့မြင်နိုင်ပါသည်။)


ပုံနှိပ်စက်ပေါ်တင်ရန် စာဖောင်များကို ပြင်ဆင်နေသည့်ပုံ ဖြစ်ပါသည်။ စာဖောင်ပြင်မည့် စားပွဲသည် မျက်နှာပြင် ညီနေရမည်။ ခဲစာလုံးမျက်နှာပြင်ကိုလည်း ညီညာနေစေရန် ပုံထဲတွင်ပါသည့်အတိုင်း သစ်သားတုံးခံပြီး သစ်သားတူဖြင့် အသာထုပြီး ညှိပေးရသည်။


သစ်သားတူ (wooden mallet)


ပုံနှိပ်စက်ပေါ်တင်ရန် အသင့်ဖြစ်နေသည့် စာဖောင်တစ်ခု (Chase) (စာဖောင် အကြီးအသေးသည် ပုံနှိပ်စက်နှင့် ဆိုင်ပါသည်။ စက်သေးလျှင် စာဖောင်လည်း သေးသည်။



၅။ အပိုစာခုံများ၊ စာဗန်းနှင့် စာဖောင်  (စာဗန်း - Galley ၊ စာဖောင် Chase)

ပုံနှိပ်တိုက်များ၊ သတင်းစာတိုက်များသည် လုပ်ငန်းများလျှင် များသလောက် စာခုံအပိုများ ထားရသည်။ သို့မှသာ စာလုံးမပြတ်ဘဲ ဆက်တိုက် ပုံနှိပ်နိုင်မည်ဖြစ်သည်။ စာစီနေရင်း စာလုံးကုန်သွားလျှင် ပုံနှိပ်စက်ပေါ်မှ စာလုံးများ ပြန်အချကို စောင့်နေရပြီး လုပ်ငန်း မတွင်ဖြစ်တတ်သည်။

သစ်သားစာဗန်း၊ သံစာဗန်းဟူ၍ အသုံးများကြသည်။ စာဗန်းများ၏ မျက်နှာပြင်သည် ညီညာရမည်။ စာဖောင်များမှာလည်း စက်အမျိုးအစားပေါ်မူတည်၍ အရွယ်အစား အမျိုးမျိုးရှိသည်။ တစ်ခန်းဖောင်၊ ၂ ခန်းဖောင်နှင့် ၄ ခန်းဖောင်ဟူ၍ အသုံးများသည်။

ခြေနင်းပုံနှိပ်စက် ။   ။ ခြေနင်း ပုံနှိပ်စက်ငယ်များ အကြောင်း အနည်းငယ်ပြောပြလိုပါသည်။ တောရွာများတွင် ခြေနင်းဖြင့် မောင်းထောင်းသလို ခြေနင်းဖြင့် စက်ရိုက်ရပါသည်။ စက်၏ခြေနင်းတံကို အထက်အောက် တစ်ခါဖိလျှင် စက် ၁ ချက်နင်းသည်ဟု ခေါ်ပါသည်။ စာရွက်တစ်ရွက် ပုံနှိပ်ဖြစ်စေရန် ၆ ချက်နင်းရသည့်စက်နှင့် ၇ ချက်နင်းရသည့်စက်ဟူရှိပါသည်။ တစ်ချက်နင်း တစ်ရွက်ထွက်သည့် ပုံနှိပ်စက်တော့ ကျွန်တော်မတွေ့ဖူးပါ။ ခြေနင်းစက်ဖြင့် ပုံနှိပ်ရသည်မှာ ပင်ပန်းသော အလုပ်ဖြစ်သည်။

ထာဝရ အနားယူသွားပြီဖြစ်သည့် ပြည်တွင်းဖြစ် ခြေနင်း ပုံနှိပ်စက်ငယ် တစ်ခု (မှင်လုံး ၃ လုံးပါသည့် စက်)


၁ ခန်းစာဖောင်
၂ ခန်းစာဖောင်

၎ခန်းစာဖောင်



အင်္ဂလန်နိုင်ငံ Bath Spa University ၊ အင်္ဂလိပ်စာပေ တတိယနှစ်ကျောင်းသား ၊ သူများ၏ စာစီ သင်တန်းချိန်
(Dr Ian Gadd, right, with his third-year English literature class from Bath Spa University)


ဂိုဒေါင်ထဲမှ အင်္ဂါမစုံတော့သည့် ပြည်တွင်းဖြစ် ခြေနင်း ပုံနှိပ်စက်ငယ် (မှင်လုံး ၂ လုံး သုံးသည့်စက်)


အမှိုက်ဂိုဒေါင်ထဲက အင်္ဂလန်လုပ် ခြေနင်း ပုံနှိပ်စက်တစ်ခု (လျှပ်စစ်မီးလာလျှင် မော်တာနှင့်လည်း အသုံးပြုနိုင်သည်)


စောသက်လင်း

ရည်ညွန်းကိုးကား

၁။ မောင်သစ်လွင် (လူထု) ၊ ကိုလိုနီခေတ် တိုက်ပွဲဝင် သတင်းစာ ၊ မြန်မာနိုင်ငံ သတင်းစာသမိုင်း အကျဉ်းချုပ် (၁၈၃၆ - ၁၉၄၈) ၊ စိန်ပန်းပွင့်ချိန် စာအုပ်တိုက် (E Book မှ ယူပါသည်)

၂။ မောင်ထင် ၊  ယောမင်းကြီး ဦးဖိုးလှိုင် အတ္ထုပ္ပတ္တိ နှင့် ရာဇဓမ္မသင်္ဂဟကျမ်း (E Book မှ ယူပါသည်)



၅။ ဓါတ်ပုံများကို အင်တာနက်မှ ရယူပါသည်။

 * * * * * * * * * * * * *