14.7.11

ဖတ်မိဖတ်ရာ...နတ်နွယ်၊ စာအုပ်တန်းမှာ လမ်းလျှောက်ခြင်း။



 ရန်ကုန်မြို့ ပန်းဆိုးတန်းလမ်းရှိ စာအုပ်အဟောင်းဆိုင်တန်းကို ၂၀၁၀ ခုနှစ် ဒီဇင်ဘာလအတွင်းက မြင်တွေ့ရပုံ

မရောက်ဖူးသော အရပ်ဒေသတစ်ခုမှ ဈေးတစ်ဈေးအတွင်း လှည့်လည်သွားလာရခြင်းသည် ထူးဆန်းသော ကမ္ဘာတစ်ခုအတွင်းသို့ ၀င်ရောက်ရသကဲ့သို့ ဖြစ်သည်။ စိတ်ဝင်စားဖွယ်ရာ အသစ်အဆန်းများကို မြင်တွေ့ရပါသည်။ အသိဉာဏ် ဘဏ်တိုက်အတွင်း ဖြည့်တင်း သိမ်းဆည်းထားစရာများကို ရရှိတတ်ပါသည်။ အသီးအနှံအသစ်၊ အခြင်အတွယ်သစ်၊ အရောင်းအ၀ယ် ပုံစံသစ်၊ အလေ့အလနှင့် ပြောဆိုဆက်သွယ်ပုံအသစ် စသည်များဖြစ်ပါသည်။

စာအုပ်တန်းတွင် လမ်းလျှောက်ရခြင်းသည်လည်း အလှအပ အသစ်အဆန်း၊ အလျှို့အ၀ှက်၊ အတိမ်အနက် အားလုံးတို့ကို တွေ့ထိခံစားရပါသည်။ လူသားများ၏ ကိုယ်စိတ်နှစ်ပါးနှင့် အရာဝတ္ထုအားလုံး၏ အတွင်းအပြင်တို့ကို ကြည်လင်သော မှန်သားပြင်ပမာ ထွင်းဖောက်ကာ မြင်တွေ့ရပါသည်။

စာအုပ်တန်းဆိုသည်မှာ စာအုပ်သစ်များကို ရောင်းချသော အတည်တကျ ဆိုင်ကြီးများကို ဆိုလိုသည်မဟုတ်ပါ။ စာအုပ်ဟောင်းများကို လူသွားလမ်းစကြံ င်္ပေါ်တွင်ပုံ၍သော်လည်းကောင်း၊ တိုက်နံရံဘေးများတွင် တင်၍သော်လည်းကောင်း ရောင်းချသော စာအုပ်အဟောင်းဆိုင်များကို ဆိုလိုပါသည်။

ရန်ကုန်မြို့အလယ်တွင် ယင်းကဲ့သို့ ရောင်းချသော စာအုပ်တန်း နှစ်တန်း ရှိပါသည်။ တစ်ခုမှာ ပန်းဆိုးတန်းတွင် ဖြစ်ပါသည်။ မဟာဗန္ဓ္ဓုလလမ်းနှင့် ကုန်သည်လမ်းအကြားတွင် ဖြစ်သည်။နောက်တစ်ခုက ဗိုလ်ချုပ်အောင်ဆန်းလမ်းတွင်ဖြစ်သည်။ ဗိုလ်ဆွန်ပက်လမ်းနှင့် ၂၉ လမ်းအကြား၌ ဖြစ်သည်။ပန်းဆိုးတန်း စာအုပ်တန်းသည် ရုံးတွေအနီးတွင် ရှိပြီး ရုံးချိန်အတိုင်းလောက်ပင် ဖွင့်ကြသည်။ ဗိုလ်ချုပ်လမ်း စာအုပ်တန်းသည် ညဈေးတန်းနှင့် နွယ်နေသဖြင့် ညနေပိုင်းမှ ညဥ့်ပိုင်းလောက်အထိ ဖွင့်သည်။ ဈေးတန်းနှစ်ခုစလုံးမှာပင် မြန်မာစာအုပ်အဟောင်းများနှင့် အင်္ဂလိပ်စာအုပ် အဟောင်းများ ရောင်းကြသည်။

မိမိ၏ မဂ္ဂဇင်းတိုက်သည် ပန်းဆိုးတန်းနှင့် ကျောခိုင်းနယ်စပ်ဖြစ်သော ၃၇ လမ်းတွင် ရှိသဖြင့် မြို့ထဲသို့ အလာတွင်ဖြစ်စေ၊ နေ့ခင်းဘက် အားလပ်ချိန်တွင်ဖြစ်စေ၊ ပန်းဆိုးတန်းနှင့် ၃၇ လမ်း စာအုပ်တန်းတို့ကို လက်ဝဲရစ်ဖြစ်စေ၊ လက်ယာရစ်ဖြစ်စေ တစ်ပတ်လှည့်တတ်ပါသည်။ ဗိုလ်ချုပ်လမ်း စာအုပ်တန်းကိုကား ညနေ အလုပ်ပြန်ချိန် စောသည့်နေ့များတွင် အေးဆေးစွာ လျှောက်လေ့ရှိပါသည်။ ယင်းသို့ လျှောက်ရာတွင် စာအုပ်တွေနှင့် တွေ့ထိရသလို မိမိလိုပင် စာအုပ်ရှာဖွေသော စာရေးဆရာများ၊ ပန်းချီဆရာများ၊ အယ်ဒီတာများ၊ ထုတ်ဝေသူများနှင့်လည်း တွေ့ရပါသည်။

စာအုပ်ရောင်းသူများသည် စာအုပ်အဟောင်းများကို စာရေးဆရာများ၊ စာအုပ်စုဆောင်းသူများ၊ သံရုံးများ၊ နိုင်ငံခြားမှ ပြန်လာသူများထံမှ ၀ယ်ယူရရှိကြခြင်းဖြစ်သည်။ စာရေးဆရာများ၊ စာအုပ်စုဆောင်းသူများထံမှ ၀ယ်ယူရရှိသော စာအုပ်များတွင် ရှားပါးသော စာအုပ်များ၊ ရှေးဟောင်းစာအုပ်များ ပါရှိတတ်ပြီး သံရုံးများ၊ နိုင်ငံခြားပြန်များထံမှ ၀ယ်ယူရရှိသော စာအုပ်များတွင် အရောင်းသွက်စာအုပ်များနှင့် စာအုပ်အသစ်များ ပါရှိတတ်သည်။ ရံဖန်ရံခါတွင် ဖေဖော်ဝါရီလထုတ် နိုင်ငံခြားစာစောင်တစ်ခုကို ဇန်န၀ါရီလကုန်ပိုင်းလောက်မှာပင် ရရှိတတ်ပါသည်။ မိမိတို့ဆီတွင် နယ်သို့ပို့သောစာအုပ်များကို ကြို၍ ထုတ်ဝေသလို သူတို့ကလည်း အခြားနိုင်ငံများသို့ ပို့သောစာအုပ်များကို ကြို၍ ထုတ်သောကြောင့်ဖြစ်သည်။

စာအုပ်များ စိတ်ဝင်စားဖွယ်ကောင်းသလို စာအုပ်ဈေးမှာလည်း စိတ်ဝင်စားဖွယ်ကောင်းလှသည်။ တစ်ချိန်က တစ်ကျပ်ပုံ နှစ်ကျပ်ပုံများသည် ယခုအခါ ငါးကျပ်ပုံ၊ တစ်ဆယ်ပုံများဖြစ်နေကြပြီး၊ ငါးကျပ်ပုံများတွင် စာအုပ်ပါးပါးကလေးများနှင့် အစုတ်အပြဲ အဟောင်းအနွမ်းများကိုသာ တွေ့ရသည်။ အပုံထဲသို့ မထည့်ဘဲ သီးခြားထားရှိသော စာအုပ်များမှာမူ သူ့ဈေးနှင့်သူ ဖြစ်သည်။ နှစ်ဆယ်၊ သုံးဆယ်မှ နှစ်ထောင်၊ သုံးထောင်အထိဖြစ်သည်။ များသောအားဖြင့် ၁၀၀ ကျပ်ဝန်းကျင်တွင် ဖြစ်ကြသည်။ အချို့သော မြန်မာစာအုပ်များကို ၅၀၀ ကျပ်ဝန်းကျင်နှင့် ၁၀၀၀ ကျပ်ဝန်းကျင်တွင် ဈေးခေါ်နေကြသည်။

စာအုပ်ဈေးများ စိတ်ဝင်စားဖွယ်ကောင်းသလို စာအုပ်တစ်အုပ်ချင်း၏ သမိုင်းမှာလည်း စိတ်ဝင်စားဖွယ်ရာ ကောင်းလှပါသည်။ အချို့စာအုပ်များတွင် မူလပိုင်ရှင်၏ အမည်၊ ဌာနအမည်၊ စာကြည့်တိုက်အမည်၊ သံရုံးအမည်များကို ခြေရာဖျောက်သည့်အနေဖြင့် အဖွင့်စာမျက်နှာများကို ဆုတ်ထားတတ်ကြသည်။ သို့သော် အချို့စာအုပ်များတွင်ကား.... မူလပိုင်ရှင်၏ အမည်များကို အံ့သြဖွယ်ရာ တွေ့ရှိရတတ်သည်။

မိမိဝယ်ယူရရှိသော စာအုပ်တစ်အုပ်တွင် နာမည်ကျော် စာရေးဆရာကြီး တစ်ဦး၏ ကိုယ်ပိုင်လက်မှတ် ရေးထိုးထားသည်သာမက စာမျက်နှာ ဘေးသားများတွင် တေးမှတ်ထားသည်များကိုလည်း တွေ့ရှိရသည်။ ယင်းစာရေးဆရာကြီး၏ စာဖတ်သည့်အလေ့ကို တွေ့ရှိရပါသည်။ အချို့စာအုပ်များတွင် ပိုင်ရှင်သုံးလေးဦး၏ အမှတ်တံဆိပ်များကို တွေ့ရှိရသည်။ အဆင့်ဆင့် လက်ပြောင်းခဲ့သည့် သဘောပင်ဖြစ်သည်။

စာရေးဆရာများ၊ စာအုပ်စုဆောင်းသူများ၏ စာအုပ်များကို ရောင်းချရာ၌ အချို့သည် ကာယကံရှင် ရှိစဉ်မှာပင် ကာယကံရှင်ကိုယ်တိုင်က ရောင်းချခြင်းဖြစ်သည်။ အချို့မှာမူ ကာယကံရှင် ကွယ်လွန်သွားသောအခါ ဆက်ခံသူများက ရောင်းချခြင်းဖြစ်သည်။ စာအုပ်စာတန်းများကို အမွေရရှိသူများအနက် စာအုပ်တန်ဖိုးကိုလည်း သိရှိပြီး ငွေကြေးလည်း ရှိသူများသည် စာအုပ်များကို ဆက်လက်စုဆောင်းသည်လည်း ရှိသည်။ ပိဋကတ်တိုက်၊ မော်ကွန်းတိုက်များသို့ လှူဒါန်းကြသည်များလည်း ရှိသည်။ အမွေ ဆက်ခံသူများအနက် စာပေတန်ဖိုးကို နားမလည်သူများနှင့် ငွေရေးကြေးရေး အဆင်မပြေသူများက တန်ဖိုးကြီးမားလှသော စာအုပ်များကို ရသမျှနှင့် ရောင်းချပစ်ကြသည်။

စာရေးဆရာများ၊ စာအုပ်စုဆောင်းသူများသည် စာအုပ်များလာသောအခါ ထားစရာမရှိသဖြင့် အသုံးမချလိုသော စာအုပ်များကို ပြန်လည်ရောင်းချရခြင်းများလည်း ရှိသည်။ စားစရာ မရှိသဖြင့် မိမိ မြတ်နိုးလှသော စာအုပ်များကို ရင်နင့်စွာနှင့် ရောင်းချပစ်ရသည်လည်း ရှိသည်။ အမျိုးသား စာရေးဆရာတစ်ဦးနှင့် အမျိုးသမီး စာရေးဆရာတစ်ဦးတို့က သူတို့၏ စာအုပ်များ ရောင်းလိုက်ရသည်ကို သူတို့၏ နှလုံးသည်းပွတ်များ၊ သူတို့၏ သားသမီးရတနာများကို ရောင်းချလိုက်ရသည့်အလား ကြေကွဲစွာ ရေးဖွဲ့ထားကြသည်ကို မိမိခေါင်းထဲတွင် ယနေ့တိုင် စွဲနေဆဲဖြစ်သည်။

မိမိကိုယ်တိုင်လည်း မိမိဖခင် စုဆောင်းခဲ့သော စာအုပ်များနှင့် မိမိကိုယ်တိုင် နှစ်ပေါင်း ၄၀ ကျော် စုဆောင်းခဲ့သော စာအုပ်များကို ထားစရာ မရှိ၍လည်းတစ်ကြောင်း၊ စားစရာ မရှိ၍လည်းတစ်ကြောင်း လေးငါးကြိမ်မျှ ရောင်းချခဲ့ရပါသည်။

ထိုအထဲတွင် နှမြောမြောနှင့် ရောင်းလိုက်ရသော စာအုပ်များ အတော်ကလေးပင် ပါရှိသွားပါသည်။

တစ်နေ့တွင် ဗိုလ်ချုပ်လမ်း စာအုပ်တန်းတွင် လျှောက်သွားစဉ် လွန်ခဲ့သော ဆယ်နှစ်ခန့်က နှမြောမြောနှင့် မိမိ ရောင်းလိုက်သော စာအုပ်လေးတစ်အုပ်ကို အမှတ်မထင် ပြန်လည်တွေ့ရှိရသည်။ ပျောက်ဆုံးနေသော ဆွေမျိုးရင်းချာ တစ်ဦးနှင့် ပြန်လည်တွေ့ရှိရသလို မိမိ ၀မ်းသာသွားရသည်။ စာအုပ်ကလေးကို လှန်လှော ကြည့်ရှုသောအခါ ပိုင်ရှင် နှစ်ဆက် ပြောင်းခဲ့ပြီဖြစ်သည်။ ထိုနေ့က မဂ္ဂဇင်းတိုက်တစ်တိုက်မှ စာမူခ ရရှိခဲ့သဖြင့် ထိုစာအုပ်ကလေးကို ပြန်လည်ဝယ်ယူခဲ့ပါသည်။

တစ်ခုတော့ ရှိသည်။ ထိုစာအုပ်ကလေးကို မိမိ ရောင်းလိုက်စဉ်က သုံးလေးကျပ်မျှသာ ဖြစ်သော်လည်း ယခု ပြန်ဝယ်ရသောအခါ ၁၀၀ ကျပ်တိတိ ဖြစ်နေပါသည်။ သို့သော်... မိမိ လွတ်လပ် ဆုံးရှုံးသွားရသော အရာတစ်ခုကို ပြန်လည်ရရှိခြင်းသည် တန်ဖိုးမဖြတ်နိုင်ပါတကား။
နတ်နွယ်
၉-၁၂-၉၁ ၊ ရွှေဝတ်မှုန်၊ ဇန်န၀ါရီ ၊ ၁၉၉၂။





နတ်နွယ် ၊ တောအကြောင်း တောင်အကြောင်း (၃) မိမိနှင့် စာပေအရိပ်အယောင် ပုံရိပ်များ
ပုဂံစာအုပ်တိုက် ၊ ပထမအကြိမ် ၊ ၂၀၀၇ ခုနှစ်၊


 *   *   *   *   *   *   *   *   *   *   *

တောအကြောင်း တောင်အကြောင်း (၃) စာအုပ်၏ စာမျက်နှာ ၇၄ မှ ၇၇ အထိ ဖော်ပြထားသည့် ဆောင်းပါးအား ကူးယူထားခြင်း ဖြစ်ပါသည်။ ဆရာနတ်နွယ်၏ မူရင်း ဆောင်းပါးနှင့် စာအုပ် မျက်နှာဖုံးအား ဖော်ပြခွင့်ပြုပါရန် သက်ဆိုင်သူများအား ဤစာဖြင့် လေးစားစွာ ပန်ကြားအပ်ပါသည်။ ပန်းဆိုးတန်း စာအုပ်အဟောင်းတန်းမှ ၀ယ်ယူရရှိခဲ့ဖူးပြီး စုဆောင်းထားသည့် စာပေဂျာနယ် နှစ်အုပ်အား အမှတ်တရ ဖော်ပြအပ်ပါသည်။




*   *   *   *   *   *   *   *   *   *   *

No comments:

Post a Comment