28.2.11

ဂျပန် စကားပြော သင်ကြားရေးစာအုပ်တို့၏ ဘိုးအေကြီး။ ၁၉၄၂ ခုနှစ် ဇူလိုင်-သြဂုတ်လ


စာအုပ်မျက်နှာဖုံး


စာအုပ်ကျောဖုံး


၁၃၀၄ ခု ၊ ဒုတိယ၀ါဆိုလ ။ ၁၉၄၂ ဇူလိုင် - သြဂုတ်လ








* * * * * * * *

20.2.11

သေလွန်ပြီးနောက် ၊ စန်းစန်းဦး။ Beyond Death By Kawabata

သေလွန်ပြီးနောက်

စန်းစန်းဦး။ Beyond Death By Kawabata


သရုပ်ဖော်ပန်းချီ - မျိုးညွန့်

အဘိုးအိုတစ်ယောက်နှင့် မိန်းမငယ်တစ်ယောက် လမ်းလျှောက်လာနေကြသည်။

မည်သည့်ဘက်ကပင် ကြည့်ကြည့် ထိုစုံတွဲကို ကြည့်ရသည်မှာ တမျိုးဖြစ်နေသည်။ သူတို့နှစ်ယောက် အသက်များမှာ အနှစ်ခြောက်ဆယ်လောက် ကွာခြားပုံရသည်။ သို့သော် ဤမျှ အသက် ကွာခြား နေခြင်းကို သူတို့စိတ်ထဲ နည်းနည်းလေးမျှ ဂရုစိုက်ပုံမရ။သူတို့သည် ချစ်သူများကဲ့သို့ ပူးကပ်စွာ လျှောက်လာကြသည်။ အဘိုးအိုမှာ နားလေးနေသည်။ မိန်းမငယ် ပြောသမျှ မကြားရသလောက်ပင်။ မိန်းမငယ်သည် အဖြူရောင် မြားငယ်ပုံလေးများပါသည့် ခရမ်းရောင် ကီမိုနိုကို ၀တ်ထားသည်။ ကီမိုနိုအောက်ပိုင်းမှာ အနီရောင်သမ်းသည့် မရမ်းရောင် ဟာကမာ က ဖုံးထားသည်။ သူမ၏ အင်္ကျီလက်များမှာ ရှည်လွန်းနေသည်။ အဘိုးအိုကတော့ လယ်ထဲသို့ ပေါင်းနှုတ်သွားမည့် လယ်သူမ ၀တ်စုံမျိုးကို ၀တ်ထားသည်။ သို့သော် အလုပ်လုပ်ရာတွင် ၀တ်ရသည့် လက်အိတ်၊ ခြေအိတ်များကိုမူ ၀တ်မထား။ သူ၏ ချည်ရှပ်အင်္ကျီနှင့် ဘောင်းဘီမှာ မိန်းမတစ်ယောက်၏ ၀တ်စုံနှင့် တူနေသည်။ ဘောင်းဘီမှာ သူ၏ အရိုးငေါနေသော ခါးပတ်လည်တွင် ပွလွန်းနေသည်။ သူတို့စုံတွဲ၏ ရှေ့မလှမ်းမကမ်း မြက်ခင်းပေါ်တွင် ခပ်မြင့်မြင့် သံဆန်ခါ ခြံစည်းရိုးတစ်ခု ရှိနေသည်။ ထိုခြံစည်းရိုးမှာ သူတို့ သွားရမည့်လမ်းကို ပိတ်ထားသော်လည်း သူတို့ကို ကြည့်ရသည်မှာ ၄င်းကို နည်းနည်းမျှ ဂရုပြုမိဟန်မရှိ။ ခြေလှမ်းနည်းနည်းလေးမျှ မတွန့်ဘဲ သူတို့သည် ခြံစည်းရိုးကို တည့်တည့်ဖြတ်၍ လျှောက်သွားကြသည်။ သူတို့ ရွေ့သွားပုံမှာ လေပြည်လေး တစ်ခုလိုပင်။

အခြားတစ်ဖက်ကို ရောက်သွားမှ မိန်းမငယ်က ခြံစည်းရိုးကို သတိပြုမိသွားပုံရသည်။

"ရှင်" သူမက မေးခွန်းများနှင့် ပြည့်နေသည့် မျက်လုံးနှင့် အဘိုးအိုကို စိုက်ကြည့်လျက် "ရှင်လည်း ဒီခြံစည်းရိုးကို ဖြတ်လျှောက်နိုင်တယ်နော်၊ ဟုတ်တယ်မဟုတ်လား ရှင်တာရို"

အဘိုးအိုက မကြား။ သို့သော် သံဆန်ကာကို ဆတ်ကနဲ ဆွဲကိုင်ပြီး စတင် လှုပ်ယမ်းတော့သည်။ "ဒီ သောက်သုံးမကျတဲ့ဟာ၊ ဒီသောက်သုံးမကျတဲ့ဟာ" အဘိုးအိုက ကျယ်ကျယ်လောင်လောင် အော်ဟစ်နေသည်။ ထို့နောက် ခြံစည်းရိုးကို အတင်းတွန်းနေသည်။ ခြံစည်းရိုးမှာ အံ့အားသင့်ဖွယ် အဝေးသို့ ရွေ့ထွက်သွားတော့သည်။ အဘိုးအိုမှာ ဒယီးဒယိုင် ဖြစ်သွားပြီး ခြံစည်းရိုးကို လှမ်းဆွဲထားလိုက်သည်။ သူ့ခန္ဓာကိုယ်မှာ ရှေ့သို့ ငိုက်ကျသွားသည်။

"သတိထား ရှင်တာရို၊ ရှင်ဘာဖြစ်သွားတာလဲ"

မ်ိန်းမပျိုက အော်လိုက်သည်။ ထို့နောက် အဘိုးအို၏ ကိုယ်အပေါ်ပိုင်းကို အနောက်မှ ထိန်းကိုင်ပေးရန် ဖျတ်ဆို ပြေးဝင်သွားသည်။ "ရပြီ၊ ရှင့်လက်တွေကို ခြံစည်းရိုးက လွှတ်လိုက်လို့ရပြီ" ထို့နောက် သူမက ဆက်ပြီး "ရှင်ဘယ်လောက် ပေါ့ပါးသွားလိုက်သလဲ"

နောက်ဆုံးတွင် အဘိုးအိုမှာ ပြန်ပြီး မတ်မတ်ရပ်နိုင်သွားသည်။ သူ့မှာ မောဟိုက်သွား၍ သူ့ပခုံးမှာ နိမ့်လိုက် မြင့်လိုက်နှင့်။

"ကျေးဇူးပါပဲကွာ" အဘိုးအိုက ပြောလိုက်ရင်း နောက်တစ်ဖန် သံဆန်ခါကို ဆုပ်ကိုင်လိုက်ပြန်သည်။ သည်တစ်ခါတွင် လက်တစ်ဖက်နှင့် ဖွဖွကလေးသာ ကိုင်တော့သည်။ ထို့နောက် နားလေးသူများ၏ အကျင့်အတိုင်း စကားကို ကျယ်ကျယ်လောင်လောင် ဆက်ပြောနေသည်။

"နေကုန်နေခန်း ငါ ဒီခြံစည်းရိုးရဲ့ တစ်ဖက်မှာ ဂေါက်သီးတွေကို လိုက်ကောက်ပေးဖူးတာပေါ့။ ဒါဟာ တစ်ဆယ့် ခုနှစ်နှစ်လုံးလုံး ငါ လုပ်ခဲ့ရတဲ့ အလုပ်ပေါ့ကွာ"

"တစ်ဆယ့် ခုနှစ်နှစ်ထဲလား၊ ဒါက သိပ်အကြာကြီးမှ မဟုတ်တာ" မိန်းမငယ်က ဆိုသည်။

"သူတို့က ဂေါက်သီးကို ရိုက်ချင်တဲ့ဘက် ရိုက်ကြတာ၊ ဂေါက်သီးတွေက သံဆန်ခါကို ၀င်ရိုက်မိတာနဲ့ အသံတစ်သံ ထွက်လာတော့တာပဲ၊ ဒီအသံ ထွက်လာပြီဆိုရင် ငါလည်း ခေါင်းကို ၀ပ်ထားလိုက်တာပဲ။ အဲဒီအသံတွေကို ရင်းနှီးသွားတဲ့အထိ ဆိုပါတော့။ အဲဒီ အသံတွေကြောင့်ပေါ့၊ ငါ့နားတွေ ထိုင်းကုန်ခဲ့ရတာ၊ ဒီသောက်သုံးမကျတဲ့ဟာ"

သံဆန်ခါ ခြံစည်းရိုးမှာ ဂေါက်သီးကောက်သူများကို အကာအကွယ်ပေးရန် လုပ်ထားခြင်းဖြစ်သည်။ ခြံစည်းရိုးအောက်ခြေတွင် ဘီးလေးလုံးများပါရှိသည့်အတွက် ဂေါက်ရိုက်လေ့ကျင့်ကွင်းအတွင်း လိုသလို ရွှေ့ယူနိုင်သည်။ ဂေါက်လေ့ကျင့်ကွင်းပြင်နှင့် ဂေါက်ရိုက်သည့် နေရာကို သစ်ပင်တန်းတစ်ခုက ခြားထားသည်။ သစ်ပင်များမှာ ထိုနေရာတွင် သဘာဝအတိုင်း ပေါက်နေခဲ့သည့်အတွက် သစ်ပင်တန်းမှာ မညီမညာဖြစ်သည်။ ဤနေရာတွင်ရှိသော တောတန်းကြီးကို ဂေါက်လေ့ကျင့်ကွင်း အဖြစ် ပြောင်းလဲပစ်ခဲ့စဉ်က ထိုသစ်ပင်များကို ချန်ထားခဲ့ကြခြင်းဖြစ်သည်။

အဘိုးအိုနှင့် မိန်းမငယ်မှာ ထိုခြံစည်းရိုးအနားမှ ခွာ၍ ဆက်လျှောက်လာကြသည်။

"ရှင် ဒီလို ချစ်စရာကောင်းတဲ့ လှိုင်းပုတ်သံတွေ ကြားမှာပေါ့" မိန်းမငယ်က ပြောလိုက်သည်။ သူမ ပြောတာကို အဘိုးအို အသေအချာ ကြားစေရန် သူမ ပါးစပ်ကို အဘိုးအို၏ နားအနားကပ်၍ ထပ်ကာ ပြောလိုက်ပြန်သည်။

"ရှင် ဒီလို ချစ်စရာကောင်းတဲ့ လှိုင်းပုတ်သံတွေကို ကြားမှာပေါ့"

"ဘာပြောတယ်" အဘိုးအိုက ပြောရင်း သူ၏ မျက်လုံးများကို မှိတ်လိုက်သည်။ "မီဆာကို၊ မင်းရှူထုတ်လိုက်တဲ့ လေကလေးက ချစ်စရာကောင်းလိုက်တာ ဟိုတုန်းကလိုပါပဲလား"

"ရှင် ဒီလို ချစ်စရာကောင်းတဲ့ လှိုင်းပုတ်သံတွေ မကြားရဘူးလား"

"လှိုင်းတွေ - လှိုင်းတွေလို့ မင်းပြောလိုက်သလား၊ ပြီးတော့ ချစ်စရာကောင်းတယ်၊ ဟုတ်လား၊ မင်းကိုယ်တိုင် ဒီလှိုင်းတွေထဲမှာ နစ်သေခဲ့ပြီးမှတော့ ဘယ်လိုလုပ် ဒီလှိုင်းတွေက မင်းအတွက် ချစ်စရာ ကောင်းမှာတဲ့လဲ"

"အို သိပ်ချစ်စရာကောင်းတယ်။ ကျွန်မလေ နှစ်ပေါင်း ငါးဆယ့်ငါးနှစ်ကြာပြီးမှ ကျွန်မအိမ်ကို ပြန်ရောက်လာတော့ ရှင်လည်း အိမ်ကို ပြန်ရောက်နေတာ တွေ့ရပြီ။ အားလုံး အိပ်မက်လိုပါပဲလား" သူမ ပြောလိုက်သော စကားကို အဘိုးအိုက မကြားနိုင်။ သို့သော် သူမက ဆက်ပြောနေသည်။

"ကျွန်မ ကိုယ့်ဘာသာ ပင်လယ်ထဲ ခုန်ချခဲ့တာဟာ ကျွန်မအတွက် အကောင်းဆုံးပါပဲ။ ဒါကြောင့်မို့ ကျွန်မ ရှင့်ကို အမြဲတမ်း ချစ်နေနိုင်ခဲ့တာ။ ပြီးတော့ အမြဲတမ်းပဲ ချစ်နိုင်ဦးမှာ။ အဲဒီလိုပဲ ကျွန်မသေတဲ့ အချိန်မှာတောင် ရှင့်ကို ချစ်နေခဲ့တယ်။ ဒါတွေအပြင် ကျွန်မ မှတ်ထားတာတွေ၊ မှတ်မိနေခဲ့တာတွေ အားလုံးဟာ အသက် တစ်ဆယ့် ခုနှစ်နှစ်မှာ အဆုံးသတ်ခဲ့တာပဲ။ ကျွန်မအနေနဲ့တော့ ရှင်ဟာ အမြဲတမ်းငယ်ရွယ်တဲ့ လူတစ်ယောက် ဖြစ်နေမှာပဲ။ ရှင့်အတွက် ဒီလိုပါပဲ ရှင်တာရို။ ကျွန်မဟာ အသက် တစ်ဆယ့်ခုနှစ်နှစ်မှာ ကိုယ့်ကိုကိုယ် သတ်မသေခဲ့ဘူး ဆိုပါတော့။ ပြီးတော့ ရှင်ကလည်း ဒီကို ပြန်လာပြီး ကျွန်မကို တွေ့ဖို့လာမယ်ဆိုရင် ရှင်လေ အသက်ကြီးပြီး အရုပ်ဆိုးတဲ့ မိန်းမအိုကြီးကိုပဲ ရှင်တွေ့ရမှာပေါ့။ အို ဘယ်လောက် ကြောက်စရာ ကောင်းလိုက်သလဲ။ ကျွန်မတော့ ရှင့်ကို ထွက်တွေ့ရဲမှာ မဟုတ်ဘူး"

"ငါ တိုကျိုကို သွားခဲ့တယ်" အဘိုးအိုက နားလေးသူ တစ်ယောက်၏ မပီမသအသံဖြင့် စကားပြောသည်။ "ဒါပေမယ့် အဲဒီကနေ ဘယ်မှ ထွက်မသွားနိုင်ခဲ့ဘူး။ ဒီတော့ ငါအိမ်ပြန်ခဲ့တယ်။ စိတ်ပျက်လက်ပျက်ဖြစ်နေတဲ့ အဘိုးအိုတစ်ယောက် အနေနဲ့ပေါ့။ ငါ ဂေါက်ကွင်းမှာ အလုပ်တစ်ခု ရခဲ့တယ်။ အဲဒီ ဂေါက်ကွင်းက ပင်လယ်ပြင်ကို မျက်နှာပြုထားတယ်။ အဲဒီ ပင်လယ်ပြင်မှာ မိန်းကလေးတစ်ယောက်ဟာ သူ့ရဲ့ ပူဆွေးကြေကွဲမှုတွေကြောင့် ရေထဲကို ခုန်ချသတ်သေခဲ့ဖူးတယ်။ သူတို့က သူမကို ငါနဲ့ နောက်ထပ်တွေ့ခွင့် မပြုတော့ဘူးဆိုတဲ့ နောက်မှာပေါ့။ ငါက သူတို့ကို တောင်းပန်ခဲ့တယ်။ အဲဒီ ဂေါက်ကွင်းမှာ ငါ့ကို ငှားဖို့ပေါ့။ သူတို့က ငါ့ကို သနားခဲ့ကြတယ်။"

"ကျွန်မတို့ အခု ရှင့်မိသားစုတွေ ပိုင်ခဲ့ဖူးတဲ့ မြေပေါ် ရောက်နေပြီလေ ရှင်တာရို"

"ဂေါက်လေ့ကျင့်ကွင်းထဲမှာ ဂေါက်သီးတွေကို လိုက်ကောက်ဖို့၊ ငါလုပ်နိုင်ခဲ့တာကတော့ ဒါပါပဲလေ။ ငါ့ခါးတွေဟာ ကိုက်ခဲလာခဲ့တယ်။ ဒါပေမယ့် ငါ ဆက်လုပ်ခဲ့တယ်။ အဲဒီနေရာမှာ မိန်းကလေးတစ်ယောက်ဟာ ငါ့အတွက်ကြောင့် ပင်လယ်ထဲကို ခုန်ချသွားခဲ့တယ်လေ။ ခုန်ချသွားတဲ့ ချောက်ကမ်းပါးကြီးက ဒီနားလေးတင်။ ဒီတော့ ငါ့လို သက်ကြားအို တစ်ယောက်တောင် အဲဒီကို ရောက်အောင်သွားပြီး ခုန်ချ၊ အဲဒီလိုပဲ အမြဲတွေးနေခဲ့တယ်ကွာ။"

"မလုပ်နဲ့ ရှင်တာရို၊ ရှင်က အသေအချာ ဆက် အသက်ရှင်နေစမ်းပါ။ ရှင်မရှိတော့ဘူးဆိုရင် ဒီလောကကြီးမှာ ကျွန်မကို အမှတ်ရနေမယ့် တစ်ယောက်တည်းသောသူ ရှိတော့မှာ မဟုတ်တော့ဘူး။ ဒီနောက်တော့ ကျွန်မလည်း တကယ့်ကို သေသွားတော့မှာပဲ" မိန်းမပျိုက ဤသို့ပြောရင်း အဘိုးအိုနားသို့ ပူးကပ်လိုက်သည်။ သို့သော် အဘိုးအိုကတော့ သူမပြောတာကို မကြား။

အဘိုးအိုကလည်း သူမကို ပွေ့ဖက်ထားလိုက်သည်။ "ဟုတ်တယ် အတူတူ သေကြရအောင်။ မင်းနဲ့ငါ အခုချိန်မှာလေ၊ မင်းက ငါ့ကို မင်းနဲ့ အတူခေါ်သွားဖို့ ရောက်လာတာ မဟုတ်လား။ ဟုတ်တယ် မဟုတ်လား"

"ကျွန်မတို့ အတူတူ၊ ဟုတ်လား။ ဟင့်အင်း၊ ရှင်ဆက်ပြီး အသက်ရှင်နေစမ်းပါ။ ကျေးဇူးပြုပြီး ကျွန်မအတွက် ရှင် ဆက်ပြီး အသက်ရှင်နေပါ။"

မိန်းမပျိုသည် အဘိုးအို၏ ပုခုံးပေါ်မှ ခေါင်းကို ပြန်ထောင်လိုက်ပြီး ရှေတည့်တည့်သို့ ကြည့်နေသည်။ သူမ၏ အသံမှာ လှုပ်လှုပ်ရှားရှား ဖြစ်လာသည်။
"ကြည့်စမ်း၊ ဒီသစ်ပင်ကြီးတွေက အခုထိ ဒီမှာ ရှိတုန်းပါပဲလား။ သူတို့ သုံးပင်စလုံး ဟိုအရင်က အတိုင်းပါပဲလား။ သူတို့တွေဟာ ကျွန်မရဲ့ ဟိုတုန်းက ပျော်ခဲ့တဲ့ရက်တွေကို အမှတ်ရအောင် လုပ်နေလိုက်တာ"

သူမက ညွှန်ပြလိုက်သဖြင့် အဘိုးအိုလည်း သစ်ပင်ကြီး သုံးပင်ရှိရာသို့ လှည့်ကြည့်လိုက်သည်။

"ဂေါက်ရိုက်တဲ့ သူတွေက ဒီသစ်ပင်တွေကို သိပ်ကြောက်ကြတယ်" အဘိုးအိုက ပြောလိုက်သည်။ "သူတို့က ဒီသစ်ပင်တွေကို ခုတ်ပစ်ချင်တယ်။ သူတို့ အပြောကတော့ ဒီ အပင်ကြီးတွေဆီက မှော်အစွမ်းတစ်ခုခုက ဂေါက်သီးတွေကို ဆွဲယူနေသလိုလို ရိုက်လိုက်တဲ့ ဂေါက်သီးတွေဟာ အမြဲတမ်း ညာဘက်ကို ရောက်ရောက်သွားတယ်တဲ့။"

"သိပ်မကြာခင် ဒီဂေါက်သီးရိုက်တဲ့လူတွေ သေကုန်ကြမှာပဲ။ ဒီအပင်ကြီးတွေထက်ကို စောပြီး သေကြမှာ။ အပင်ကြီးတွေကတော့ ရာစုနှစ်နဲ့ကိုချီပြီး ရှင်နေကြမှာပဲ။ သူတို့က လူတစ်ယောက်ရဲ့ ဘ၀သက်တမ်းဟာ ဘယ်လောက် တိုတောင်းတယ်ဆိုတာ မသိလို့ ဒီလို အပြောမျိုး ပြောကြတာပဲ"

"ငါ့ရဲ့ ဘိုးဘေးဘီဘင်တွေက ဒီအပင်တွေကို နှစ်ရာနဲ့ကိုချီပြီးတော့ စောင့်ရှောက်ခဲ့ကြတာပဲ။ ဒါ့ကြောင့် ဒီမြေတွေကို ရောင်းတော့ ကတိတစ်ခု တောင်းထားခဲ့တယ်။ ဒီအပင်ကြီးတွေကို ခုတ်မပစ်ပါဘူး ဆိုတာကိုပဲ"

"အဲဒီနေရာဆီ သွားကြရအောင်" မိန်းမပျိုက တိုက်တွန်းလိုက်သည်။ ထို့နောက် ယိမ်းယိုင်နေသော အဘိုးအိုကို လက်ဆွဲ၍ သစ်ပင်ကြီးရှိရာဘက်သို့ ဦးဆောင်ခေါ်သွားသည်။

သူမက အပင်ကြီးများထဲမှ တစ်ပင်၏ ပင်စည်ထဲသို့ ဖြတ်လျှောက်ဝင်သွားရာ အဘိုးအိုက သူမကဲ့သို့ လိုက်ဝင်ခဲ့သည်။

အိုး ..... သူမက အဘိုးအိုကို တအံ့တသြ ငေးစိုက်ကြည့်နေသည်။ "ရှင်ရော သေသွားပြီလား ရှင်တာရို၊ ရှင်ရော ဘယ်တုန်းက ရှင်သေသွားခဲ့သလဲ"

အဘိုးအိုက ဘာမျှ ပြန်မဖြေ။

"ရှင်သေပြီ၊ ရှင် တကယ့်ကို သေသွားပြီ၊ ဟုတ်တယ် မဟုတ်လား။ ကျွန်မ စဉ်းစားနေတာက ကျွန်မတို့ဘာကြောင့် သေပြီးသူတွေရဲ့ တိုင်းပြည်မှာ ပြန်မဆုံကြတာလဲလို့။ ကဲ အခု ရှင် တကယ်သေ မသေ ကြည့်ရအောင်၊ ရှင်ဟာ တကယ်သေပြီဆိုရင်တော့ ကျွန်မနဲ့ အတူတူ သစ်ပင်ကြီးထဲကို ၀င်ကြမယ်"

အဘိုးအိုနှင့် မိန်းမငယ်မှာ အပင်ကြီး၏ ပင်စည်ထဲသို့ ၀င်ရောက် ပျောက်ကွယ်သွားခဲ့သည်။ သူတို့ ဘယ်သောအခါမှ ပြန်မထွက်လာကြတော့ပါ။

ညနေခင်း၏ အရောင်သည် သစ်ပင်ကြီးများ အနောက်ဘက်ရှိ ချုံနွယ်များအပေါ်သို့ ပြန့်ကျလာသည်။ ပင်လယ်ပြင်မှ အသံများ ထွက်ပေါ်လာသည့်နေရာ မိုးကုပ်စက်ဝိုင်းမှာ နီဖျော့ဖျော့ အရောင်ထဲတွင် မှုန်ဝါးသွားခဲ့ပြီ။

စန်းစန်းဦး။
Beyond Death By Kawabata
ပင်လယ် မဂ္ဂဇင်း တွင်လည်း ဖော်ပြခဲ့ပါသည်။
၁၉၉၄ ဒီဇင်ဘာ ၊ အေဇက်စာပေ ၊ ပထမအကြိမ် ၊ စာမျက်နှာ  ၉ - ၁၈။
ဘာသာပြန်ဆိုခဲ့သည့် လူငယ် အမျိုးသမီး ဆရာဝန်ဖြစ်သူ စန်းစန်းဦးထံ ဤစာဖြင့် ခွင့်တောင်းပါသည်။

http://www.facebook.com/pages/Kawabata-Yasunari/107817069251822
http://en.wikipedia.org/wiki/Yasunari_Kawabata
http://www.kirjasto.sci.fi/kawabata.htm


မျက်နှာဖုံး ပန်းချီ - မျိုးညွန့်

18.2.11

အိုင်းစတိုင်းနှင့် တွေ့တဲ့ည ၊ အကယ်ဒမီ စန္ဒရားလှထွတ်။

အိုင်းစတိုင်းနှင့် တွေ့တဲ့ည


The Night I met Einstein by Jerome Weidman
အိုင်းစတိုင်းနှင့် တွေ့တဲ့ည ၊ အကယ်ဒမီ စန္ဒရားလှထွတ် ၊
ဒဂုန် မဂ္ဂဇင်း ၊ ၆ / ၈၅ ခုနှစ် ။
မြားနတ်မောင် မဂ္ဂဇင်း ၊ အမှတ် ၉၀ ၊ နိုဝင်ဘာလ ၊ ၁၉၉၉ ။ စာမျက်နှာ ၁၆၄ - ၁၆၉ ။
(From Reader's Digest New Pocket Companion) 
(သိမ်းဆည်းထားသည့် မဂ္ဂဇင်း ဖြတ်စများထဲမှ မည်သူ့ကိုမှ ခွင့်မတောင်းပဲ တိုက်ရိုက် ကူးယူ တင်ပြထားခြင်း ဖြစ်ပါသည်။)

လူ့လောကထဲသို့ တိုးဝင်စကာလ လူငယ်ဘ၀က ကျွန်တော်သည် အလွန်ချမ်းသာသော တိုင်းသိပြည်သိ အမျိုးသမီးတစ်ဦး၏ အိမ်ဂေဟာသို့ ညစာစားပွဲ တက်ရောက်ရန် ဖိတ်ကြားခြင်းခံရသည်။ ထိုအမျိုးသမီးကြီးသည် လူမှုရေးကိစ္စများတွင် ရှေ့တန်းမှ လှုပ်ရှားနေသူတစ်ဦးဖြစ်ပြီး ပရဟိတ လုပ်ငန်းများအတွက် ငွေအလုံးအရင်း ထည့်ဝင်လှူဒါန်းရာ၌ ထင်ရှားသော စေတနာရှင်တစ်ဦး ဖြစ်ပါသည်။

ညစာစားပြီးကြသောအခါ အိမ်ရှင်က ခမ်းနားကျယ်ဝန်းလှသော ဧည့်ခန်းဆောင်သို့ ခေါ်သွားပါသည်။ အခြားသော ဧည့်သည်များကလည်း ၀င်ရောက်လာကြသည်။ ဤတွင် ကျွန်တော်သည် မြင်ကွင်း နှစ်ခုကြောင့် စိတ်ထဲတွင် ထင့်ခနဲ ဖြစ်သွားခဲ့ရသည်။

ယင်းကား ခန်းမကြီး၏ တစ်ဘက်ထိပ်၌ နေရာချထားသော တူရိယာပစ္စည်းများနှင့် အိမ်စေများက ဧည့်သည်များအတွက် အခန်းပတ်ပတ်လည်နေရာတွင် ကုလားထိုင်များ စီချနေသည်ကို တွေ့ရခြင်းများ ဖြစ်လေသည်။ ကြည့်ရသည်မှာ ညနေခင်းဂီတပွဲသဘင်တစ်ခုနှင့် ပက်ပင်းတိုးရမည့်သဘော။ 'ပက်ပင်းတိုးတော့မည်' ဟူသော ဝေါဟာရကို မလွှဲမရှောင်သာ ကြုံတွေ့ရတော့မည်ဟု အဓိပ္ပါယ်တစ်မျိုး ဖွင့်ဆိုနိုင်ပါသည်။

မှန်ပါသည်။ ကျွန်တော့်အဖို့ ဂီတသည် ဘာအဓိပ္ပါယ်မှ မရှိပါ။ ကျွန်တော့အား နားကန်းတစ်ယောက်ဟု ဆိုချင်ဆိုနိုင်ပါသည်။ အလွန်လွယ်ကူလှသော တေးသွားတစ်ခုကို ရွတ်ဆိုနိုင်ရန် ကျွန်တော်သည် ကြီးစွာသော အားထုတ်မှုကို ပြုရ၏။ လေးနက်သော တေးဂီတကြီးများကား ကျွန်တော့်အဖို့  'ဆူညံသံ အစုအဝေး' သာဖြစ်ချေ၏။

ထို့ကြောင့်ပင် ကျွန်တော်သည် ထိုအကျဉ်းအကြပ်မျိုး ကြုံတွေ့ရသည့်အခါ လုပ်မြဲလုပ်ထုံးဖြစ်သည့် ကျင့်စဉ်ကိုပင် ကျင့်သုံးရတော့၏။

ယင်းကား ကြိုးတပ်တီးဝိုင်းမှ တေးဂီတ စတင်သည်နှင့် ကျွန်တော်သည် အလွန်နှစ်ခြိုက်သော မျက်နှာထားမျိုးဖြင့် လေးလေးနက်နက် နားထောင်နေသည့်ဟန်ဖမ်းကာ မျက်စိနှစ်ဖက်ကို ပိတ်ထားလိုက်၏။ ပြီးတော့ နားနှစ်ဖက်ကို ဖွင့်လျက် ပိတ်ထားပြီး ဂီတနှင့် မဆီမဆိုင်သော ကျွန်တော် တွေးချင်သည့် အကြောင်းများကို တွေးနေလိုက်ပါသည်။


အတန်ကြာသောအခါ ကျွန်တော်သည် ပတ်ဝန်းကျင်မှ ဧည့်သည်များ လက်ခုတ်တီး၍ ဂီတပညာရှင်များကို သြဘာပေးနေသည်ကို သတိပြုမိသဖြင့် ကျွန်တော်ပါ ရောယောင်၍ လက်ခုပ်သြဘာ ချီးမြှင့်ရတော့သည်။ ထိုအခိုက်တွင် ကျွန်တော်၏ ညာဘက်ဘေးမှ ညင်သာပြတ်သားသော အသံတစ်သံကို သတိပြုလိုက်မိသည်။


"ဘာ့ခ်ရဲ့ ဂီတကို ကြိုက်လား" ထိုအသံက မေးသည်။


ကျွန်တော်သည် ညူးကလီးယားကွဲထွက်ခြင်း အကြောင်းများကို ဘာမှ နားမလည်သလို ဘာ့ခ် ဂီတ အကြောင်းကိုလည်း ဘာတစ်ခုမျှ မသိပါ။ သို့သော် ကမ္ဘာကျော် မျက်နှာများကိုကား ကျွန်တော် သိပါသည်။ ကျွန်တော့်ဘေးမှ  ပုဂ္ဂိုလ်သည် သူ၏ ကျော်ကြားလှသည့် မဖြီးမသင် ပွယောင်းနေသော ဆံရှည်၊ နှုတ်ခမ်းမွေးပုံ့ပုံ့၊ သွားကြားထဲတွင် အမြဲရှိနေသော ဆေးတံ စသည်တို့နှင့် တန်ဆာဆင်ထားသည့် ၂၀ ရာစု၏ ထိပ်ထိပ်ကြဲ သိပ္ပံပညာရှင် ဒေါက်တာ အဲလ်ဘတ် အိုင်းစတိုင်းမှန်း ကျွန်တော် သိလိုက်ပါသည်။


"အဲ... အင်း" ကျွန်တော် ရုတ်တရက် ဘာဖြေရမှန်း မသိဘဲ တုံ့ဆိုင်းနေမိပါသည်။ မေးတာကတော့ အမှတ်မထင် မေးလိုက်သည့် ပုံမျိုးဟု ထင်ရ၏။ ကျွန်တော်ကလည်း တစ်စုံတရာ ပြန်ဖြေလိုက်ရုံပင်။


သို့သော် ကျွန်တော့်ဘေးမှ ပုဂ္ဂိုလ်၏ စူးရှလေးနက်သော မျက်လုံးအစုံက သူသည် ပေါ့ပေါ့တန်တန် အလာပသလ္လာပ စကားအဖြစ် မေးမြန်းခြင်းမျိုးမဟုတ်ကြောင်းကို ပြောနေသကဲ့သို့ မှတ်ထင်ရ၏။ ထို့ကြောင့် ကျွန်တော့်အဖြေသည် မည်မျှပင် သေးဖွဲစေကာမူ မေးသူအဖို့ အရေးပါသည် ဟူသော အချက်ကို ကျွန်တော် သတိထားမိလိုက်ပါ၏။ ပြီး ထိုပုဂ္ဂိုလ်သည် ဖြီးဖြန်းလို့ရမည့် ပုဂ္ဂိုလ်မျိုးမဟုတ်။


"ကျွန်တော် ဘာခ့်အကြောင်း မသိပါဘူးခင်ဗျ၊ သူ့ရဲ့ ဂီတတွေလည်း နားမထောင်ဖူးပါဘူး"


"ဘာခ့် ကို မကြားဖူးဘူး၊ ဟုတ်လား"


သူ၏ လေသံသည် မောင်ရင် တစ်ခါမှ ရေမချိုးဖူးဘူး၊ ဟုတ်လား ဟု တအံတသြ မေးနေသည့် လေသံမျိုးပေါက်ပါသည်။


"ကျွန်တော် ဘာခ့်ကို မကြိုက်လို့ ၊ ဟို .... မကြိုက်ချင်လို့ မဟုတ်ပါဘူး၊ အင်း ဘယ်လိုပြောရမလဲ၊ ကျွန်တော်ဟာ နားကန်းတစ်ယောက်လို ဖြစ်နေလို့ပါ၊ ဘယ်ဂီတမှ ကျွန်တော့်နားထဲ သိပ်မ၀င်တတ်ပါဘူး"


အဘိုးကြီး၏ မျက်နှာပေါ်တွင် ကရုဏာသက်သည့် အသွင်အပြင်ဟု ခေါ်ရမည်လား၊ စိုးရိမ်သည်ဟု ပြောရမည်လား မသိသော အရိပ်အယောင်တစ်ခု ယှက်သမ်းသွားသည်ဟု ကျွန်တော်ထင်လိုက်မိပါသည်။


"ကျေးဇူးပြုပြီး ကျုပ်နဲ့ ခဏလိုက်ခဲ့ပါလား"


ဒေါက်တာ အိုင်းစတိုင်းက ကျွန်တော့်လက်မောင်းကို ရင်းနှီးစွာ စွဲကိုင်၍ ထလိုက်သည်နှင့် ကျွန်တော်ပါ လိုက်ထကာ ဧည့်ခန်းမအလယ်မှဖြတ်၍ လျှောက်ထွက်လာခဲ့ပါသည်။ ဧည့်ပရိတ်သတ်များသည် ကျွန်တော်တို့ကို ၀ိုင်းကြည့်နေကြသည်။ တီးတိုးစကားများဖြင့် ဧည့်ခန်းမတစ်ခုလုံး လှုပ်လှုပ်ရွရွကလေး ပင် ဖြစ်သွားသည်။ ကျွန်တော် ခပ်ရှိန်းရှိန်းဖြင့် ခြေလှမ်းမမှားအောင် သတိထားနေရသည်။ ဒေါက်တာ အိုင်းစတိုင်းက ဘယ်သူ့ကိုမှ ဂရုမထား။


သူသည် ဧည့်ခန်းမအပြင်ရှိ လှေကားကြီးတစ်ခုမှ အပေါ်ထပ်သို့ ခေါ်သွားပါသည်။ သူသည် ဤအိမ်ဂေဟာကြီးကို ကြိမ်ဖန်များစွာ ရင်းရင်းနှီးနှီး ၀င်ထွက်သွားလာနေသူတစ်ဦး ဖြစ်ပုံရပါသည်။ အပေါ်ထပ်သို့ ရောက်သော် သူသည် အခန်းကြီးတစ်ခု၏ တံခါးကို ဖွင့်လိုက်ပါသည်။ ကျွန်တော်နှင့် သူ အထဲရောက်သောအခါ သူက တံခါးကို သေချာစွာ ပြန်ပိတ်လိုက်၏။ အခန်းကြီးမှာ စာအုပ်များနှင့် ပြည့်နှက်နေသော စာကြည့်ခန်း၊ အပန်းဖြေခန်းပင် ဖြစ်ပါလေသည်။


အိုင်းစတိုင်းက ကျွန်တော့်ကို ဆိုဖာတစ်ခုတွင် ထိုင်စေပါသည်။ ပြီးမှ


'ကဲ ... အဲဒီလို ဂီတနဲ့ ပတ်သက်ပြီး မောင်ရင်ဖြစ်နေတာ ဘယ်လောက်ကြာပြီလဲ၊ တဆိတ်ပြောပြပါဦး။'


'တစ်သက်လုံးပဲ ဆိုပါတော့ ခင်ဗျား၊ ဒါနဲ့ ဆရာကြီးခင်ဗျား၊ ကျွန်တော် ဂီတနဲ့ သဟဇာတ မဖြစ်တာ အရေးမကြီးပါဘူး။ အဲဒီအတွက် ဆရာကြီးအနေနဲ့ အချိန်တွေ အကုန်ခံနေတာ ကျွန်တော် အားနာလှပါပြီ။ အောက်ပြန်ဆင်းပြီး ဂီတတွေ နားထောင်စေချင်ပါတယ်ခင်ဗျား။'


ဒေါက်တာ အိုင်းစတိုင်းက ခေါင်းရမ်းပြလိုက်သည်။ မဆီမဆိုင်တာတွေကို ကျွန်တော်ပြောမိသကဲ့သို့ ဘ၀င်မတွေ့ ဖြစ်သွားဟန်ရှိသည်။


'ဒီမှာ ကျုပ်ကို တစ်ခုခု ပြောစမ်းပါ။ ဘယ်လို ဂီတမျိုးနဲ့ မောင်ရင်နဲ့ နီးစပ်ကျွမ်းဝင်သလဲ။ တစ်ခုခုတော့ ရှိပါလိမ့်မယ်။'

'အင်း  စာသားပါတဲ့ သီချင်းမျိုးဆို အလှမ်းမဝေးပါဘူး။ နည်းနည်းပါးပါး လိုက်ဆိုညည်းလို့ ရတာမျိုးပေါ့'


သူက ပြုံး၍ ခေါင်းညိတ်ပြသည်။ သဘောကျသွားပုံ ရ၏။ 'ကောင်းပြီ၊ ဘယ်လို သီချင်းမျိုးဆိုတာ စံအနေနဲ့ ပြောပါဦး။'


'ဟို .... ဘင်ကရော့စ်ဘီဆိုတဲ့ သီချင်းမျိုးပါ'

'ဟုတ်ပြီ' သူသည် အခန်းထောင့်တွင်ရှိသော ဓါတ်စက်ရှိရာသို့ သွက်လက်စွာ လျှောက်သွားပြီး စင်ပေါ်မှ ဓါတ်ပြားများကို တစ်ချပ်ခြင်း ရွေးထုတ်နေလေသည်။ လိုချင်သော ဓါတ်ပြားကို တွေ့သောအခါ


'အာ  ... ရပြီ' ဟုဆိုကာ ဓါတ်စက်ပေါ်သို့ တင်၍ ဖွင့်လိုက်၏။ အဆိုကျော် ဘင်ကရော့စ်ဘီ၏ "ညဥ့်ယံပြာနှင့် နေ့ရွှေဝါတို့ တွေ့ဆုံကြရာ" (Bing Crosby's Where the blue of the Night meets the gold of the Day) သီချင်းသည် ငြိမ့်ညောင်းစွာ ထွက်ပေါ်လာပြီး တစ်ခန်းလုံးကို လွှမ်းခြုံလိုက်လေသည်။ ဆရာကြီးသည် ကျွန်တော့်မျက်နှာကို စေ့စေ့ကြည့်ပြီး သူ၏ ဆေးတံရိုးဖြင့် နရီ လိုက်နေလေသည်။ သီချင်းဆုံးသွားသောအခါ စက်ရပ်လိုက်ပြီး


'ကဲ ... မောင်ရင် အခုကြားခဲ့တာ ကျုပ်ကို ပြန်ပြောပါဦး'


ထိုအမေးကို ဖြေရန်ကား သီချင်းဆိုပြရန်ပင် ရှိသဖြင့် ကျွန်တော်က ရသည့်အတိုင်းပြန်၍ ရှိသည့်အသံဖြင့် ဆိုပြလိုက်ရပါသည်။ အသံ မကြောင်ရန်နှင့် မကွဲအက်စေရန် အထူးသတိထား၍ အစွမ်းကုန် ကြိုးစားလိုက်ရပါ၏။ အဘိုးကြီး၏ မျက်နှာသည် နံနက်ခင်းနေရောင်ကဲ့သို့ ၀င်းထိန်သွားပါသည်။


'ဟုတ်ပြီ ၊ တွေ့လား။ မောင်ရင့်မှာ နားရှိပါတယ်။' သူက အားရ၀မ်းသာ အော်ပြောလိုက်ပါသည်။


ကျွန်တော်က ထိုသီချင်းမှာ ကျွန်တော့်အကြိုက်သီချင်းလည်းဖြစ် ၊ ကြိမ်ဖန်များစွာ ကြားဖူးနေသောကြောင့် တစ်ကြောင်း လိုက်၍ သီဆိုနိုင်ခဲ့ခြင်းဖြစ်ကြောင်း၊ ယင်းသည် ကျွန်တော်၏ ဂီတစွမ်းရည်ကို သက်သေထူခြင်း မဖြစ်သင့်ပါကြောင်း ပြောဆိုမိပါသည်။


'မဟုတ်တာ၊ အဲဒါ မောင်ရင့်မှာ ဂီတနားရှိတယ်ဆိုတာကို ခိုင်ခိုင်မာမာကြီး သက်သေပြနေတာ၊ မောင်ရင်မှတ်မိမလား၊ ငယ်ငယ်က ပထမဦးဆုံး ကျောင်းရောက်တဲ့အချိန် ဂဏာန်းတွက်တာလေ၊ မောင်ရင် ၁၊ ၂၊ ၃ ဂဏန်းတွေကို စသိတဲ့အချိန် ၊ ဆရာက ပုစ္ဆာမေးတယ်၊ အဲ အစားတို့၊ အပိုင်းဂဏန်းတို့ ဆိုပါစို့၊ မောင်ရင် တွက်နိုင်ပါ့မလား'


'ဘယ်တွက်နိုင်မှာလဲ ဆရာကြီးရယ်'


'အသေအချာပေါ့ဗျာ။ ဘယ်တတ်နိုင်မှာတုန်း။ အဲဒီလိုသာ ကြုံလာရင် မောင်ရင် လန့်ဖျပ်သွားမှာ သေချာတယ်၊ ရှေ့လျှောက်ပြီး အပိုင်းဂဏန်းတို့၊ အစားပုစ္ဆာတို့ဆိုရင် ဦးနှောက်ဟာ တံခါးပိတ်ထားတော့မှာပေါ့၊ ကိုယ့်ဆရာလုပ်သူက တစ်ချက်ကလေး မှားယွင်းခဲ့တာနဲ့ ကလေး တစ်ယောက်ဟာ အပိုင်းဂဏန်းတို့၊ အစားပုစ္ဆာတို့ရဲ့ အလှအပတွေကို တစ်သက်လုံး မခံစားရတော့ဘဲ နေတော့မှာပေါ့'

ဆရာကြီးက ဆေးတံကို လေထဲသို့ ဝှေ့ယမ်းလိုက်ရင်း


'ဒါပေမယ့် မောင်ရင် ကျောင်းစရောက်လို့ ၁ ၂ ၃ ဂဏန်းတွေ စသင်တဲ့ အချိန်က မောင်ရင့်ဆရာဟာ ဒီလောက်မိုက်မဲလိမ့်မယ် မဟုတ်ပါဘူး။ ပထမဆုံး အခြေခံ ဂဏန်းရေးပုံသင်မယ်၊ ပြီးတော့မှ အပေါင်းဂဏန်းသင်္ချာကို တစ်ဆင့်တက်မယ်၊ ပြီးတော့ အနုတ်၊ အဲဒီက ပြီးတော့ အမြှောက်၊ အစား။ နောက်ပြီးတော့ အပိုင်းဂဏန်းပုစ္ဆာတွေ။ စနစ်တကျ တစ်ဆင့်ပြီး တစ်ဆင့် သင်မှာပေါ့'


ဆရာကြီး အိုင်းစတိုင်းသည် ဘင်ကရော့ဘီ ဓါတ်ပြားကို ဓါတ်စက်မှ ထုတ်ယူလိုက်သည်။

'ဂီတမှာလည်း အဲဒီလိုပဲ။ အခု ဒီဓါတ်ပြားထဲက သီချင်းကလေးဟာ လွယ်ကူတဲ့ အပေါင်းအနုတ်ဘဲ၊ ဒါကို မောင်ရင် အလွယ်တကူ ရပြီးပြီ၊ ကဲ အခု ကျုပ်တို့ နည်းနည်းခက်ခက်ကလေးတစ်ခု စမ်းကြည့်ကြရအောင်'


သူသည် ဓါတ်ပြား နောက်တစ်ချပ် စက်ပေါ်တင်လိုက်သည်။ ဂျွန်မက်ကော်မက် သီဆိုထားသော "ခရာဆရာ" (John Mc Cormack's The Trumpeter) သီချင်းသံ ပေါ်ထွက်လာလေသည်။ အနည်းငယ် ဖွင့်ပြီးသည်နှင့် ဆရာကြီးက ရပ်လိုက်သည်။


'ကဲ .... အဲဒီသီချင်း ပြန်ဆိုကြည့်ရအောင်လား'


ကျွန်တော် မှတ်မိသမျှ ဆိုလိုက်ပါသည်။ အံ့သြစရာကောင်းလောက်အောင် အတော်တိကျစွာ ဆိုလိုက်နိုင်သည်။ ဆရာကြီးက ကျွန်တော့်ကို ကျေနပ်စွာ ကြည့်နေလေသည်။ သူ၏ မျက်နှာအသွင်အပြင်မှာ ကျွန်တော်၏ တစ်သက်တာတွင် တစ်ကြိမ်သာ မြင်တွေ့ခဲ့ဖူးသော အခြားမျက်နှာအသွင်အပြင် တစ်ခုနှင့် ထပ်တူဖြစ်နေပါ၏။ ကျောင်းသားဘ၀က ကျောင်းပိတ်ခါနီး ဟောပြောပွဲတစ်ခုတွင် "သန်မာကြံ့ခိုင်ခြင်း" အကြောင်း ကျွန်တော်ဟောပြောနေစဉ် ပရိတ်သတ်ရှေ့တန်းမှ နားထောင်နေသော ကျွန်တော်၏ ဖခင်မျက်နှာမှာ ယခုသို့ပင် ပီတိများဖြင့် ၀င်းထိန်နေပါသည်။


'ကောင်းတယ်  ကောင်းတယ်၊ အလွန်ကောင်းတာပဲ။ ကဲ ဟော့ဒါလေး နားထောင်ကြည့်ကြဦးစို့'


ဆရာကြီး၏ "ဟော့ဒါလေး" မှာ အော်ပရာ အဆိုတော်ကြီး ကာရူးဆိုး၏ ကာဗယ်လာရီလား ရပ်စ်တီးကား (Caruso's Cavalleria Rusticara) အမည်ရှိ တေးကြီးထဲမှ မှတ်ရန်အလွန်ခက်သည့် အပိုဒ်တစ်ပိုဒ် ဖြစ်လေသည်။ ကျွန်တော် နားထဲဝင်သမျှကို မှတ်မိသလောက် ပြန်ဆိုပြလိုက်ပါသည်။ အဘိုးကြီး ထပ်တိုး ကျေနပ်သွားပုံရသည်။


ထို့နောက်တွင်ကား သီချင်း ၄ ၅ ပုဒ်ခန့် ဆက်၍ဖွင့်ကာ ဆိုခဲ့ရပါသည်။ ကျွန်တော် အံ့သြမဆုံး ဖြစ်ရသည်မှာ ကျွန်တော်နှင့် အမှတ်မထင် ဆုံတွေ့ခဲ့ရသော ထိုပုဂ္ဂိုလ်ကြီးသည် မိမိနှင့် တစ်ကြိမ်မျှ တွေ့ဖူးခြင်း မရှိသော လူစိမ်းတစ်ဦးဖြစ်သည့် ကျွန်တော့်အပေါ်တွင် ကျွန်တော်၏ ဂီတ အနုပညာ ခံစားတတ်ရေးနှင့် ပတ်သက်၍ မိမိ၏ အချိန်ကို ပေးစွန့်ကာ စိတ်ရှည်လက်ရှည် အားတက်သရော ပြောဆိုလမ်းပြနေခြင်းပင် ဖြစ်ပါလေသည်။


နောက်ဆုံးတွင် ကျွန်တော်တို့သည် စာသားမပါသော တေးဂီတသက်သက် အပိုင်းသို့ ရောက်လာပါသည်။ နှုတ်ဖြင့် ဆိုရန် စာသားမပါရှိသဖြင့် ဖွင့်ပြသော တေးဂီတတီးလုံးများကို ကျွန်တော်က တေးသွားအသံအလိုက် ပါးစပ်မှ ဒါ....ဒါ.....ဒီ....ဒီ.... လိုက်မြည်ပေးရသည်။ တစ်ခါတရံ အလွန်မြင့်သော တက်သံများပါသည့် အပိုိုဒ်အချိုးများတွင် ဆရာကြီးသည် ပါးစပ်ကို အစွမ်းကုန်ဖွင့်၍ မိမိခေါင်းကို နောက်သို့ပစ်ကာ ပီရန်ခက်ခဲလှသည့် အသံတက်များကို ကျွန်တော် ပီသွားရလေအောင် ဟူသော သဘောဖြင့် အမူအယာနှင့် လိုက်လံအားပေးတတ်သည်။ အတန်ကြာသောအခါ ဆရာကြီးက ဓါတ်စက်ကို ပိတ်လိုက်သည်။


'ကဲ အခု ကျုပ်တို့တတွေ ဘာခ့်ဂီတအတွက် အဆင်သင့် ဖြစ်သွားပြီ၊ သွားစို့'


ဆရာကြီးနှင့် ကျွန်တော်သည် အောက်ထပ်သို့ ပြန်ဆင်းလာခဲ့ကြသည်။ ဧည့်ခန်းမအတွင်း ကျွန်တော်တို့၏ မူလထိုင်ခုံများတွင် ထိုင်မိကြသည့် အချိန်မှာပင် တီးဝိုင်းသည် ခေတ္တရပ်နားရာမှ နောက်ထပ် ဆက်မည်ဖြစ်သော တေးဂီတ အစီအစဉ်အတွက် ကြိုးများညှိကာ စတင်ရန် အသင့်ပြင်ဆင်လျက် ရှိကြလေသည်။ ဆရာကြီးက ကျွန်တော့်နားထဲသို့ လေသံဖြင့်


'မောင်ရင့် နားတွေကိုသာ ကျကျနန နားထောင်ခွင့်ပြုပေတော့၊ အဲဒါပါပဲ'


အမှန်ကား ဤမျှမကခဲ့ပါချေ။ ယနေ့ ညနေပိုင်းက စတွေ့ခဲ့သော ဆရာကြီး၏ စေတနာ ဂရုဏာတရားများ မပါရှိဘဲ ကျွန်တော်သည် ယခုတီးဝိုင်းမှ တင်ဆက်လျှက်ရှိသော ဂန္တဝင် ဂီတ ဆရာကြီး ဂျိုဟန်ဆီဘက်ရှန်ဘာခ့် ၏ သိုးများ ဘေးကင်းစွာ အစာစားကြပါစေသတည်း (Bach's Sheep May Safely Graze) အမည်ရှိ တေးဂီတ၏ အရသာကို တစ်သက်တာ၏ ပထမဦးဆုံးအကြိမ်အဖြစ် ခံစားခဲ့ရလိမ့်မည် မဟုတ်ပါ။ နောက်ပိုင်းများ၌ ကျွန်တော်သည် ဘာခ့် ၏ တေးဂီတများကို ကြိမ်ဖန်များစွာ နားထောင်ခဲ့ပါသည်။ ရိုးသွားသည်၊ ငြီးငွေ့သွားသည်ဟူ၍ မရှိခဲ့ပါ။ ကျွန်တော်နားထောင်သည့်အခါတိုင်း မည်သည့်နေရာဒေသမှာမဆို ကျွန်တော်၏ နံဘေးတွင် ဆံပင်ရှည်ရှည်၊ အရပ်ပုပု၊ နှုတ်ခမ်းမွေးထူထူနှင့် လူကြီးတစ်ယောက် အရိပ်လို အမြဲပါရှိနေတတ်ပါသည်။


သူ၏ ပါးစပ်ထဲရှိ ဆေးတံသည် မီးသေလျှက် ရှိသော်လည်း သူ၏ မျက်လုံးများကား တေးဂီတသံများကြားဝယ် ကမ္ဘာ၏ အံ့ဖွယ်အနွေးဓါတ်များ ထွေးခြုံထားသလို နွေးနွေးထွေးထွေး အသက်ဝင်လျှက် ရှိနေကြပါသည်။



ညနေခင်း၏ ဂီတသဘင်ပွဲ ပြီးဆုံးသွားသောအခါ ကျွန်တော်သည် အများဧည့်ပရိတ်သတ်တို့နှင့်အတူ တီးဝိုင်းအဖွဲ့ဝင်များကို လှိုက်လှဲဝမ်းမြောက်စွာ လက်ခုပ်သြဘာပေးမဆုံး ဖြစ်ခဲ့ရပါသည်။


အိမ်ရှင် အမျိုးသမီးကြီးက ဆရာကြီးထံ လာရောက်၍ နှုတ်ဆက်ဂါဝရပြုရင်း


'ဂီတအစီအစဉ် တော်တော်များများ ဆရာကြီး လွတ်သွားတဲ့အတွက် ကျွန်မ စိတ်မကောင်းပါဘူးရှင်' ဟု အဓိပ္ပါယ်ပါပါ ပြောလိုက်ပါသည်။


'ဟုတ်တယ်၊ ကျုပ်လည်း စိတ်မကောင်းပါဘူး'


ဆရာကြီးက ပြန်ဖြေရင်း ကျွန်တော့် ပုခုံးကို ရင်းနှီးစွာ လှမ်းဖက်လိုက်ပါသည်။


'ဟောဒီက ကျုပ်မိတ်ဆွေကလေးနဲ့ ကျုပ်ဟာ လူသားတို့အနေနဲ့ ပိုင်ဆိုင်ရရှိနိုင်တဲ့ အမြင့်မားဆုံး အရာတွေ အကြောင်း ဆွေးနွေးနေလို့ပါ'


အမျိုးသမီးက နားမရှင်းသလို ဖြစ်သွားလျှက် 


'အို ဟုတ်လား၊ ဘယ်လိုများပါလိမ့်ရှင်'



ဆရာကြီးက အောက်ပါစာတန်းကလေးကို ရွတ်ပြလိုက်ပါသည်။  ယင်းသည် ကျွန်တော့် ဘ၀ တစ်သက်တာတွင် မမေ့နိုင်ဆုံးသော ကမ္ပည်းစာ ဖြစ်ခဲ့ရပါသည်။


'လောကအလှ - မျက်နှာဝမှာ ၊ ဖွင့်လှစ်ပြသ - အပိုင်းအစတည်း'



External Links for The Night I met Einstein


- http://akshar100.wordpress.com/2007/06/18/the-nigt-i-met-einstein/
- http://en.wikipedia.org/wiki/Jerome_Weidman




* * * * * * * * * *

မကြာမီ ..... ကျွန်တော် ပြန်ဖတ်ချင်နေသော စာအုပ်များ။ ဒေါက်တာခင်လေးမြင့်၏ မင်းသားလေး၊      
                                                          Antoine de Saint-Exupery's Le Petit Prince

                 က၀ါဘာတ ယာဆူနာရီ ၏ သေလွန်ပြီးနောက် ဝတ္ထုတို နှင့် 
                                                         မြန်မာဘာသာသို့ပြန်ထားသည့် သူ၏ ဝတ္ထု စာအုပ်များ  
                                                         (Kawabata Yasunari's Beyond Death)

11.2.11

ဖတ်မိဖတ်ရာ .... ၁၄-၂-၁၉၇၇ နေ့ထုတ် ဟံသာဝတီ သတင်းစာ

၁၄-၂-၁၉၇၇ နေ့ထုတ် ဟံသာဝတီ သတင်းစာ ဖြစ်ပါသည်။  ပြည်ထောင်စုနေ့ သတင်းများ ပါသောကြောင့် ပြည်ထောင်စုနေ့ အထိမ်းအမှတ်အဖြစ် တင်လိုက်သည်။ (ချစ်သူများနေ့လည်း ဆိုပါတော့)

ဤသတင်းစာကို ဖတ်ပြီး စဉ်းစားရင်းမှ အမှတ်ရမိသည်များ ရှိပါသည်။ ကျွန်တော်တို့ ငယ်ငယ် ဆိုရှယ်လစ်ခေတ်က နိုင်ငံတစ်ဝန်းမှ ပြည်ထောင်စုကိုယ်စားလှယ်များသည် ပြည်ထောင်စုနေ့ ဆွေးနွေးပွဲ တက်ရောက်ရန် ရန်ကုန်မြို့သို့ ဖေဖော်ဝါရီ ၁၂ ရက် မတိုင်ခင် သွားကြရသည်။ မန္တလေး - လားရှိူး ရထားလမ်းတလျှောက်ရှိ မြို့များမှ ကိုယ်စားလှယ်များ ပါလာသည့် ရထားကို မူလတန်းကျောင်းများမှ ရွေးချယ်ထားသည့် ကျောင်းသား၊သူများက ဘူတာတွင် သွားစောင့်ပြီး ကြိုဆိုကြရသည်။ မီးရထား ၀င်လာလျှင် ကိုယ်စားလှယ်တော်များ ဆိုင်းဘုတ်တင်ထားသည့်တွဲကို လက်ပြကြရသည်။ ကျွန်တော် ၃ နှစ်လောက် ကြိုဆိုဖူးခဲ့သည်ကို မှတ်မိနေသည်။ ထိုစဉ်က ကျွန်တော်တို့သည် ဆိုရှယ်လစ် လူ့ဘောင်ကြီးအတွင်း ချီတက်နေကြသည့် တေဇလူငယ်လေးများ ဖြစ်ကြသည်မဟုတ်ပါလား။ ယခုတော့ ကျွန်တော်သည် မည်သည့် နိုင်ငံရေးစနစ် ၊ မည်သည့် နိုင်ငံရေးသဘောတရားကို ယုံကြည်ရမည်မှန်း မသိသောသူ ဖြစ်နေသည် ထင်သည်။

(ကျွန်တော်တင်ထားသည့် ကျွန်တော်ပိုင်သည်ဟု ပြောနိုင်မည့် ပုံများကို သိမ်းဆည်းလိုပါက မြန်မြန် သိမ်းထားကြစေလိုပါသည်။ Blog တစ်ခု အနေဖြင့် Google ထံမှ Memory 1G သာ အခမဲ့ ရရှိသဖြင့် ၊ ကျွန်တော်သည် ပုံများကို ပြန်ဖြုတ်ချနေရသည်။ ကျွန်တော်သည် Blog မှ ပုံများကို Copy မကူးနိုင်စေရန် Setting မည်သို့လုပ်ရမည်ကို သိပါသည်။ ထို့ပြင် ထိုသို့လုပ်ခြင်းကိုလည်း ယုံကြည်ခြင်း မရှိပါ။ )

စောသက်လင်း


စာမျက်နှာ ၁ ၊ အပေါ်ပိုင်း
စာမျက်နှာ ၁ ၊ အောက်ပိုင်း

စာမျက်နှာ ၂  ၊ အပေါ်ပိုင်း
စာမျက်နှာ ၂ ၊ အောက်ပိုင်း

စာမျက်နှာ ၃ ၊ အပေါ်ပိုင်း
စာမျက်နှာ ၃ ၊ အောက်ပိုင်း


စာမျက်နှာ ၄ ၊ အပေါ်ပိုင်း
စာမျက်နှာ ၄ ၊ အောက်ပိုင်း

စာမျက်နှာ ၅ ၊ အပေါ်ပိုင်း
စာမျက်နှာ ၅ ၊ အောက်ပိုင်း

စာမျက်နှာ ၆ ၊ အပေါ်ပိုင်း
စာမျက်နှာ ၆ ၊ အောက်ပိုင်း


စာမျက်နှာ ၇ ၊ အပေါ်ပိုင်း
စာမျက်နှာ ၇ ၊ အောက်ပိုင်း

စာမျက်နှာ ၈ ၊ အပေါ်ပိုင်း

စာမျက်နှာ ၈ ၊ အောက်ပိုင်း

10.2.11

၂၅ နှစ်မြောက် ပြည်ထောင်စုနေ့ အထိမ်းအမှတ် တံဆိပ်ခေါင်းများ။

 


 ၂၅ နှစ်မြောက် ပြည်ထောင်စုနေ့ အထိမ်းအမှတ် တံဆိပ်ခေါင်းများကို ၁၉၇၂ ခုနှစ် ဖေဖော်ဝါရီလ ၁၂ ရက်နေ့ တွင် စာတိုက်နှင့် ကြေးနန်းဌာနမှ ထုတ်ဝေခဲ့ပါသည်။
 
မြန်မာနိုင်ငံ၏ တံဆိပ်ခေါင်းများ ထုတ်ဝေခြင်း မှတ်တမ်းအရ လွတ်လပ်သောမြန်မာနိုင်ငံ၏ ထုတ်ဝေခြင်း အမှတ်စဉ် (၃၂) ဖြစ်သည်။

အမျိုးအမည် စုစုပေါင်း ၃ မျိုး ထုတ်ဝေခဲ့ပါသည်။

 ၁။      ၁၅ ပြား     
 ၂။      ၅၀ ပြား       
 ၃။        ၁ ကျပ်    
http://news-eleven.com
ပြည်ချစ်ပန်းနှင့် လွတ်လပ်သော ပြည်ထောင်စုသို့ ခရီးရှည် ဆောင်းပါး မှ တိုက်ရိုက် ကူးထားပါသည်။ 
 

6.2.11

ဖတ်မိဖတ်ရာ ..... မောင်စိန်ဝင်း (ပုတီးကုန်း) ၏ သတ္တိရှိသော သစ်တပင်

သတ္တိရှိသော သစ်တပင်

မြက်ကြားကိုင်းကြား ၊ ချုံနွယ်ကြားမှာ
အားယူလျက် ၊ အညှောက်ထွက်၍
နွမ်းသွေ့သွေ့နှင့်
အလေ့ကျပေါက် အပင်ငယ် -

နွေရက်ရောက်၍
မြက်ခြောက်ကိုင်းခြောက်
ညှိုးသွေ့ပျောက်လည်း ၊ အညှောက်နုနု
နွေကိုတုကာ ၊ သေလုသေခင်
အသက်ရှင်ဆဲ ၊ မြင်ရဆဲ ..... ။


မိုးလဲဝင်ရော ၊ မြက်တောနှင့်ကိုင်း
နွယ်ပင်ရိုင်းတို့ ၊ ၀ိုင်းဝိုင်းပတ်လည်
ရှည်သန်ကြီးစိုး ၊  လွှမ်းအုပ်မိုး၍
အလေ့ကျပင် ၊ မတွေ့မြင်တော့
ရှင်မှ ရှင်သန်သေးရဲ့လား ..... ။

နွေနွေမိုးမိုး ၊ အမျိုးမျိုးဒဏ်
အဖိခံရင်း ၊ အံကိုတင်းလျက်
အသက်ဆက်ကာ ၊ အရွက်လည်းဖား
ကိုင်းဖျားလည်းရှည် ၊ ပင်စည်လည်းမြင့်
တဆင့်ဆင့်နှင့် ၊ ကြီးရင့်လာခဲ့ရပါသည်။

သို့နှင့် ....
နှစ်ပေါင်းလည်းကြာ ၊ သည်နေရာထက်
မြက်ရိုင်းမတွေ့ ၊ နွယ်မတွေ့တော့
အလေ့ကျပင် ၊ ရွက်နုလွင်၍
ပင်စည်ရင့်ရော် ၊ မိုးကိုမျှော်ကာ
ကန့်ကော်ပန်းတွေဝေလျက် ....


မောင်စိန်ဝင်း (ပုတီးကုန်း)

ရန်ကုန်တက္ကသိုလ် နှစ်ငါးဆယ်ပြည့်စာစောင် အပိုင်း ၁ ၊
၁၉၇၀ ခုနှစ် ဒီဇင်ဘာလ ၁ ရက်။ စာမျက်နှာ ၂၈၁ ။


5.2.11

စောသက်လင်း ၊ တစ်ချိန်က မြိတ်မြို့ ရေနက်ဆိပ်ကမ်း ၊ မောရစ်ကောလစ် နှင့် ယိုးဒယားဝှိုက်။

မြန်မာနိုင်ငံအတွင်း နိုင်ငံခြားတိုင်းပြည်များမှ လာရောက် ရင်းနှီးမြှပ်နှံသည့် စီးပွားရေးလုပ်ငန်းများထဲတွင် အကြီးဆုံးဖြစ်လာနိုင်သည့် ထားဝယ်ရေနက်ဆိပ်ကမ်း အကြောင်း သတင်းများကို ဖတ်ရှုနေရပါသည်။

မြန်မာနိုင်ငံနှင့် ထိုင်းနိုင်ငံတို့ ၂၀၀၉ ခုနှစ် နိုဝင်ဘာလ ၂ ရက်နေ့က ချုပ်ဆိုခဲ့သော စာချုပ်အရ ပင်လယ်ကူးသင်္ဘောကြီးများ ဆိပ်ကပ်ရပ်နားကာ ကုန်တင်ကုန်ချ ပြုလုပ်နိုင်မည့် ရေနက်ဆိပ်ကမ်းကို  ထားဝယ်မြို့တွင် ဆောက်လုပ်မည်ဖြစ်သည်။ ဆက်စပ်စီမံကိန်းများအဖြစ် အထူးစက်မှုဇုန်များ တည် ဆောက်ခြင်း ၊ မြန်မာနိုင်ငံ ထားဝယ်မြို့နှင့် ထိုင်းနိုင်ငံ ကန်ချနဘူရီမြို့ (Kanchanaburi) တို့ကို ဆက်သွယ် မည့် ကားလမ်း ၊ ရထားလမ်း တို့ကို ဖောက်လုပ်သွားကြမည် ဖြစ်သည်။ ကန်ချနဘူရီမြို့သည် ဘန်ကောက်မြို့မှ ၁၂၉ ကီလိုမီတာခန့်သာ ဝေးသည်။ ကားဖြင့်ဆိုလျှင် ၂ နာရီ ပတ်ဝန်းကျင်ခန့်သာ ကြာမြင့်ပါလိမ့်မည်။

ထားဝယ်မြို့တွင် ရေနက်ဆိပ်ကမ်း တည်ဆောက်သည့် အကြောင်းမှာ ရှင်းပါသည်။ အိန္ဒိယသမုဒ္ဒရာမှ ရေကြောင်းဖြင့် သယ်လာသည့် ကုန်ပစ္စည်းများကို မြန်မာနိုင်ငံ ထားဝယ်မြို့ ဆိပ်ကမ်းတွင် ကမ်းသို့ချ ၊ ထိုမှ ထိုင်းနိုင်ငံသို့ ကုန်းလမ်းဖြင့် သယ် ။ ထိုင်းနိုင်ငံမှ တစ်ဆင့် ကုန်ပစ္စည်းများကို ကုန်းလမ်းမှ မြန်မာနိုင်ငံ အထက်ပိုင်း ၊ တရုတ်နိုင်ငံ ယူနန်ပြည်နယ် ၊ လောနိုင်ငံ ၊ ကမ္ဘောဒီယားနိုင်ငံ ၊ ဗီယက်နမ်နိုင်ငံများသို့ သယ်ဆောင် တင်ပို့နိုင်မည် ဖြစ်သည်။ ဤသို့ဖြင့် မလက္ကာရေလက်ကြားကို မှီခို အားထားနေရမှု ကျဆင်း လာမည် ဖြစ်သည်။ အားလုံးသည် ကိုယ့်တွက်ကိန်းနှင့်ကိုယ် အဆင်ပြေနေကြလိမ့်မည် ထင်ပါသည်။ ပထ၀ီ မြေပုံပေါ်မှ အနေအထားအရလည်း ဤလမ်းကြောင်းသည် သားရွှေအိုးထမ်းမည့် ဇာတ်လမ်းဖြစ်သည်။ ဤဇာတ်လမ်းတွင် ထားဝယ်မြို့သည် အဓိက မင်းသား ဖြစ်လာပါလိမ့်မည်။ သူ့မှာ မင်းသားဖြစ်ဖို့ ကိုယ်ပိုင် အရည်အချင်း များစွာလည်း ရှိနေသည်။

ဘာပဲပြောပြော မြန်မာနိုင်ငံအတွင်း နိုင်ငံခြား ရင်းနှီးမြှပ်နှံမှုများ ၊ စီမံကိန်းများ ၊ စက်မှုဇုန်များ တည် ဆောက်ခြင်းသည် ကောင်းပါသည်။ ရှုထောင့် အမျိုးမျိုးမှ ကြည့်ရှု သုံးသပ်ကြမည့် ဝေဖန်ရေးများ ၊ အားသာချက်များ ၊ အားနည်းချက်များ ၊ ဖြစ်စေချင်သည်များ ၊ မဖြစ်စေချင်သည်များ ၊ ..... အားလုံးကို အသာထား၍ ခြုံကြည့်လျှင် ကောင်းမွန်သည်ဟု ထင်ပါသည်။ ဘာမျှ မရှိသည်ထက်စာလျှင် ကောင်းပါ သည်။ ကျွန်တော်သည်လည်း ထားဝယ်စီမံကိန်းကို စိတ်ဝင်စားနေပါသည်။ ထိုထားဝယ်စီမံကိန်း အကြောင်းကို စဉ်းစားရင်း ဟိုတွေး သည်တွေး စိတ်ကူး ရေအလျှင်နောက်သို့ စီးမျှောနေမိပါသည်။

ကျွန်တော်သည် ထားဝယ်မြို့မှ မောင်းမကန် ကမ်းခြေ ကြီးပွားတိုးတက်လာရင်း ပျက်စီးတော့မည့်အရေး ကြိုတင် လွမ်းဆွေးနေမိသည်။ သဘာဝ ပတ်ဝန်းကျင်ကတော့ ပျက်စီးမှာ သေချာသည်။

ဆင်းရဲသား နင်းပြား အလုပ်သမားတို့၏ အရေးကိစ္စများကို ဆောင်ရွက်ပေးခြင်းဖြင့် သတ္တုတွင်း ကုမ္ပဏီမှ အလုပ် ထုတ်ပယ်ခြင်းခံခဲ့ရသည့် ကိုဗထူး ၊ ဘီအိုင်အေနောက် သားမယားပစ်ပြီး ကောက်ကောက်ပါအောင် လိုက်သွားခဲ့သည့် တပ်ကြပ်ကလေး ဗထူး ၊ ဗိုလ်မှူးကြီးအဆင့်သို့ တိုးမြှင့် ဂုဏ်ပြုခံရသည်ကို မသိလိုက် နိုင်တော့သော ဗိုလ်မှူးဗထူး ၊ တောကြိုအုံကြားမှာ လက်ကျန်ဆေးဝါးအချို့ကို ရဲဘော်များအတွက် ငဲ့ညှာရင်း ငြင်းပယ်ခဲ့သည့် အသက် ၂၉ နှစ်အရွယ်တွင် ကျဆုံးသွားခဲ့ရသော ဗိုလ်မှူးကြီးဗထူး။ ထားဝယ်မှာ သမိုင်းတွေ အများကြီး ရှိပါသည်။

ထားဝယ်သာမဟုတ် ၊ ကန်ချနဘူရီမှာလည်း သမိုင်းများစွာရှိသည်။ ဘုရင့်နောင်မင်း နှင့် အလောင်း ဘုရားမင်းတို့ ထိုင်းကို ရောက်ခဲ့ကြသည့်အချိန်က ကန်ချနဘူရီသည် မြို့ငယ်ရွာငယ်လေးသာ ဖြစ်နေပါလိမ့်မည်။ ၁၇၆၇ ခုနှစ် အယုဒ္ဓယမြို့ (Ayutthaya) ပျက်ဆီးသွားခဲ့ပြီးနောက် ယိုးဒယားနိုင်ငံကို ပြန်လည် စုစည်းပြီး မြို့တော်ကို ဘန်ကောက်သို့ ပြောင်းရွေ့ခဲ့သည့် King Rama I (၁၇၈၂ ခုနှစ်) လက်ထက်လောက်တွင် ကန်ချနဘူရီသည် အရေးပါသည့်မြို့တစ်မြို့ ဖြစ်လာခဲ့သည်။ King Rama I သည် မြန်မာဘုရင်တို့ ယိုးဒယားကို ထပ်မံ ၀င်ရောက်တိုက်ခိုက်ခြင်း မရှိနိုင်စေရန် နယ်စပ်ဒေသများကို အားအင် ဖြည့်တင်းသည့်ကာလတွင် ကန်ချနဘူရီသည် စည်ကားသည့် ဒေသတစ်ခု ဖြစ်လာခဲ့သည်။

ကျော်ငြိမ်း (သုတေသန အရာရှိ) ရေးသည့် ရဲဘော်သုံးကျိပ် စာအုပ် အရ သခင်ဗဂျမ်း (ဗိုလ်လရောင်) နှင့် သခင်လှဖေ (ဗိုလ်လက်ျာ) တို့သည် ထိုင်းနိုင်ငံ ကန်ချနဘူရီမှ ပြည်တွင်း သို့ ပြန်လည် ၀င်ရောက်ရန် ကြိုးစားရင်း ၁၉၄၁ နိုဝင်ဘာ ၂၁ ရက်နေ့တွင် နယ်စပ်၌ ထိုင်းရဲများ၏ ဖမ်းဆီးခြင်းခံခဲ့ရသည်။

ကန်ချနဘူရီ၏ ထင်ရှားသည့် သမိုင်းများထဲတွင် ၁၉၄၂ ခုနှစ်က ဖောက်လုပ်ခဲ့သည့် ‘ The Death Railway ’ သေမင်းတမန် ရထားလမ်း ရှိသည်။ River Kwai ရှိသည်။ ပြင်သစ် စာရေးဆရာ Pierre Boulle ၏ The Bridge over the River Kwai, 1952 ဝတ္ထု ရှိသည်။ အင်္ဂလိပ် ရုပ်ရှင် ဒါရိုက်တာကြီး Sir David Lean ၏ နာမည်ကျော် ရုပ်ရှင်ကား The Bridge on the River Kwai , 1957 ရှိသည်။ မြန်မာနိုင်ငံတွင်း ကျန်ခဲ့သည့် မိဘများကို တစ်ခါတလေ သတိရနေတတ်သည့် မြစ်ကမ်းနံဘေးမှ မိန်းကလေးများ ရှိသည်။

ထားဝယ်ရေနက်ဆိပ်ကမ်းနှင့် ဆက်စပ်သည့် သတင်းများစွာကိုလည်း ဖတ်ရှုရပါသည်။ လွန်ခဲ့သည့် နှစ်အတော်ကြာက ထိုင်းနိုင်ငံသည် သူပိုင်ဆိုင်သည့် နိုင်ငံတောင်ပိုင်း အဆွယ်ကုန်းမြေကို ဖြတ်၍ တူးမြောင်းဖောက်ရန် ပြင်ဆင်ခဲ့ဖူးသည်။ ဒေါက်တာလှိုင်မြင့်၏ ဆောင်းပါးများကိုလည်း ဖတ်ရှုရသည်။ သူ၏ ဆောင်းပါးများအရ ၁၉၉၆ ခုနှစ်ခန့်က NLD ပါတီမှ တာဝန်ပေးချက်ဖြင့် နိုင်ငံတော် စီးပွားရေး စီမံကိန်းများ ရေးဆွဲခဲ့ရာ ထားဝယ်ရေနက်ဆိပ်ကမ်းလည်း တစ်ခု အပါအ၀င် ဖြစ်သည်ဟု ဖတ်ရပါသည်။ အခြားသတင်း များလည်း များစွာ ရှိပါသည်။

သတင်းများ အားလုံးသည် စိတ်ဝင်စားဖို့ ကောင်းပါသည်။ ဤသတင်းများ အလိုအရတော့ ထားဝယ်သည် ရှေ့လျှောက် ကြီးပွားတိုးတက်တော့မည် လူငယ်ကလေးနှင့် တူသည်။ ကျွန်တော်သည် ဤလူငယ်လေး အကြောင်းကိုတွေးမိတိုင်း ဖတ်ခဲ့ဖူးသည့် စာအုပ်တစ်အုပ်ကို သတိရနေပါသည်။ ထိုစာအုပ်ထဲတွင်တော့ မြိတ်မြို့သည် မင်းသားလေး ဖြစ်ခဲ့ပါသည်။ ၁၆၃၃ ခုနှစ်လောက်က မြိတ်မြို့သည် ယိုးဒယားနိုင်ငံ အယုဒ္ဓယမြို့တော်အတွက် ရေနက်ဆိပ်ကမ်း တစ်ခု ဖြစ်ခဲ့ပါသည်။ ယခုတော့  မြိတ်မြို့သည် ရာဇ၀င်ထဲမှာ ကျန်ရစ်ခဲ့သည့် ရေနက်ဆိပ်ကမ်းကလေး  ဖြစ်သွားခဲ့ပါပြီ။

ကျွန်တော် သတိရနေသော စာအုပ်မှာ အင်္ဂလိပ် စာရေးဆရာကြီး မောရစ်ကောလစ် Maurice Collis ရေးသားခဲ့သည့် Siamese White စာအုပ်ဖြစ်ပါသည်။ မြန်မာဘာသာသို့ ဦးစံဝင်း မှ ပြန် ဆိုပြီး  ယိုးဒယားဝှိုက် အမည်ဖြင့် မြန်မာပြည်စာအုပ်တိုက်မှ ၁၉၆၂ ခုနှစ် ဇန်န၀ါရီလတွင် ပထမအကြိမ်အဖြစ်၊ ၁၄ ကြိမ်မြောက် ဗမာ့ လွတ်လပ်ရေး အထိမ်းအမှတ် ရည်ရွယ်ကာ ထုတ်ဝေခဲ့ပါသည်။ နောက်ပိုင်းထုတ်ဝေမှုများကိုတော့ မသိပါ။

၁၆၇၀ - ၁၆၈၈ ခုနှစ်များအတွင်းက ယိုးဒယားပိုင် မြိတ်မြို့တွင် ကျင်လည်ကျက်စားခဲ့သည့် အင်္ဂလိပ်လူမျိုး Samuel White အကြောင်း အတ္ထုပ္ပတ္တိစာအုပ် ဖြစ်သည်။
 





Siamese White (ယိုးဒယားဝှိုက်) စာအုပ်သည် ၁၆၇၀ - ၁၆၈၈ ခုနှစ်များအတွင်းက ယိုးဒယားပိုင် မြိတ်မြို့တွင် ကျင်လည် ကျက်စားခဲ့သည့် အင်္ဂလိပ်လူမျိုး Samuel White အကြောင်း အတ္ထုပ္ပတ္တိစာအုပ်ဖြစ်သည်။ ကျွန်တော် ဤစာအုပ်ကို စဖတ်ဖတ်ချင်း စကားလုံးအသိ မကြွယ်ဝမှုကြောင့် စိတ်ထဲတွင် ရှုပ်ထွေးသွားခဲ့သည့် ဝေါဟာရများရှိသည်။ စာအုပ်အမည်တွင်ပါသည့် Siamese နှင့် လူအမည် Samuel တို့ကို မသဲကွဲခြင်း ဖြစ်သည်။ တစ်ခုခုများ လွဲနေသလားဟု သံသယလွဲမှားမိသည်။ သို့ဖြင့် အင်တာနက်တွင် လိုက်ရှာကြည့်ခဲ့သည်။ Samuel မှာ အမည်တစ်ခုသာ ဖြစ်သည်။ Siamese မှာတော့ သမိုင်းလက်တံ ဆွဲဆန့်စရာများစွာ ရှိနေသည်။


ကုန်လွန်ခဲ့ပြီးဖြစ်သည့် နှစ်ရာပေါင်းများစွာက သမိုင်းဖြစ်ရပ်များအကြောင်းကို ပညာရှင်များ ပြောဆိုကြသည့်အခါ ခုနှစ်အတိအကျ ခန့်မှန်းဖို့ရန် ခက်ခဲကြပါလိမ့်မည်။ ထိုပညာရှင်များ ရေးသား ထားသမျှကို ထပ်ဆင့်ဖတ်ပြီး ကျွန်တော်တို့က ညွန်းကြသည့်အခါ ပိုမိုခက်ခဲပါသည်။ သမိုင်းဖြစ်ရပ်များ၏ ခုနှစ်များကို ကျွန်တော်ကိုယ်တိုင် ရှာဖွေတွေ့ရှိထားခြင်းလည်း တစ်ခုမျှ မရှိပါ။ ရှာဖတ်၍ ရနိုင်သမျှ နေရာများမှ ရှာထားခြင်းသာ ဖြစ်ပါသည်။ ထို့ကြောင့် တစ်စုံတဦးက မင်းညွှန်းတဲ့ ခုနှစ်က မှားနေတယ်ဟု ဆိုခဲ့လျှင် ကျွန်တော်က အကြောက်အကန် ငြင်းဆိုနေမည် မဟုတ်ပါ။  ကျွန်တော် ရှာဖတ်ထားသည့် နေရာကိုသာ ညွှန်ပြလိုက်မည်ဖြစ်သည်။ လွန်ခဲ့သည့်နှစ်အစိတ်က ကျွန်တော့်အကြောင်းကို ပြန်စဉ်းစားလျှင်ပင် ကျွန်တော် အတိအကျ ပြောနိုင်ဖို့ရာ တစ်ခါတရံ ခက်ခဲပါသည်။


ဝီကီမှတ်တမ်းများ၊ ရှာဖတ်မိသမျှ အင်တာနက်မှတ်တမ်းများအရ ၁၃ရာစု ပတ်ဝန်းကျင်ခန့်မှစ၍ ထိုင်းနိုင်ငံ၏ အမည်သည် Siam ဖြစ်သည်ဟု မှတ်တမ်းတင်နိုင်ခဲ့ပြီး၊ ထိုတိုင်းပြည်ရှိ လူမျိုးများကို Siamese ဟု ခေါ်ဆိုခဲ့ကြသည်။ ထိုစဉ်က Siam တိုင်းပြည်၏ မြို့တော်မှာ (Ayutthaya) အယုဒ္ဓယ ဖြစ်သည်။ ထိုင်းမှတ်တမ်းများအရ အယုဒ္ဓယမြို့တော်၏ သက်တမ်းမှာ ၁၃၅၁ - ၁၇၆၇ ခုနှစ် ပတ်ဝန်း ကျင် ဖြစ်သည်။ ထိုကာလများမှစ၍ Siam ဟု ခေါ်ဆိုခဲ့သော တိုင်းပြည်ကို ၁၉၃၉ ခုနှစ် ဇွန်လ ၂၃ ရက်နေ့တွင် Thailand ဟု ပြောင်းလဲခေါ်ဝေါ်ခဲ့သည်။ ၁၉၄၅ ခုနှစ်ခန့်တွင် Siam ဟု ပြန်လည် ခေါ်ဆိုခဲ့ကြပြီး၊ ၁၉၄၉ ခုနှစ် မေလ ၁၁ ရက်မှစ၍ Thailand ဟု ပြောင်းလဲခဲ့သည်မှာ ယနေ့တိုင် ဖြစ်သည်။ Siam ၊ Thailand တို့၏ အဓိပ္ပါယ်များကိုလည်း ဆက်လက် လေ့လာသင့်ပါသည်။


ယိုးဒယားဆိုသည့် အမည် ဆင်းသက်လာသည့် အချိန်နှင့်သမိုင်းကိုတော့ ကျွန်တော် စာနှင့်ပေနှင့် အသေအချာမသိ။ ပါးစပ်ပြောအရတော့ အယုဒ္ဓယ မှ "အ" ကို ဖြုတ်၍ မြန်မာတို့က ယုဒ္ဓယ ဟု ခေါ်ဝေါ်ရာမှ တဖြည်းဖြည်းဖြင့် ယိုးဒယား ဖြစ်လာသည်ဟု ဆိုကြသည်။ ဟုတ် မဟုတ်တော့ ကျွန်တော်လည်း အသေအချာမသိ။ ကျွန်တော်ကတော့ ဤကဲ့သို့ ယိုးဒယား ဟူသည့်အမည်စကားလုံး ဆင်းသက်လာရာအကြောင်း စာနှင့်ပေနှင့် ရှိနေလိမ့်မည်ဟုတော့ ယုံကြည်ပါသည်။ ကျွန်တော်၏ စာဖတ်လေ့လာမှု မနှံ့စပ်၍ ဖြစ်ပါလိမ့်မည်။ ( ဥပမာဆိုရလျှင် တရုတ် ဟူသည့် အခေါ်အဝေါ်အကြောင်း စာတမ်း တစ်စောင်ရှိသည်။ ဒေါင်းရန် - https://www.myanmarisp.com/2011/General_Hsitory/GH0030/view )


ထို့ကြောင့် မောရစ်ကောလစ်က  Samuel White အကြောင်းဖြစ်သည့် သူ့စာအုပ်ကို Siamese White ဟု အမည်ပေးခဲ့ပြီး ၊ ဦးစံဝင်းက ယိုးဒယားဝှိုက် အမည်ဖြင့် မြန်မာဘာသာ ပြန်ဆိုခဲ့ပါသည်။


ယိုးဒယားဝှိုက်စာအုပ်တွင် မြိတ်မြို့သည် Siam တိုင်းပြည် အယုဒ္ဓယမြို့တော်၏ ဘင်္ဂလားပင်လယ်အော်ဘက်ခြမ်း ပင်လယ်ဆိ်ပ်ကမ်းမြို့တစ်မြို့ ဖြစ်သည်။ မှတ်တမ်းများအရ ရှေးက မြိတ်မြို့၏ အမည်သည် Mergui မာဂီး ဖြစ်သည်။ ယခုထိလည်း Mergui ဆိုလျှင် မြိတ်မြို့ကို ညွှန်းနေဆဲဖြစ်သည်။ စင်ကာပူတွင် Rangoon Road, Mandalay road တို့နှင့်အပြိုင် Mergui Road ရှိသည်။


မြိတ်မြို့သည် ၁၁ - ၁၃ ရာစုခန့်က ပုဂံအင်ပါယာမှ ပိုင်ဆိုင်သည်ဟု ဆိုကြပါသည်။ ပုဂံ မပိုင်သည့် ကာလများတွင်ပင် Siam တိုင်းပြည်မှ မပိုင်သေးပေ။ ပုဂံ အင်အားချိနဲ့သွားပြီး Siam အားကောင်းလာသည့် ၁၃ ရာစု နှောင်းပိုင်း (၁၂၈၇ ခန့်) မှစ၍ မြိတ် အပါအ၀င် တနင်္သာရီဒေသကို Siam တိုင်းပြည်က ပိုင်ဆိုင်လာခဲ့သည်။ ဘုရင့်နောင်မင်း လက်ထက်အတွင်း ခန့်မှန်း ၁၅၆၄ - ၁၅၉၃ ခုနှစ်များတွင်တော့ တနင်္သာရီဒေသကို မြန်မာတို့က ပိုင်ဆိုင်လိုက်သေးသည်။ ယေဘူယျအားဖြင့် တနင်္သာရီဒေသကို ၁၃ ရာစုနှောင်းပိုင်းမှ ၁၈ ရာစု နှောင်းပိုင်း အထိ Siam တိုင်းပြည် အယုဒ္ဓယမြို့တော်မှ ပိုင်ဆိုင်ခဲ့ပါသည်။ ဆင်ဖြူရှင်မင်းလက်ထက် ၁၇၆၅ ခုနှစ်ခန့်တွင် မြန်မာတို့က တနင်္သာရီဒေသကို သိမ်းပိုက်ခဲ့ပြီး၊ ထိုကာလမှ တောက်လျှောက် မြန်မာဘုရင်တို့က အစဉ်အဆက် ပိုင်ဆိုင်ခဲ့သည်။ ပထမ အင်္ဂလိပ်-မြန်မာ စစ်ပွဲအပြီးတွင်တော့ မြန်မာဘုရင်တို့က လက်လွတ်လိုက်ရတော့သည်။



၁၃၅၀ ခုနှစ်က တနင်္သာရီဒေသကို အယုဒ္ဓယမှ ပိုင်ဆိုင်သည်။ (Photo - www.zum.de)


၁၅၅၀ ခုနှစ်က တနင်္သာရီဒေသကို အယုဒ္ဓယမှ ပိုင်ဆိုင်သည်။ (Photo - www.zum.de)

၁၈၀၀ ခုနှစ်တွင် တနင်္သာရီဒေသကို မြန်မာမှ ပိုင်ဆိုင်သည်။
၁၇၆၅ ခုနှစ်တွင် မြန်မာတို့က ပြန်လည် သိမ်းပိုက်ခဲ့သည်။ (Photo - www.zum.de)


၂၀၀၅ ခုနှစ်  (Photo - www.zum.de)
Dutch East India Company မှ ၁၆၆၅ ခုနှစ်ခန့်က ရေးဆွဲခဲ့သော အယုဒ္ဓယမြို့ပုံ (Photo - wiki)
ထိုင်းမှတ်တမ်းများအရ Uthong အမည်ရှိ ထိုင်းဘုရင်သည် ၁၃၅၁ ခုနှစ်တွင် အယုဒ္ဓယမြို့၏ ပထမဆုံး ဘုရင် ဖြစ်လာခဲ့သည်။ ထို့နောက် အယုဒ္ဓယမြို့သည် Siam တိုင်းပြည်၏ မြို့တော်အဖြစ်  နှစ်ပေါင်း လေးရာကျော် တည်တံ့ခဲ့သည်။ မြန်မာဘုရင် အလောင်းဘုရား၏ ဒုတိယသားတော် ဆင်ဖြူရှင်မင်းက ၁၇၆၇ ခုနှစ်တွင် အယုဒ္ဓယမြို့ကို တိုက်ခိုက်အောင်မြင်ခဲ့ပြီး ၊ မြို့လည်းပျက်စီးသွားခဲ့သည်။ မြန်မာတို့က လအနည်းငယ်ခန့်သာ အယုဒ္ဓယမြို့ကို အုပ်ချုပ်နိုင်ခဲ့သည်။ တရုတ်တို့က မြန်မာနိုင်ငံ အထက်ပိုင်းကို တိုက်ခိုက်လာသဖြင့်   မြန်မာတပ်များသည် ၁၇၆၈ခုနှစ် နှစ်ဆန်းပိုင်းတွင် အယုဒ္ဓယမှထွက်ခွာပြီး ပြည်တော်ပြန်သွားခဲ့ကြသည်။ ဖရိုဖရဲ ဖြစ်ကျန်ခဲ့သည့် Siamese တို့ကို စစ်ဗိုလ်ချုပ်တစ်ဦးဖြစ်သည့် Taak-Sin ကပြန်လည်စုစည်းပြီး မြို့တော်ကို ဘန်ကောက်သို့ ပြောင်းရွှေ့သွားကြလေသည်။ ဤသို့ဖြင့် အယုဒ္ဓယမြို့၏ စာမျက်နှာများ ကုန်ဆုံးသွားခဲ့တော့သည်။


အယုဒ္ဓယမြို့သည် နှစ်ပေါင်းလေးရာကျော်ခန့် တဆက်တည်း တည်တံ့ခဲ့သော မြို့တော်ဖြစ်သဖြင့် ကြီးကျယ်ခမ်းနားသည်ဟု မှတ်တမ်းများကဆိုကြသည်။  ဒဏ္ဍာရီဆန်သော အရှေ့တိုင်း၏ ရောင်းဝယ်ရေး မြို့တော်အဖြစ် ထင်ရှားခဲ့သည်။ ၁၇ ရာစုခန့်က ဒတ်ခ်ျတို့၏ မှတ်တမ်းများတွင် အယုဒ္ဓယမြို့သည် အကျယ် ၆ မိုင်မျှရှိ၍ ကျောက်ခင်းလမ်းမကြီးများမှာ ဖြောင့်တန်းပြီး ကျယ်ဝန်းလှကြောင်း ၊ မြို့တဘက်တွင် တူးမြောင်းများ စီးဆင်းလျက်ရှိပြီး ၊ ဘုရင့်နန်းတော်မှာ မြို့ကလေးတစ်မြို့ပမာ လွန်စွာခမ်းနားကြောင်း ရေးသားထားသည်။ ပြင်သစ်နှင့် အင်္ဂလိပ်တို့၏ ၁၇ ရာစု မှတ်တမ်းများတွင်လည်း မြို့၏ လူဦးရေ များပြားလှကြောင်း ၊ စေတီပုထိုးများမှာလည်း မြင့်မားပြီး များပြားကြောင်း စသည်ဖြင့် အယုဒ္ဓယမြို့၏ ခမ်းနားမှုများကို မှတ်တမ်းတင်ထားကြသည်။


အယုဒ္ဓယမြို့သည် တိုင်းပြည်အသီးသီးမှ ကုန်သည်ပွဲစားများ၏ ကုန်ပစ္စည်း ရောင်းချဖလှယ်ရာဌာနလည်းဖြစ်သည်။ ဥရောပ၊ အိန္ဒိယ၊ ပါးရှန်နိုင်ငံများမှ အ၀တ်အထည်များ၊ ၀ါဂွမ်းများ ၊ ဟင်းခတ် အမွှေးအကြိုင်များ။ တရုတ်၊ ဂျပန်တို့မှ ပိုးထည်များ၊ ကြွေထည်များ၊  လဘက်ခြောက်များ။  ကုန်ပစ္စည်းများသည် အယုဒ္ဓယမြို့တွင် စုဝေးတွေ့ဆုံကြသည်။ ကုန်သည်များသည် အယုဒ္ဓယမြို့တွင် ဖလှယ်ရောင်းချကြသည်။ စီးပွားရေးကောင်းမွန်သောမြို့ဖြစ်သဖြင့် အယုဒ္ဓယမြို့သည် ကြီးကျယ် စည်ကားခဲ့လေသည်။


ထိုသို့  အယုဒ္ဓယမြို့ ရောင်းဝယ်ရေးဗဟိုဌာနအဖြစ် စည်ကားခဲ့ခြင်း၏ အဓိကမှာ မြိတ်မြို့ဖြစ်သည်။ ပင်လယ်ဒါးပြများ၏ ဘေးရန်ကို စိုးရိမ်သဖြင့် ကုန်သည်များသည် မလက်ကာရေလက်ကြားကို ဖြတ်ပြီး တကွေ့တပတ်ကြီး သွားရမည့်ခရီးကို ရှောင်ရှားလိုကြသည်။ အချိန်ကာလသည်လည်း ပိုမို ကြာမြင့်သည်။ ထို့ကြောင့် အိန္ဒိယသမုဒ္ဒရာ ပင်လယ်ခရီးမှ ကုန်များကို မြိတ်တွင် ကုန်းပေါ်သို့ချသည်။ ထိုမှ မြိတ်အနီးရှိ တနင်္သာရီမြစ်အတိုင်း လှေ၊ သင်္ဘောများဖြင့် တနင်္သာရီမြို့သို့ ရေလမ်းဖြင့် သယ်ယူသွားကြသည်။ တနင်္သာရီမြို့မှ ကုန်းလမ်းဖြင့် မဲနမ်မြစ်ကမ်းရှိ ပီပီလီမြို့သို့ သယ်ဆောင်ကြသည်။ ပီပီလီမြို့မှ မဲနမ်မြစ်ရေကြောင်းလမ်းဖြင့် အယုဒ္ဓယမြို့သို့ ပေါက်ရောက်သည်။ ခရီးလမ်းတွင် စိုးရိမ်ရမည့် ဘေးရန် မရှိ၊ အချိန်လည်း ပိုမြန်သည်။ ရောင်းဝယ်ဖောက်ကားနိုင်ရန် အဓိက လိုအပ်ချက်များ ပြည့်စုံနေသည်။ Siam ဘုရင်များသည် ကုန်သည်များထံမှ အခွန်အတုတ်များ ရရှိသည်သာမက သူတို့ကိုယ်တိုင်လည်း စီးပွားရေးလုပ်ကြသည်။ အမြတ်များသည့် လုပ်ငန်းများကို  လက်ဝါးကြီးအုပ်ထားသည်။ မြိတ်မြို့၊ တနင်္သာရီမြို့၊ ပီပီလီမြို့ စသည် ကုန်စည်များ ကူးပြောင်းသည့် နေရာများတွင် ကုန်လှောင်ရုံကြီးများ ဆောက်လုပ်ပြီး ငှားရမ်းသည်။ ဆင်များကို ဖမ်းဆီးပြီး အိန္ဒိယ မဟာရာဇာများထံ ရောင်းချကြသည်။ မြိတ်မြို့တွင် သင်္ဘောကျင်းဆောက်လုပ်ပြီး တိုက်သင်္ဘောများ၊ ဥရောပသို့တိုင် သွားနိုင်သည့် ကုန်တင်သင်္ဘောများကို တည်ဆောက်သည်။ ရာစုနှစ်နှင့်ချီ၍ အယုဒ္ဓယမြို့ ဘုရင်များသည် မြိတ်မြို့ကို အမှီပြုပြီး ၀င်ငွေများစွာ ရရှိခဲ့ကြသည်။ လွန်ခဲ့သည့် နှစ်ရာပေါင်းများစွာ ကတည်းက ဖြစ်ပါသည်။


ယခုအချိန်တွင်တော့ မြိတ်မြို့သည် တစ်ချိန်က ရေနက်ဆိပ်ကမ်းမြို့အဖြစ်သာ စာအုပ်ထဲတွင် မေ့မေ့လျော့လျော့ ကျန်ရှိတော့သည်။ ဟိုးအရင်ကလို တနင်္သာရီမြစ်ကိုလည်း အမှီပြုစရာ မလိုတော့သဖြင့် မြိတ်သည် ပိုမှိန်သွားခဲ့ရပြီ။ ကုန်များသယ်ယူပို့ဆောင်ရေးအတွက် ယခင်က မြိတ်သည် Siam တိုင်းပြည် အယုဒ္ဓယမြို့သို့ သွားရာ ၀င်ပေါက်ဖြစ်ခဲ့သကဲ့သို့ ၊ ယခုအခါ ထားဝယ်သည် Thailand နိုင်ငံ ဘန်ကောက်မြို့သို့ သွားရာ ၀င်ပေါက်ဖြစ်လာနိုင်သည်။ ၀င်ပေါက် ပြောင်းလဲသွားခြင်းသာ ဖြစ်ပါသည်။ လုပ်နည်းလုပ်ဟန် သဘောတရားကတော့ အတူတူပင် ဖြစ်လေသည်။


၁၈ ရာစု နှောင်းပိုင်းက မြိတ်မြို့မြေပုံ (Photo - http://www.bl.uk/onlinegallery/) British Library


ယိုးဒယားဝှိုက်စာအုပ်အရ မောရစ်ကောလစ်သည် မြိတ်မြို့တွင် ၁၉၃၂ - ၃၃ ခုနှစ်များအတွင်း နေထိုင်ခဲ့သည်။ သူသည် ၁၉၁၂ မှ ၁၉၃၄ ခုနှစ်များအတွင်း အင်္ဂလိပ်အစိုးရ အမှုထမ်းအဖြစ် မြန်မာပြည်အနှံအပြားတွင် နေထိုင်ခဲ့ပါသည်။ သူ၏ မြန်မာပြည်နောက်ခံဖြင့် ရေးသားခဲ့သော စာအုပ်များထဲမှ မိဘုရားဖွားစော၊ နေ၀င်ဘုရင်များ၊ မြန်မာပြည်တွင် စစ်ဆေးခဲ့သော အမှုအခင်းများ စာအုပ် ၃ အုပ်ကိုသာ ကျွန်တော်ဖတ်ဖူးပါသည်။ ဤစာအုပ် ၃ အုပ်အပြင် မြန်မာဘာသာပြန်ထားသည့် အခြားစာအုပ်များ ရှိ မရှိကိုလည်း ကျွန်တော် မသိပါ။ ရှိခဲ့လျှင် ဖတ်ချင်လှပါသည်။ မောရစ်ကောလစ်သည် မြိတ်မြို့တွင် အမှုထမ်းနေစဉ်အတွင်း ၁၆၇၀-၁၆၈၈ ခုနှစ်များက  ယိုးဒယားဘုရင်ကို သစ္စာခံပြီး မြိတ်မြို့ကို စီမံအုပ်ချုပ်နေရင်းမှ ဘင်္ဂလားပင်လယ်အော်အတွင်း ပင်လယ်ဒါးပြ ဖြစ်လာခဲ့သည့် အင်္ဂလိပ်လူမျိုး ဆင်မြူရယ်ဝှိုက် အကြောင်းကို ကြားသိခဲ့ရလေသည်။ သမိုင်းထဲမှ တကယ့်ဖြစ်ရပ်များသည် တစ်ခါတရံ စိတ်ကူးဖြင့် စဉ်းစား၍မရနိုင်အောင်ပင် ထူးဆန်းခဲ့ပါသည်။


မောရစ်ကောလစ်သည် ၀ှိုက်အကြောင်းကို မြိတ်တွင် တတ်နိုင်သမျှ မှတ်သားခဲ့ပြီး ၁၉၃၄ ခုနှစ်တွင် အင်္ဂလန်သို့ ပြန်သွားခဲ့သည်။ သူသည် လန်ဒန်ရှိ ပြတိုက်များ၊ မှတ်တမ်းဌာနများမှ ၀ှိုက်အကြောင်းကို ထပ်မံ လေ့လာကာ ၁၉၃၅ ခုနှစ်တွင် Siamese White ကို ရေးသားထုတ်ဝေခဲ့ပါသည်။


ဆင်မြူရယ် ၀ှိုက်၏ ကိုယ်ရေးဖြစ်စဉ်သည် စိတ်ဝင်စားဖို့ ကောင်းပါသည်။ သူ့ကို ၁၆၅၀ခုနှစ်ခန့်တွင် အင်္ဂလန်နိုင်ငံ ဘရစ်စတိုးဒေသတွင် မွေးဖွားခဲ့င်္ပြီး သင်္ဘောသားပညာကို သင်ကြားခဲ့သည်။ သူ၏ အစ်ကိုသည် တပည့်တစ်ဦးနှင့်အတူ လွတ်လပ်သော ကုန်သည်အဖြစ် အိန္ဒိယနိုင်ငံသို့ ရောက်ရှိလာခဲ့ပြီး၊  အိန္ဒိယ နှင့် Siam တိုင်းပြည် အယုဒ္ဓယမြို့အကြား ကူးသန်းနေလေသည်။ ၀ှိုက်သည် ၁၆၇၅ ခန့်တွင် အစ်ကိုရှိရာ လိုက်လာခဲ့ပြီး မဒရပ်ရှိ အရှေ့အိန္ဒိယကုမ္ပဏီတွင် ပိုင်းလော့အဖြစ် လုပ်ကိုင်ခဲ့သည်။ ၁၆၇၇ ခန့်တွင် သူသည် အစ်ကိုရှိရာ အယုဒ္ဓယမြို့သို့ ရောက်လာခဲ့ပြီး ဘုရင်ထံ ၀င်ရောက်ခစားခဲ့သည်။ သူ့အစ်ကို၏ တပည့်ဖြစ်သူ ဂရိလူမျိုး ကွန်စတင့်ဖောလကွန်သည် ထိုအချိန်တွင် အယုဒ္ဓယဘုရင်၏ ယုံကြည်အားကိုးရသောသူ ဖြစ်နေလေပြီ။


အယုဒ္ဓယဘုရင်က ၀ှိုက်ကို ဘုရင့်ပိုင် ဆင်တင်သင်္ဘော၏ ကက်ပတိန်အဖြစ် ခန့်အပ်ခဲ့သည်။ ၀ှိုက်သည် အရှေ့အိန္ဒိယကုမ္ပဏီ၏ ၀န်ထမ်းဖြစ်နေသေးသဖြင့် အယုဒ္ဓယဘုရင်က ၂ နှစ် သက်တမ်းစာချုပ်ဖြင့် ကုမ္ပဏီထံမှ ၀ှိုက်ကို ငှားရမ်းခဲ့ရသည်။ အယုဒ္ဓယဘုရင်က မြိတ်မှ အိန္ဒိယသို့ ဆင်များကို သင်္ဘောဖြင့်တင်ပို့ ရောင်းချသည့် ၀င်ငွေကောင်းသည့် လုပ်ငန်းကို လုပ်ကိုင်ခဲ့သည်။ ၀ှိုက်သည် ဆင်တင်သင်္ဘော ကက်ပတိန်အဖြစ် ၄ နှစ်ခန့် လုပ်ခဲ့သည်။


အယုဒ္ဓယဘုရင်သည် ၀ှိုက်ကို အားထားလာပြီး တနင်္သာရီဒေသ မင်းကြီးချုပ် အဖြစ် ခန့်အပ်လိုက်လေသည်။ ၀ှိုက်သည် မြိတ်မြို့တွင် ရုံးစိုက်ရမည်ဖြစ်ပြီး အယုဒ္ဓယဘုရင်၏ စီးပွားရေး လုပ်ငန်းများ၊ အခွန်ကောက်ခံရေးများ၊ စစ်ဘက်ကာကွယ်ရေးများကို တာဝန်ယူရမည် ဖြစ်သည်။ ၀ှိုက်၏ သြဇာအာဏာနှင့် လုပ်ပိုင်ခွင့်သည် လွန်စွာကြီးမားလေသည်။ ၀ှိုက်သည် လောဘဇောတက်လာခဲ့ပြီး ဘုရင်၏ ငွေကြေးများကိုပင် အလွဲသုံးစားပြုလာသည်။ မြိတ်မြို့ရှိ သင်္ဘောကျင်းတွင် သူ့စိတ်ကြိုက် စစ်သင်္ဘောများကို တည်ဆောက်ခဲ့ပြီး ဘင်္ဂလားပင်လယ်အော်အတွင်း ကုန်တင်သင်္ဘောများကို ဒါးပြတိုက်လေသည်။ သူသည် အင်္ဂလန်ကုန်သင်္ဘောများ၊ မြန်မာ ပဲခူးပိုင် ကုန်သင်္ဘောများ၊ တွေ့မရှောင် ဒါးပြတိုက်ပြီး ရလာသမျှ ငွေကြေးများကို အင်္ဂလန်သို့ ပို့၍ သိမ်းဆည်းထားသည်။ သူလုပ်သမျှကို သူ့အစ်ကို၏ တပည့်က  အယုဒ္ဓယမှ ကာကွယ်ပေးနိုင်ခဲ့သဖြင့် ၀ှိုက်ကို တားဆီးနိုင်မည့်သူမရှိ ဖြစ်လာသည်။


၁၆၈၈ခုနှစ်တွင် အယုဒ္ဓယ၌ နန်းတွင်းပြောင်းလဲမှု ဖြစ်ပေါ်ခဲ့သည်။ ထိုင်းမှတ်တမ်းများက Siamese revolution of 1688 ဟု ဆိုကြသည်။ အင်္ဂလိပ်ဘက်ယိမ်းသည့် လက်ရှိ ဘုရင်ကို အခြားတစ်ဦးက ပြင်သစ်တို့ အကူအညီဖြင့် နန်းချလိုက်လေသည်။ အယုဒ္ဓယမြို့တော်၌ အင်္ဂလိပ်တို့ ကြီးစိုးနေမှု နိဂုံးချုပ်သွားခဲ့ရတော့သည်။ အင်္ဂလိပ်လူမျိုးများ အစုလိုက်အပြုံလိုက် သတ်ဖြတ်ခံလိုက်ကြရသည်။ ဘုရင်သစ်က မြိတ်မြို့အား စီမံအုပ်ချုပ်ရန် ပြင်သစ်လူမျိုးတစ်ဦးကို တာဝန်ပေးလိုက်သည်။ ၀ှိုက်သည် ကံကောင်းထောက်မစွာဖြင့် ကုန်အပြည့်တင်ထားသည့် သင်္ဘောနှစ်စီးဖြင့် လန်ဒန်သို့ ထွက်ပြေး လွတ်မြောက်သွားခဲ့သည်။


လန်ဒန်တွင် အင်္ဂလန်ဘုရင်က ပုန်ကန်မှု၊ အင်္ဂလိပ်သင်္ဘောများကို ဒါးပြတိုက်မှုတို့ဖြင့် ၀ှိုက်ကို တရားစွဲလေသည်။ သူသည် အမှုကို ရင်ဆိုင်နေစဉ် ရုတ်တရက် ကွယ်လွန်သွားခဲ့သည်။


ယိုးဒယားဝှိုက်စာအုပ်တွင် ဘာသာပြန်သူ၊ ထုတ်ဝေသူတို့၏ စေတနာဖြင့် အားထုတ်ပေးထားမှုများကို တွေ့ရသည်။ ခုနှစ်များနှင့်ဆိုင်သည့် အောက်ခြေမှတ်စုများကို ဖော်ပြပေးထားခြင်းဖြစ်သည်။ စာဖတ်သူများ အချိန်ကာလကို နှိုင်းယှဉ်နိုင်ပါသည်။ ၀ှိုက်မွေးဖွားသည့် အေဒီ ၁၆၅၀ ခုနှစ်ဆိုလျှင် မြန်မာ ၁၀၁၂ ခုနှစ်၊ ပင်းတလဲမင်း လက်ထက်။ ၀ှိုက်ထွက်ပြေးသည့် အေဒီ ၁၆၈၈ ခုနှစ်ဆိုလျှင် မြန်မာ၁၀၅၀၊ အင်းဝ မင်းရဲကျော်ထင် လက်ထက်။


ထားဝယ်မြို့သည် သမိုင်းဇာတ်ခုံပေါ်သို့ တက်ရောက်လာပါပြီ။ ကန်လန့်ကာနောက် ရောက်သွားပြီဖြစ်သည့် တစ်ချိန်က မြိတ်မြို့ ဆိပ်ကမ်းအကြောင်းသည် စာမျက်နှာများထက် စာလုံးများအဖြစ်သာ ကျန်ခဲ့ရတော့မည်။ ထားဝယ်ဖြစ်စေ၊ မြိတ်ဖြစ်စေ ..... အသုံးချခံ ဆိပ်ကမ်းကလေးများ သက်သက်သာဖြစ်သည်။ အကျိုးစီးပွားများက ၄င်းတို့ကို ဖြတ်သန်းသွားကြသည်။ အကျိုးစီးပွားများသည် ............. ။

 ရည်ညွှန်း -


- ယိုးဒယာဝှိုက်  ၊  ဦးစံဝင်း ဘာသာပြန်သည် ။ မြန်မာပြည်စာအုပ်တိုက် ၊ ၁၉၆၂ ဇန်န၀ါရီလ၊ ပ - ကြိမ်
- http://en.wikipedia.org
- http://www.bl.uk/onlinegallery
- စာအုပ်ပိုင်ရှင် သူငယ်ချင်းအား ကျေးဇူးတင်ပါသည်။


စောသက်လင်း

* * * * * * * * * *

မကြာမီ ..... ကျွန်တော် ပြန်ဖတ်ချင်နေသော စာအုပ်များ။ ဒေါက်တာခင်လေးမြင့်၏ မင်းသားလေး
                                                             Antoine de Saint-Exupery's Le Petit Prince
                  အကယ်ဒမီ စန္ဒရား လှထွတ် ဘာသာပြန် အိုင်းစတိုင်းနှင့် တွေ့တဲ့ည
                                                         The Night I met Einstein By Jerome Weidman

4.2.11

မြန်မာ့ဆိုရှယ်လစ် လမ်းစဉ်ပါတီ ပထမအကြိမ် ပါတီညီလာခံ အထိမ်းအမှတ် တံဆိပ်ခေါင်းများ။










မြန်မာ့ဆိုရှယ်လစ် လမ်းစဉ်ပါတီ ပထမအကြိမ် ပါတီညီလာခံ အထိမ်းအမှတ် တံဆိပ်ခေါင်းများကို ၁၉၇၁ ခုနှစ် ဇွန်လ ၂၈ ရက်နေ့ တွင် စာတိုက်နှင့် ကြေးနန်းဌာနမှ ထုတ်ဝေခဲ့ပါသည်။
 
မြန်မာနိုင်ငံ၏ တံဆိပ်ခေါင်းများ ထုတ်ဝေခြင်း မှတ်တမ်းအရ လွတ်လပ်သောမြန်မာနိုင်ငံ၏ ထုတ်ဝေခြင်း အမှတ်စဉ် (၃၀) ဖြစ်သည်။


တံဆိပ်ခေါင်းများအောက်တွင် S.P.A.B II 4/1 ဟူသော စာလုံးပါရှိသည်။ S.P.A.B အဓိပ္ပါယ်မှာ State Philatelic Advisory Board ဖြစ်သည်။ အစိုးရ တံဆိပ်ခေါင်း အကြံပေးအဖွဲ့ ဖြစ်သည်။ ၁၉၇၀ ခုနှစ်တွင် ဖွဲ့စည်းခဲ့ပြီး ၊ ထိုနှစ်နောက်ပိုင်း ထုတ်ဝေခဲ့သည့် တံဆိပ်ခေါင်း အနည်းငယ်တွင် S.P.A.B စာလုံး ပါဝင်ခဲ့သည်။
အမျိုးအမည် စုစုပေါင်း ၄ မျိုး ထုတ်ဝေခဲ့ပါသည်။
 ၁။      ၅ ပြား       
 ၂။    ၁၅ ပြား          
 ၃။    ၂၅ ပြား      
 ၄။    ၅၀ ပြား     

မြန်မာ တံဆိပ်ခေါင်းများတွင် နိုင်ငံအမည်ကို ဖော်ပြရာ၌ နှစ်မျိုးဖြစ်နေသည်။ အချို့ ထုတ်ဝေခြင်း များတွင် ပြည်ထောင်စု မြန်မာနိုင်ငံ ဟုဖော်ပြပြီး အချို့တွင် ပြည်ထောင်စု မြန်မာနိုင်ငံတော် ဟူ၍ ဖော်ပြခဲ့ကြသည်။ တော်ပါသည် မပါသည် ကွာခြားခြင်း ဖြစ်သည်။ မည်သည့်အတွက်ကြောင့် ကွာခြားနေသည်ကို လေ့လာသင့်ပါသည်။

မြန်မာ့ဆိုရှယ်လစ် လမ်းစဉ်ပါတီ၏ ပထမအကြိမ် ပါတီညီလာခံကို ၂၈-၆-၁၉၇၁ မှ ၁၁-၇-၁၉၇၁ အထိ ရန်ကုန်မြို့ မင်္ဂလာဒုံ ၊ ဗဟို နိုင်ငံရေးသိပ္ပံ ကျောင်းဝင်းအတွင်းရှိ ညီလာခံ ခန်းမတွင် ကျင်းပခဲ့ပါသည်။ ဤညီလာခံကို အကြောင်းပြု၍ ပထမအကြိမ် ပါတီညီလာခံ အထိမ်းအမှတ် တံဆိပ်ခေါင်းများကို ထုတ်ဝေခဲ့ခြင်းဖြစ်သည်။
 
၂-၈-၇၁ နေ့ ဟံသာဝတီ သတင်းစာပါ သတင်းတစ်ပုဒ်။ Photo - STL

Photo - STL


မြန်မာ့ဆိုရှယ်လစ် လမ်းစဉ်ပါတီကို ၈-၅-၁၉၆၂ နေ့တွင် တရားဝင် စတင်ထူထောင်ခဲ့သည်။ ၁၀-၉-၁၉၈၈ နေ့တွင် မြန်မာ့ဆိုရှယ်လစ် လမ်းစဉ်ပါတီ အရေးပေါ် ပါတီညီလာခံကို ရန်ကုန်မြို့ ပြည်သူ့လွှတ်တော် အစည်းအဝေး ခန်းမ၌ ကျင်းပခဲ့ပြီး တစ်ပါတီ စနစ်ကို ဖျက်သိမ်း၍ ပါတီစုံစနစ်ဖြင့် အထွေထွေ ရွေးကောက်ပွဲ ကျင်းပရန် ဆုံးဖြတ်ချက် ချမှတ်ခဲ့ပါသည်။


ဤဆုံးဖြတ်ချက် ချမှတ်ခဲ့သောနေ့သည် မြန်မာ့နိုင်ငံရေးသမိုင်းအတွက်  အရေးကြီးသော နေ့တစ်နေ့ ဖြစ်သည်။ တစ်နေ့တချိန်ကျလျှင်တော့ ဤနေ့ကို အထိမ်းအမှတ်ပြုသည့် တံဆိပ်ခေါင်းများ ထုတ်ဝေကြလိမ့်မည်ဟု မျှော်လင့်မိပါသည်။

Photo - STL

မှီငြမ်း ကိုးကားသော စာအုပ် -

- နှောင်းအတိတ် သမိုင်းရိပ် ထင်နေသည့် တံဆိပ်ခေါင်းများ၊ သိန်းဌေးနိုင် ၊ စာပေဗိမာန်၊ ၁၉၉၄ ပ ကြိမ်။
- ၂၈-၈-၈၈ ရက်နေ့ထုတ် ဗိုလ်တထောင် သတင်းစာ။
- ၂-၈-၇၁ ရက်နေ့ထုတ် ဟံသာဝတီ သတင်းစာ။