24.6.11

ဖတ်မိပြီး ၀မ်းနည်းကြေကွဲရသောစာ၊...ဦးသော်ကောင်း အင်တာဗျူး။


ဦးသော်ကောင်းနှင့် တွေ့ကြသည်။ (စာကြည့်တိုက်၊ စာပေနှင့် ဘ၀အတွေ့အကြုံ ပြောပြချက်များ)

ပုဂံစာအုပ်တိုက်
ပထမအကြိမ် ၂၀၀၇ ဖေဖော်ဝါရီ ၊ ဒုတိယအကြိမ် ၊ ၂၀၀၇ သြဂုတ်။

မိုးဇံ ၏ ဦးသော်ကောင်း နှင့် တွေ့ဆုံခြင်း (၁) စာမျက်နှာ ၇၁ - ၇၂။

မိုးဇံ ။   ။ စာအုပ်စုဆောင်းပြီး သိပ်ကောင်းကောင်းမွန်မွန် မထိန်းသိမ်းနိုင်ဘူးဆိုရင်တော့ စာကြည့်တိုက်တွေ လှူတာ ကောင်းမယ်ထင်တယ်။ စာကြည့်တိုက်က ကောင်းကောင်း ထိန်းသိမ်းနိုင်တယ် မဟုတ်လား။ 

ဦးသော်ကောင်း။   ။ ဟုတ်တာပေါ့။ စာကြည့်တိုက်ကတော့ စနစ်တကျလည်း ထိန်းသိမ်းနိုင်တယ်။ လူအများလည်း တွေ့မြင်ဖတ်ရှုလို့ ရတယ်လေ။ ဦးနုက တော်တော်များများ လှူတယ်။ ကိုငြိမ်းကျော် (စာရေးဆရာ ငြိမ်းကျော်) မဆုံးခင်ကလည်း သူ့စာအုပ်တွေ လှူမယ်လို့ပြောတယ်။ နောက်တော့ အမျိုးသားစာကြည့်တိုက်ကို သူဆုံးပြီးမှ လှူဖြစ်ပါတယ်။ နောက် ဘကြီးဘဖေ၊ သူမဆုံးခင်မှာ သူရိယသတင်းစာတွေ အကုန်လုံး စာကြည့်တိုက်ကို လာလှူလိုက်တာ။ သိပ်တန်ဖိုးရှိတာပဲ။ ကျွန်တော်တို့ကလည်း သတင်းစာတွေကို မိုက်ခရိုဖလင်နဲ့ရိုက်ပြီး သိမ်းထားပါတယ်။ ဆရာကြီး ဦးဝန်လည်း စာအုပ်တွေ အများကြီး လှူဖူးတယ်။ ကျွန်တော်ကိုယ်တိုင်လည်း လှူခဲ့ပါတယ်။ စာကြည့်တိုက်မှာ တစ်ဦးချင်း လာလာလှူတာတွေလည်း အများကြီး ရှိပါတယ်။ သူတို့တွေကို သိပ်ကျေးဇူးတင်ရပါတယ်။ နောက်မြန်မာပြည်မှာ စာအုပ်စုဆောင်းတာနဲ့ ပတ်သက်ရင် နာမည်ကြီးတာ ဆရာကြီး လုစ် ရှိသေးတယ်။ ကျွန်တော်တွေ့ဖူးတဲ့ ကိုယ်ပိုင်စာကြည့်တိုက်ထဲမှာဆိုရင် တော်တော်စနစ်တကျနဲ့ အများကြီး စုဆောင်းထားတယ်။ သူ့ စာကြည့်တိုက်က သိပ်ကောင်းတာပဲ။ မြန်မာပြည်နဲ့ ပတ်သက်တာရော၊ ပုဂံခေတ်နဲ့ ပတ်သက်တာရော အင်္ဂလိပ်စာအုပ်၊ မြန်မာစာအုပ်၊ နောက်ပြီးတော့ ပြင်သစ်စာအုပ် အရမ်းစုံတယ်။ ဒါနဲ့ ပတ်သက်လို့ တစ်ခုပြောရရင် ကျွန်တော်တို့ သမိုင်းကော်မရှင်ကို ၁၉၅၅ မှာ တည်ထောင်တယ်။ ကျွန်တော့်အဖေက ပထမဆုံး ဥက္ကဋ္ဌပေါ့။ အဲဒီမှာ သူတို့က သမိုင်းကော်မရှင် စာကြည့်တိုက်ကို ဘယ်လိုပုံစံနဲ့ လုပ်မလဲဆိုတာ သူတို့ ဆွေးနွေးကြတဲ့အခါကျတော့ ဆရာကြီး လုစ်ရဲ့ ကိုယ်ပိုင်စာကြည့်တိုက်ကို နမူနာယူပါဆိုပြီး အဖွဲ့ဝင် အများစုက ပြောကြတယ်တဲ့။ ဒါ ဒေါက်တာသန်းထွန်း ပြန်ပြောပြတာ။ သူက သေသေချာချာ သိတာကိုး။ အဲဒါနဲ့ သူ့ရဲ့စာအုပ်စာရင်း သွားကောက်ကြတယ်။ အဲဒီ စာရင်းက ဆရာသန်းထွန်းဆီမှာ ရှိတယ်။

မိုးဇံ ။   ။ အဲဒီ စာအုပ်တွေ အခု ဘယ်ရောက်သွားပြီလဲ။

ဦးသော်ကောင်း ။   ။ ဆရာကြီး လုစ်က အငြိမ်းစား ယူပြီးတော့ အင်္ဂလန် ပြန်သွားပါတယ်။ သူ ကွယ်လွန်တဲ့ အခါကြတော့ ဗြိတိသျှအမျိုးသား စာကြည့်တိုက်က စာအုပ်တွေကို စိတ်ဝင်စားတယ်။ သူ့ရဲ့ ကိုယ်ပိုင်စာစု Collection အတိုင်း ၀ယ်ဖို့ပေါ့။ ဒါပေမယ့် ပိုက်ဆံ မတတ်နိုင်ကြဘူး။ ဒါနဲ့ နောက်ဆုံးမှာ သြစတြေးလျ အမျိုးသားစာကြည့်တိုက်က ၀ယ်လိုက်တယ်။ မနှစ်က (၁၉၉၉) ကျွန်တော့်ကို သြစတြေးလျက ဖိတ်တယ်။ သုံးလ ကျွန်တော် သွားခဲ့တယ်။ အဲဒီမှာ ဆရာကြီး လုစ်ရဲ့ လက်ရေးစာတွေကို ကက်တလောက် လုပ်ပေးခဲ့တယ်။ သြစတြေးလျ ကင်ဘာရာမြို့မှာ ရှိပါတယ်။

ဦးသော်ကောင်းနှင့် ဆိုင်ရာ လင့်အချို့။

http://wikimyanmar.co.cc/wiki/index.php?title=ဦးသော်ကောင်း
http://www.mizzimaburmese.com/news/breaking-newsbrie/6693-2011-01-10-12-07-38.html
http://www.hin4ooe.com/main/news/1120.html?did=1120

*  *  *  *  *  *  *  *  *  *  *

No comments:

Post a Comment