28.9.10

တံဆိပ်ခေါင်းအကြောင်း မြန်မာစာအုပ်များ

အခွင့်အရေး ရခဲ့လျှင် ကျွန်တော်ပြုစုချင်သော သမိုင်းမှတ်တမ်း တစ်ခုရှိပါသည်။ ကျွန်တော်တို့တွင် အင်္ဂလိပ် မြန်မာ စစ်သမိုင်း၊ မြန်မာနိုင်ငံ အလုပ်သမား လှုပ်ရှားမှုသမိုင်း၊ မြန်မာနိုင်ငံ ကျောင်းသား လှုပ်ရှားမှုသမိုင်း၊ မြန်မာ့ တပ်မတော် သမိုင်း၊ .....စသည်ဖြင့် သမိုင်းမှတ်တမ်းများ ပြုစုပြီးရှိပါသည်။ ကျွန်တော်ပြုစုချင်သော သမိုင်းမှတ်တမ်း ရှိပြီးလည်း ဖြစ်နိုင်ပါသည်။ ကျွန်တော်၏ စာအုပ်ဆိုင်ရာ ဗဟုသုတ မပြည့်စုံမှုကြောင့် ကျွန်တော် မသိရှိခဲ့ခြင်း ဖြစ်မည်။ ရှိခဲ့လျှင်သော်မှ ကျွန်တော့် ရပ်တည်ချက် ရှုထောင့်နှင့် ရှိပြီးသား စာအုပ် ပြုစုသူ၏ ရပ်တည်ချက် ရှုထောင့် တူချင်မှ တူနိုင်ပါလိမ့်မည်။ ရပ်တည်ချက် မတူလျှင် ရှုထောင့်တူနိုင်ပါမည်လား။

ကျွန်တော်ပြုစုချင်သော သမိုင်းမှတ်တမ်းမှာ မြန်မာနိုင်ငံ စာအုပ် ထုတ်ဝေရေး သမိုင်း ဖြစ်သည်။ နိုင်ငံအတွင်း မြန်မာစာအုပ်များကို ထုတ်ဝေခဲ့ကြသည့် စာအုပ်တိုက်များ ၊ စာပေတိုက်များ အကြောင်း မှတ်တမ်းတင်လိုခြင်းဖြစ်သည်။ သမိုင်းအဆက်ဆက်၊ နိုင်ငံရေး လောကဓံ အသွယ်သွယ်၊ ခေတ်စနစ် အမျိုးမျိုး၊ အုပ်ချုပ်သူ အဖုံဖုံ အတွင်းမှ ကျွန်တော်တို့ နိုင်ငံသူ နိုင်ငံသားများ၏ ဒဏ်ရာများ၊ ခံစားမှုများ၊ ပျော်ရွှင်မှုများ၊ မျက်ရည်သွေးချွေးများ၊ ရယူပေးဆပ်ခြင်းများ စသည်တိုိ့ကို သုတစာပေ၊ ရသစာပေတို့ဖြင့် မှတ်တမ်းတင် ဖန်တီးခဲ့ကြသည့် စာရေးဆရာတို့၏ စာပေများကို ရည်ရွယ်ချက်ကိုယ်စီဖြင့် ထုတ်ဝေခဲ့ကြသည့် စာအုပ်တိုက်များ ၊ စာပေတိုက်များ၏ သမိုင်းကို ကျွန်တော်တို့ သမိုင်းမှတ်တမ်း တင်ထားသင့်ပါသည်။

ဘာသာရေးဆိုင်ရာစာအုပ်များ ထုတ်ဝေရေး သမိုင်းကိုလည်း ပြုစုသင့်ပါသည်။ ကျွန်တော်သည် ဘာသာရေးနှင့် ဆိုင်သော လူတစ်ယောက် မဟုတ်သေးသည့်အတွက် ဘာသာရေးဆိုင်ရာ စာအုပ်များအကြောင်း ပြုစုဖို့ ဝေးနေပါသည်။ သမိုင်းမှတ်တမ်း အနေဖြင့် ရှိသင့်ပါသည်။

စာအုပ်ထုတ်ဝေသည့် စာအုပ်တိုက်များအကြောင်းကို ကျွန်တော် စတင်စိတ်ဝင်စားမိသည်မှာ ပုဂံ စာအုပ်တိုက်ကြောင့်ဖြစ်သည်။ ပုဂံစာအုပ်တိုက်ထုတ် စာအုပ်ပုံကြားမှ ကျွန်တော်တို့ ကြီးပြင်းလာကြသည်။ ပုဂံစာအုပ်တို့၏ အနှစ်သာရကို အသာထား ၊ ပြင်ပ အပြင်အဆင်ကပင် စာအုပ်ကို ကောက်ကိုင်ချင်စိတ် ဖြစ်စေသည်။ သူ၏ စာအုပ်ကြော်ငြာများကိုက စိတ်ဝင်စားဖို့ကောင်းသည်။ ပုဂံစာအုပ်တိုက်ကြောင့် စာအုပ်ထုတ်ဝေရေး၏ သြဇာတန်ခိုး ကြီးမားပုံကို နားလည်တန်ဘိုးဖြတ်မိလာသည်။
 
စာအုပ်ဆိုင်များသို့ ရောက်၍ စာအုပ်များကို ဟိုဟိုသည်သည် ရွေးချယ်သည့်အခါ ကျွန်တော်သည် စာရေးဆရာကို ဦးစွာကြည့်သည်။ စာအုပ်၏ အကြောင်းအရာသည် ဒုတိယ ရွေးချယ်မှု ဖြစ်သည်။ တတိယရွေးချယ်မှုသည် ထုတ်ဝေသည့် စာအုပ်တိုက်ဖြစ်သည်။ စာအုပ်၏ စာရေးသူနှင့် အကြောင်းအရာကို စိမ်းနေစေဦးတော့ စာအုပ်တိုက်ကို ကြည့်ခြင်းဖြင့် စာအုပ်ကို စိတ်ဝင်စားမှု ဖြစ်စေသည်။ စာအုပ်တိုက်က စာအုပ်များကို ထောက်ခံချက်ပေးနေသလို ခံစားရသည်။

ကျွန်တော်တို့ နိုင်ငံဖြတ်သန်းရာ ခေတ်အဆက်ဆက်တွင် ဂုဏ်သိက္ခာကြီးမားသည့် စာအုပ်တိုက်များ ပေါ်ပေါက်ခဲ့ကြသည်။ ဒဂုန်၊နဂါးနီ၊ ပုဂံ၊ လူထု၊ စာပေလောက၊ ယောမင်းကြီး၊ ဘ၀တက္ကသိုလ်၊ အားမာန်သစ်၊ နံ့သာ၊ စပယ်ဦး၊ ထီးပေါင်းကား၊ ယနေ့မန္တလေး၊ စာပေဗိမာန်၊ မြ၀တီ၊ ရာပြည့်၊ မုံရွေး၊ UNITY၊ စိတ်ကူးချိုချို၊ ပင်နီ၊..............။ တခဏအတွင်း ကျွန်တော် မှတ်မိနေသည့် စာအုပ်တိုက်များသာ ဖြစ်သေးသည်။ အခြား လေးစားစရာ စာအုပ်တိုက် များစွာရှိပါသေးသည်။ သူတို့၏ ကြိုးစား အားထုတ်ခဲ့သမျှကို လေးစားဂုဏ်ပြုသည့် အနေဖြင့် ကျွန်တော်တို့ မှတ်တမ်းတင်သင့်သည်။ ကြီးမား ကျယ်ပြန့်သည့် လုပ်ငန်းဖြစ်သည့်အလျှောက် အစုအဖွဲ့ဖြင့် ကြိုးစားလျှင်ရနိုင်မည့် မှတ်တမ်း ဖြစ်ပါသည်။


* * * * * * * * * *

စာပေဗိမာန် စာအုပ်တိုက်

ကျွန်တော်သည် မြန်မာ့ ယဉ်ကျေးမှု ထုံးတမ်းစဉ်လာများ၊ ရိုးရာ ပန်းဆယ်မျိုးအနုပညာ၊ ဒေသဆိုင်ရာ ထူးခြားသည့် ဓလေ့များ၊ တိုင်းရင်းသားလူမျိုးများ၊...စသည်တို့အကြောင်း သိမှတ်လိုသည့်အခါ သက်ဆိုင်ရာ ရည်ညွှန်းနိုင်မည့် စာအုပ်များကို ရှာဖွေရသည်။ ဥပမာ .. မြန်မာ့ ကွမ်းစားဓလေ့၊ မြန်မာ့ အလေး တင်းတောင်းစနစ်၊ စသည်တို့ဖြစ်သည်။ ဤသို့သော စာအုပ်များသည် စီးပွားရေးအရ အောင်မြင်မှု အခွင့်အလမ်း နည်းပါးသဖြင့် ပုဂ္ဂလိက ပြင်ပစာအုပ်တိုက်များမှ ထုတ်ဝေမှုနည်းပါးသည်။ ထိုအခါ ပြန်ကြားရေးဝန်ကြီးဌာန၏ စာပေဗိမာန်စာအုပ်တိုက်မှ ထုတ်ဝေသည့် စာအုပ်များသည် အရေးကြီးသည့် ရည်ညွှန်းစာအုပ်များ ဖြစ်လာသည်။ ဝတ္ထုရှည်၊ ဝတ္ထုတို၊ ဘာသာပြန်စာပေ သဘောတရား..... စသည့် စာတမ်းစာအုပ်များဆိုလျှင် စာပေတန်ဘိုးကြီးမားလှသည်။ စာပေဗိမာန်မှ ထုတ်ဝေခဲ့သည့် လက်စွဲစာအုပ် မြောက်များစွာထဲတွင် စာပေတန်ဘိုးကြီးမားသည့် စာအုပ်များစွာရှိပါသည်။

ကျွန်တော် ရန်ကုန်မှာရှိစဉ် ပိုက်ဆံယား နည်းနည်းပါးပါးရှိသည့်အခါ စာအုပ် Hunting ထွက်တတ်သည်။ ဘာဝယ်မည် သတ်မှတ်ချက်မရှိ။ ပန်းဆိုးတန်းတ၀ိုက်ရှိ စာအုပ်ဆိုင်တကာ အခမဲ့စာမြည်း အရသာခံ လျှောက်ဝှေ့နေသည်။ ထိုအခါမျိုးမှာ ကုန်သည်လမ်းနှင့် ၃၇ လမ်းဒေါင့်နားရှိ စာပေဗိမာန်ဆိုင်သို့ အမြဲတန်းရောက်လေ့ရှိသည်။ သိမ်းဆည်းသင့်သည့် စာအုပ်မျိုးဆို ၀ယ်ဖြစ်လေ့ရှိသည်။ သုတ စာအုပ်များ ဖြစ်သည်။

စာပေဗိမာန်မှ ထုတ်ဝေခဲ့သည့် ရသစာအုပ်များကတော့ ကျွန်တော့်စိတ်ကို ပြုစားနိုင်စွမ်း သိပ်မရှိပါ။ စာအုပ်မျာ၏ ရသတန်ဘိုးအနိမ့်အမြင့်ကိုလည်း အကဲမဖြတ်လိုပါ။ ပန်းဥယျာဉ်ဟူသည် တော်ဝင် ပန်းများနှင့်ချည်း ပြည်စုံနေ၍ မလှပနိုင်။ ပန်းအမျိုး ပေါင်းစုံဖြင့် ပန်းတိုင်း ဖူးပွင့်နေဖို့သာ လိုအပ်ပါသည်။

* * * * * * * * * *
 
၁။ တံဆိပ်ခေါင်းစုနည်းနိသျည်း၊ သုတေသီတစ်ဦး ၊ ၁၉၆၉ ။

တံဆိပ်ခေါင်းများအကြောင်း မြန်မာဘာသာဖြင့် ရေးသားထားသည့်  စာအုပ်များထဲတွင် အစောဆုံး ပုံနှိပ် ထုတ်ဝေသည့် စာအုပ်ဖြစ်မည် ထင်ပါသည်။ ကျွန်တော်၏ ကိုယ်တိုင် အတွေ့အကြုံအရ ထင်မြင်ချက်သာ ဖြစ်သည်။  ကျွန်တော် ရန်ကုန်မှာ ရှိစဉ်က တံဆိပ်ခေါင်းအကြောင်း မြန်မာစာအုပ်များကို အသည်းအသန် လိုက်ရှာခဲ့ဖူးသည်။ သည့်ထက်စောပြီး ပုံနှိပ်သည့် မြန်မာစာအုပ်များ ယခုထိ မတွေ့ဖူးသေးပါ။ ၃၇ လမ်း စာအုပ်အဟောင်းတန်းတွင် ရှာလျှင် ဤစာအုပ်ကိုသာ ညွှန်းကြပါလိမ့်မည်။ ဤစာအုပ်က ယခု ကျွန်တော်ထံတွင် ရှိမနေပါ။ ကျွန်တော်မြို့မှ စာအုပ်စင်တွင် သိမ်းထားပါသည်။ စာအုပ်မှာ ဖတ်မည့်သူလည်း မရှိပဲ အခြားစာအုပ်များအကြား မျက်နှာငယ်ရှာနေပေရော့မည်။

ကျွန်တော့်တွင်ရှိသည့် တံဆိပ်ခေါင်းများအကြောင်း မြန်မာစာအုပ် ၃ အုပ်အနက် ဤစာအုပ်သည် တတိယမြောက် စုဆောင်းမိသည့် စာအုပ်ဖြစ်သည်။ ၂၀၀၁ ခုနှစ်လောက်က ပြည်မြို့ ဗိုလ်ချုပ်ကြေးရုပ်အနီး ညဈေးတန်းရှိ စာအုပ်အဟောင်းဆိုင်မှ ၀ယ်ယူရရှိခဲ့ခြင်းဖြစ်သည်။ စာအုပ်မှာ အသစ်နီးပါးရှိသေးသည်။ စာအုပ် မျက်နှာဖုံးမှာလည်း ရိုးရိုးလေးသာ ဖြစ်သည်။ အဖြူရောင် ပြောင် ကတ်ထူ အဖုံးပေါ်တွင် စာအုပ်နာမည် နှင့် စာရေးသူနာမည်သာပါသည်။ သုတေသီတစ်ဦး ဆိုသည်မှာ မည်သူမှန်းလည်း မသိရပါ။  ၁၉၆၉ တွင် ထုတ်ဝေခဲ့ပါသည်။

၁၉၆၉ ခုနှစ်တွင် တံဆိပ်ခေါင်းများ မည်သို့ စုဆောင်းရမည် ဆိုသည့်ကိစ္စကို စာအုပ်ထုတ်ဝေသည်မှာ ခေတ်ရှေ့ပြေးသည့် စေတနာဖြစ်မည်ထင်ပါသည်။ အုပ်ရေမည်မျှ ရောင်းခဲ့ရမှာပါလိမ့်။ ယခုချိန် ၂၀၁၀ မှာ ထုတ်ဝေလျှင်ပင် အတော့်ကို ကြိုးစားပန်းစား ရောင်းရမည့် စာအုပ်မျိုး ဖြစ်ပါလိမ့်မည်။ ကျွန်တော့် အတွက်တော့ ဤစာအုပ်များသည် တသက်တာသိမ်းဆည်းထားရမည့် စာအုပ်မျိုးဖြစ်သည်။

၂။ ပြည်သူကို ပညာပေးသော တံဆိပ်ခေါင်းများ ၊ ဘုတလင်သစ်နီ ၊ ၁၉၈၀ ၊
    ၁၉၈၀ ပြည့်နှစ် စာပေဗိမာန်စာမူဆု သုတပဒေသာ ( ဝိဇ္ဇာ ) ပထမဆုရ



တံဆိပ်ခေါင်းအကြောင်း စာအုပ်များထဲတွင် အသေးစိတ် သိကောင်းစရာများဖြင့် ပြည့်စုံသည့် စာအုပ်ဟု သတ်မှတ်နိုင်ပါသည်။ ပြည်တွင်း ပြည်ပ စုံလင်သည်။ ကမ္ဘာပေါ်တွင် တံဆိပ်ခေါင်းများ စတင် ပေါ်ပေါက် လာပုံ၊  အဆင့်ဆင့် တိုးတက်လာကြပုံ၊ တံဆိပ်ခေါင်း စုဆောင်းခြင်းဆိုင်ရာ ဗဟုသုတများ၊ ရှေးဟောင်းခေါင်းများ အရောင်းအ၀ယ် စသည်ဖြင့် ကဏ္ဍများ ပြည့်စုံအောင် စာရေးသူမှ ကြိုးစား ထားပါသည်။

မြန်မာနိုင်ငံတွင် တံဆိပ်ခေါင်းများ စတင် အသုံးပြုသည့် ၁၈၈၀-၈၁ ခုနှစ် ဗြိတိသျှ လက်အောက်ခံ ကာလမှ ၁၉၈၀ ခုနှစ် ပြည်ထောင်စု ဆိုရှယ်လစ် သမ္မတ မြန်မာနိုင်ငံ ကာလအထိ ထုတ်ဝေခဲ့သည့် တံဆိပ်ခေါင်းများ အကြောင်း ဖတ်ရှုလေ့လာနိုင်သည်။ ဆိုရှယ်လစ် စနစ်ကို '' ပို့ '' ထားသည့် အရေး အသားများလည်း ပါသည်။ တံဆိပ်ခေါင်းများအကြောင်း ရည်ညွှန်းလိုလျှင် မလွှဲမသွေ အသုံးပြုရမည့် မြန်မာစာအုပ်ဖြစ်သည်။

တံဆိပ်ခေါင်းများစုဆောင်းခြင်းနှင့် ပတ်သက်၍ လှုံ့ဆော်သည့် မြန်မာဆောင်းပါးများတွင် ယခုထိ ရှာဖွေ တွေ့ရှိသမျှ အစောဆုံးမှာ ၁၉၅၅ ဇွန်လ ၂၁ ရက် နေ့စွဲဖြင့် သောကြာစာစောင်မှ အားလျှင် တံဆိပ်ခေါင်းစုပါ အမည်ဖြင့် ဆောင်းပါးတို ဖြစ်မည်ထင်ပါသည်။ ကျော်သိန်းရေးသည်ဟု ဆိုထားသည်။ (သည့်ထက်စောသည့် ဆောင်းပါးများလည်း ရှိနိုင်ပါသည်။) ၁၉၇၀-၇၁ များတွင်တော့ ဆရာ ချစ်စံဝင်းမှ ကြေးမုံသတင်းစာတွင် ငှက်တံဆိပ်ခေါင်းများလဲသင့်ပြီ ၊ တံဆိပ်ခေါင်း အရောင်းဆိုင်ဖွင့် စသည့် ဆောင်းပါးများဖြင့် ရေးသား လှုံ့ဆော်ခဲ့ကြောင်းတွေ့ရှိရသည်။ (စာ - ၇၆ မှ ၇၈ ထိ)

ဤစာအုပ်ကို ကျွန်တော် ရှာဖွေရရှိသည့် နေရာအကြောင်း နည်းနည်းပြောချင်ပါသည်။ ထိုနေရာက ပုဂံရာဇ၀င်နှင့် ပတ်သက်နေသည်။ ရှမ်းမိဖုရား စောမွန်လှ ပုဂံမှပြန်လာသည့် အကြောင်းကို ကျွန်တော်တို့ အားလုံး သိကြပါသည်။ ရှမ်းပြည်နယ်သို့ အပြန်ခရီး၏ တစ်ညနေတွင် တိုင်းရင်းသား ဓနုလူမျိုးတို့၏ ရွာတစ်ရွာတွင် ယာယီတဲဆောက်လုပ်ပြီး ညအိပ် ရပ်နားလေသည်။ ထိုယာယီတဲဆောက်လုပ်ခဲ့ရာ နေရာကို အထိမ်းအမှတ်ပြု၍ ဘုရားစေတီတည်ထားကြသည်။ တဲနန်းတော်စေတီဟု အမည်ရသည်။ ယခု နောင်ချိုမြို့နှင့် မိုင်အနည်းငယ်တွင် တဲနန်းတော်စေတီ တည်ရှိပါသည်။ (နောင်ချိုမြို့သည် ပြင်ဦးလွင်နှင့် ကျောက်မဲမြို့ကြားတွင်ရှိသည်။) ဘုရားပွဲကို တပေါင်းလတွင် ကျင်းပပါသည်။ ဘုရားပွဲဈေး၏ စာအုပ် အဟောင်း ရောင်းသည့်ဆိုင်မှ ၀ယ်ယူရရှိခဲ့ခြင်းဖြစ်သည်။ ၂ အုပ်ကို တပြိုင်တည်း ရရှိခြင်းဖြစ်သည်။ တံဆိပ်ခေါင်းနှင့် ပတ်သက်သည့် မြန်မာစာအုပ် ပထမဆုံး စုဆောင်းမိခြင်းဖြစ်သည်။ တစ်အုပ်ကို ခင်မင် ရသည့် သူငယ်ချင်းတစ်ယောက်ကို လက်ဆောင်ပေးလိုက်ပါသည်။

၃။ နှောင်းအတိတ်သမိုင်းရိပ်ထင်နေသည့်တံဆိပ်ခေါင်းများ ၊ သိန်းဌေးနိုင်၊ ၁၉၉၄  
    စာပေဗိမာန်စာမူဆု  ။

၁၉၉၆ ခုနှစ်တွင် ရန်ကုန်မြို့ စာပေဗိမာန်စာအုပ်ဆိုင်မှ ၀ယ်ယူခဲ့ခြင်းဖြစ်သည်။ ဤစာအုပ်သည် မြန်မာတံဆိပ်ခေါင်းများအကြောင်းချည်း ဖြစ်သည်။ ထုတ်ဝေခဲ့သည့် ရက်စွဲများလည်း အတော် ပြည့်စုံပါသည်။ မြန်မာတံဆိပ်ခေါင်းများကို အတော်များများ ခြေရာခံနိုင်သည်ဖြစ်ပြီး ကျွန်တော် အနှစ်သက်ဆုံးဖြစ်သည်။ မြန်မာတံဆိပ်ခေါင်းအဟောင်း တစ်ခုတလေ ရရှိသည့်အခါ ကျွန်တော်သည် ဤစာအုပ်နှင့် တိုက်ဆိုင်၍ သူ့အကြောင်းကို မှတ်သားလေ့ရှိသည်။

မြန်မာ့ရှေးဟောင်းတံဆိပ်ခေါင်းများအကြောင်းမှ စတင်၍ န၀တခေတ် ၁၉၉၃-၉၄ ခုနှစ်လောက်အထိပါဝင် သည်။ ကျွန်တော်အမှတ်မမှားလျှင် ထိုစာအုပ်ထဲတွင် နောက်ဆုံးဖော်ပြထားသည့် တံဆိပ်ခေါင်း အကြောင်းမှာ န၀တပတ္တမြား ဟု လူသိများသည့် ပတ္တမြားကြီးအကြောင်း အထိမ်းအမှတ် ထုတ်ဝေသည့် တံဆိပ်ခေါင်းဖြစ်သည်။ (ဒဂုံတက္ကသိုလ် ထဲတွင် ထိုပတ္တမြားကြီးပုံ ကားလမ်းအ၀ိုင်းရှိသည်။) စာရေးဆရာ ဆရာသိန်းဌေးနိုင် အကြောင်းလည်း စာအုပ်တွင် ပါပါသည်။ ကျွန်တော် အသေးစိတ် မမှတ်မိတော့ပါ။

* * * * *

ယခုတော့ ကျွန်တော်သည် ကျွန်တော်၏ တံဆိပ်ခေါင်းများ၊ စာအုပ်များနှင့် ဝေးကွာနေပါသည်။ ရုပ်ချင်း သာမက စိတ်ချင်းပါ ဝေးကွာခြားနားနေသည်။ တစ်ခါတလေတော့ ငယ်ငယ်က နှစ်ခြိုက်ခဲ့ပြီး ယခုအခါ ပြန်လည် မရနိုင်တော့သည် အရာများစွာကို လွမ်းရင်း ဘ၀ကို ကြေကွဲမိသည်။

စောသက်လင်း
---------------------------------------------------------------------------

မကြာမီ .......  ကျွန်တော်ပြန်ဖတ်ချင်နေသော စာအုပ်များ ၊ ၄ ။ ( ဘုံဘ၀မှာဖြင့် - သခင်တင်မြ )
                   စာအုပ်ချုပ်ခြင်း အနုပညာ။
---------------------------------------------------------------------------

16.9.10

ဖတ်မိဖတ်ရာ .... စာပေနိုဗယ်ဆု နှင့် စာရေးဆရာကြီးများ

ကိုလံဘီယာစာရေးဆရာကြီး Gabriel García Márquez အကြောင်း အင်တာနက်မှာလိုက်ရှာရင်း နိုဗယ်ဆု ရေးချယ်ရေးအဖွဲ့၏ အင်တာနက်လိပ်စာကို ကျွန်တော်သွားတွေ့သည်။ http://nobelprize.org/ ဖြစ်သည်။
ကျွန်တော်အနေဖြင့် ဖတ်၍မဆုံးနိုင်အောင်ဖြစ်ရသည်။ စာပေနိုဗယ်ဆုနှင့် ငြိမ်းချမ်းရေး နိုဗယ်ဆု ဆိုင်ရာ အခန်းများကတော့ ကျွန်တော်ကို အစွဲဆောင်ဆုံးဖြစ်သည်။

စာပေနိုဗယ်ဆုနှင့်ဆိုင်သော အခန်းများကို ဖတ်ရင်း စာပေနိုဗယ်ဆု ချီးမြှင့်ခြင်းခံရသည့် စာရေး ဆရာကြီးများအကြောင်း လျှောက်ဖတ်မိသည်။ သူတို့တတွေ ဘာလူမျိုးပါလိမ့် ၊ ဘယ်အချိန်တွေက ပုဂ္ဂိုလ် တွေပါလိမ့်၊ စာရင်းတို့မိသည်။ သူတို့အကြောင်းတွေးရင်း ကျွန်တော့် စိတ်ကူးထဲပေါ်လာသော စာအုပ်များ ရှိသည်။ နိုဗယ်ဆုရ စာရေးဆရာကြီးများ၏ ၀တ္ထုတိုတချို့ကို ဆရာဇော်ဂျီ ဘာသာပြန်ဆိုခဲ့သော ဝတ္ထုတို ၃ တွဲဖြစ်သည်။ မိုးကြယ်မို့လားနှင့် ဝတ္ထုတိုများ ၊ လမ်းသစ်နှင့် ဝတ္ထုတိုများ၊ နင် လားဟဲ့ ချစ်ဒုက္ခနှင့် ဝတ္ထုတိုများ။ ဆရာဇော်ဂျီက နိုဗယ်ဆုရ စာရေးဆရာကြီး ၂၅ ဦး၏ ၀တ္ထုတို ၃၃ ပုဒ်ကို ပြန်ဆို ခဲ့ခြင်းဖြစ်သည်။ (ရာပြည့်စာအုပ်တိုက် ပုံနှိပ်ခြင်းတွင် နောက်ဆက်တွဲ ၁ ပုဒ် ထပ်တိုး ) ကျွန်တော် အတော် သဘောကျသော ၀တ္ထုတို ၂ ပုဒ်ရှိသည်။ ဂျပန်စာရေးဆရာ Yasunari Kawabata ၏ အိဇု အငြိမ့်သမ ကလေး (The Izu Dancer) နှင့် အမေရိကန်စာရေးဆရာမ Pearl Buck ၏ လမ်းသစ် (မူရင်းနာမည်ကို မမှတ်မိတော့) တို့ဖြစ်သည်။

Facts on the Nobel Prize in Literature အခန်းဖြင့် စိတ်ဝင်စားဖွယ်ရာ မှတ်တမ်းအချို့ကို ထုတ်နှုတ် ပေးထားသည်။ အနည်းငယ် ကောက်နှုတ် စာရင်းတို့ရလျှင် -

- ၁၉၀၁ မှ ၂၀၀၉ အထိ နှစ်ပေါင်း ၁၀၉ နှစ် အတွင်း တစ်နှစ်လျှင် တစ်ကြိမ်နှုန်းဖြင့်  စုစုပေါင်း  ၁၀၂ ကြိမ်   စာပေနိုဗယ်ဆု ချီးမြှင့်ခဲ့ပြီးဖြစ်သည်။
- ၁၉၀၄, ၁၉၁၇, ၁၉၆၆, ၁၉၇၄ ခုနှစ်တို့တွင် စာရေးဆရာ ၂ ဦးစီကို ပူးတွဲ ဆုချီးမြှင်ခဲ့သည်။
- နှစ်ပေါင်း ၁၀၉ နှစ် အတွင်း  စုစုပေါင်း စာရေးဆရာ ၁၀၆ ဦးကို   စာပေနိုဗယ်ဆု ချီးမြှင့်ခဲ့ပြီးဖြစ်သည်။
- စာရေးဆရာ စုစုပေါင်း၁၀၆ ဦးတွင် အမျိုးသား ၉၄ ဦး နှင့် အမျိုးသမီး ၁၂ ဦးတို့ ဖြစ်ကြပါသည်။
- ၁၉၁၄, ၁၉၁၈, ၁၉၃၅, ၁၉၄၀, ၁၉၄၁, ၁၉၄၂ နှင့် ၁၉၄၃ ခုနှစ် အတွင်း စုစုပေါင်း ၇ နှစ် ဆုချီးမြှင်ခြင်း   ရပ်နားခဲ့ရသည်။
- ဆုချီးမြှင့်ခံရသည့်အချိန်တွင် အသက်အငယ်ဆုံး စာရေးဆရာမှာ ဗြိတိသျှ အမျိုးသား Rudyard Kipling 
  အသက် ၄၂ နှစ် ဖြစ်ပြီး ၊ ၁၉၀၇ ခုနှစ် အတွက်ဖြစ်သည်။
- ဆုချီးမြှင်ခြင်းခံရသည့် အချိန်တွင် အသက်အကြီးဆုံး စာရေးဆရာမှာ အီရန် အမျိုးသမီး Doris Lessing
  အသက် ၈၈ နှစ် ဖြစ်ပြီး ၊ ၂၀၀၇ ခုနှစ် အတွက်ဖြစ်သည်။ (အင်္ဂလန်နိုင်ငံသား ခံယူထားသည်)
- စာပေနိုဗယ်ဆုကို ငြင်းပယ်ခဲ့သည့်  စာရေးဆရာ ၂ ဦးရှိသည်။ 
   ရုရှား အမျိုးသား Boris Leonidovich Pasternak ၊ ၁၉၅၈ ခုနှစ် အတွက်ဖြစ်သည်။
   ပြင်သစ် အမျိုးသား Jean Paul Sartre ၊ ၁၉၆၄ ခုနှစ် အတွက်ဖြစ်သည်။
       ( အသေးစိတ် သိလိုလျှင် အင်တာနက်တွင် လေ့လာနိုင်ပါသည်။ )

စာပေနိုဗယ်ဆု အကြောင်းရေးသားသည့် ဆောင်းပါးများ အများအပြားရှိပါသည်။ ကျွန်တော် လောလောဆယ် ဖတ်ထားသဖြင့် မှတ်မိသည့် ဆောင်းပါးကို ညွှန်းရမည်ဆိုပါလျှင် ဆရာဖေမြင့်၏ စာအုပ်ကမ္ဘာ စာအုပ်မှ စာပေနိုဘယ်ဆုနှင့် ဂယက်များ ကိုညွှန်းလိုပါသည်။ ( စာမျက်နှာ ၂၆၁-၂၇၄ )

-ရရှိသည့် ဆုငွေပမာဏမှာ ယခင်က အပြောင်းအလဲ အတက်အကျ ရှိခဲ့သော်လည်း ယခု  နောက်ပိုင်း  တွင်မူ ဆွီဒင် ကရိုနာငွေ ၁၀ သန်းဟူ၍ မူသေသတ်မှတ်ခဲ့သည်။ ( စာမျက်နှာ - ၂၆၅ )
(  ၁၈-၉-၁၀ ငွေလဲနှုန်း ၊      1 Swedish Krona = 0.14173 US Dollar
                                  1 US Dollar (USD) = 7.05547 Swedish Krona (SEK)
 US ဒေါ်လာနှင့်ဆိုလျှင် ၁,၄၁၇,၃၀၀.၀၀ )








စာပေနိုဗယ် ဆုတံဆိပ်၏
မျက်နှာစာ နှစ်ဖက်




စာပေနိုဗယ်ဆု ဆုချီးမြှင်ခြင်းခံရသည့် စာရေးဆရာများ ခုနှစ်အလိုက် 

1. 1901 , Mr. Sully Prudhomme                 Poet and Essayist      French      1839 - 1907
2. 1902 , Mr. Christian Matthias Theodor Mommsen  Historian,
                              jurist, journalist, politician, archaeologist      German    1817-1903
3. 1903 , Mr. Bjørnstjerne Martinus Bjørnson
                                      Poet, novelist, playwright, lyricist     Norwegian    1832 - 1910
4. 1904 , Mr. Frédéric Mistral                                     Poet     French          1830 - 1914
              Mr. José Echegaray y Eizaguirre
                       Dramatist, civil engineer and Mathematician     Spanish       1832 - 1916
5. 1905 , Mr. Henryk Sienkiewicz                          Novelist      Polish          1846 - 1916
6. 1906 , Mr. Giosuè Carducci                                    Poet      Italian         1835 - 1907
7. 1907 , Mr. Rudyard Kipling
                       Short story writer, novelist, poet, journalist       British        1865 - 1936
8. 1908 , Mr. Rudolf Christoph Eucken              Philosopher      German     1846 - 1926
9. 1909 , Ms. Selma Ottilia Lovisa Lagerlöf                Writer      Swedish     1858 - 1940
10. 1910 , Mr. Paul Johann Ludwig Heyse
                                 Lyric poet, dramatist, novelist, writer      German     1830 - 1914
11. 1911 , Mr.Count Maurice Polidore Marie Bernhard Maeterlinck
                                                 Playwright, poet, essayist       Belgian      1862 -1949
12. 1912 , Mr. Gerhart Johann Robert Hauptmann    Dramatist    German    1862 - 1946
13. 1913 , Mr. Rabindranath Tagore       Poet,  short-story writer,
                       novelist, essayist, playwright, philosopher,painter  Indian    1861 -1941
-- . 1914 , No Nobel Prize was awarded this year.
14. 1915 , Mr. Romain Rolland
                               Dramatist, Essayist, Art historian, Novelist    French   1866 - 1944
15. 1916 , Mr. Carl Gustaf Verner von Heidenstam  Poet, novelist  Swedish  1859 - 1940
16. 1917 , Mr. Karl Adolph Gjellerup                   Poet, novelist    Danish    1857 - 1919
                Mr. Henrik Pontoppidan          Novelist, realist writer    Danish    1857 - 1943
-- . 1918 , No Nobel Prize was awarded this year.
17. 1919 , Mr. Carl Friedrich Georg Spitteler                     Poet     Swiss     1845 - 1924
18. 1920 , Mr. Knut Pedersen Hamsun
                                     Author, poet, dramatist, social critic    Norwegian   1895-1952
19. 1921 , Mr. Anatole France                                 Novelist     French         1844 - 1924
20. 1922 , Mr. Jacinto Benavente                           Dramatist     Spanish      1866 - 1954
21. 1923 , Mr. William Butler Yeats                Poet, Dramatist       Irish        1865 - 1939
22. 1924 , Mr. Wladyslaw Stanislaw Reymont            Novelist      Polish       1867 - 1925
23. 1925 , Mr. George Bernard Shaw  Playwright,critic,political activist  Irish  1856 - 1950
24. 1926 , Ms. Grazia Deledda                       Writer, novelist      Italian       1871 - 1936
25. 1927 , Mr. Henri Bergson                   Writer, philosopher      French      1859 - 1941
26. 1928 , Ms. Sigrid Undset                                   Novelist    Norwegian    1882-1949
27. 1929 , Mr. Thomas Mann    Novelist,short story writer,essayist   German  1875 - 1955
28. 1930 , Mr. Sinclair Lewis   Novelist,playwright,short story writer  American 1885-1951
29. 1931 , Mr. Erik Axel Karlfeldt                                  Poet     Swedish      1864 - 1931
30. 1932 , Mr. John Galsworthy     Novelist, playwright, writer     British        1867 - 1933
31. 1933 , Mr. Ivan Alekseyevich Bunin    Novelist, short story writer  Russian 1870-1953
32. 1934 , Mr. Luigi Pirandello                        Dramatist , author     Italian    1867 - 1936
    . 1935 , No Nobel Prize was awarded this year.
33. 1936 , Mr. Eugene Gladstone O'Neill                Playwright     American    1888 - 1953
34. 1937 , Mr. Roger Martin du Gard              Novelist, author       French     1881 - 1958
35. 1938 , Ms. Pearl Buck              Writer, novelist , missionary    American   1892 - 1973
36. 1939 , Mr. Frans Eemil Sillanpää                               Writer    Finnish     1888 - 1964
   . 1940 , No Nobel Prize was awarded this year.
   . 1941 , No Nobel Prize was awarded this year.
   . 1942 , No Nobel Prize was awarded this year.
   . 1943 , No Nobel Prize was awarded this year.
37. 1944 , Mr. Johannes Vilhelm Jensen                         Writer     Danish    1873 - 1950
38. 1945 , Ms. Gabriela Mistral             Poet, diplomat, feminist     Chilean    1889-1957
39. 1946 , Mr. Hermann Hesse   Novelist, short story, essayist, poet  German  1877-1962
40. 1947 , Mr. André Paul Guillaume Gide        Novelist, essayist     French    1869 - 1951
41. 1948 , Mr. Thomas Stearns Eliot      Poet, dramatist, literary critic  British  1888 - 1965
42. 1949 , Mr. William Faulkner       Novelist , short story writer    American    1897 -1962
43. 1950 , Mr. Earl (Bertrand Arthur William) Russell     Philosopher,
                                                    logician, historian, social critic    British    1872 - 1970
44. 1951 , Mr. Pär Fabian Lagerkvist                                Poet,
                        playwright, novelist, essayist, short story writer     Swedish    1891 - 1974
45. 1952,Mr.François Mauriac   Novelist,dramatist,critic,poet,journalist  French  1885-1970
46.1953,Mr.Sir Winston Leonard Spencer Churchill Historian,writer,artist British 1874-1965
47. 1954 , Mr. Ernest Miller Hemingway           Author, novelist    American    1899 - 1961
48. 1955 , Mr. Halldór Kiljan Laxness               Author, novelist     Icelandic    1902 - 1998
49. 1956 , Mr. Juan Ramón Jiménez                                Poet      Spanish     1881 - 1958
50. 1957 , Mr. Albert Camus
                   Novelist, author, philosopher, journalist      French - Algerian     1913 - 1960
51. 1958 , Mr. Boris Leonidovich Pasternak    Novelist, author, poet   Russian  1890- 1960
52. 1959 , Mr. Salvatore Quasimodo                               Author     Italian    1901 - 1968
53. 1960 , Mr. Saint-John Perse (Alexis Leger)                     Poet    French    1887 - 1975
54. 1961 , Mr. Ivo Andric            Novelist, short story writer   Yugoslavian    1892 - 1975
55. 1962 , Mr. John Steinbeck
                     Novelist, short story writer, war correspondent     American    1902 - 1968
56. 1963 , Mr. Giorgos Seferis                        Poet, Diplomat       Greek      1900 - 1971
57. 1964 , Mr. Jean-Paul Charles Aymard Sartre Existentialist philosopher,
       playwright, novelist, political activist, biographer, literary critic   French   1905-1980
58. 1965 , Mr. Mikhail Aleksandrovich Sholokhov              Novelist   Russian  1905 - 1984
59. 1966 , Mr. Shmuel Yosef Agnon                    Author, novelist     Israeli   1888 - 1970
                Ms. Nelly Sachs                                 Poet, Playwright   German  1891 - 1970
60. 1967 , Mr. Miguel Angel Asturias
                               Poet, novelist, playwright, journalist      Guatemalan     1899 - 1974
61. 1968 , Mr. Yasunari Kawabata     Novelist, short story writer    Japanese   1899 - 1972
62. 1969 , Mr. Samuel Beckett     Novelist, playwright, poet, essayist    Irish   1906 - 1989
63.1970,Mr.Aleksandr Isayevich Solzhenitsyn,Novelist,dramatist,historianRussian1918-2008
64. 1971 , Mr. Pablo Neruda            Author, poet, politican         Chilean      1904 - 1973
65. 1972 , Mr. Heinrich Böll                         Writer, novelist       German      1917 - 1985
66. 1973 , Mr. Patrick White         Short story writer, essayist     Australian    1912 - 1990
67. 1974 , Mr. Eyvind Johnson        Writer, short-story writer      Swedish     1900 - 1976
                Mr. Harry Martinson                        Author, poet       Swedish     1904 - 1978
68. 1975 , Mr. Eugenio Montale    Poet, prose writer, editor, translator  Italian 1896-1981
69. 1976 , Mr. Saul Bellow   Novelist, playwright, writer  Canadian/American   1915-2005
70. 1977 , Mr. Vicente Aleixandre                         Poet         Spanish           1898 - 1984
71. 1978 , Mr. Isaac Bashevis Singer    Novelist, short story writer    Polish    1902 - 1991
72. 1979 , Mr. Odysseus Elytis                             Poet            Greek           1911 - 1996
73. 1980 , Mr. Czeslaw Milosz         Poet, prose writer, essayist       Polish     1911 - 2004
74. 1981 , Mr. Elias Canetti             Novelist, writer      Bulgarian/Greman     1905 - 1994
75. 1982 , Mr. Gabriel García Márquez                 Screenwriter,
                                    novelist, short story writer, journalist    Colombian  1927 - .......
76. 1983 , Mr. William Golding         Novelist, poet, playwright    British        1911 - 1993
77. 1984 , Mr. Jaroslav Seifert              Writer, poet, journalist    Czech         1901 - 1986
78. 1985 , Mr. Claude Simon                                    Novelist     French        1913 - 2005
79. 1986 , Mr. Wole Soyinka               Writer, poet, playwright    Nigerian      1934 - ......
80. 1987 , Mr. Joseph Brodsky                           Poet, essayist    Russian      1940 - 1996
81. 1988 , Mr. Naguib Mahfouz                                 Novelist     Egyptian     1911 - 2006
82. 1989 , Mr. Camilo José Cela      Novelist, short story writer    Spanish      1916 - 2002
83. 1990 , Mr. Octavio Paz                    Writer, poet, diplomat    Mexican      1914 - 1998
84. 1991 , Ms. Nadine Gordimer                               Writer,
                                   political activist, playwright, novelist   South African  1923 - .....
85. 1992 , Mr. Derek Walcott   Poet, playwright, writer, visual artist  Caribbean  1930-....
86. 1993 , Ms. Toni Morrison              Novelist, editor     African-American    1931 - .....
87. 1994 , Mr. Kenzaburo Oe   Novelist, short story writer, essayist Japanese  1935 -......
88. 1995 , Mr. Seamus Heaney                                        Poet       Irish       1939 -......
89. 1996 , Ms. Wislawa Szymborska       Poet, essayist, translator     Polish    1923 -......
90. 1997 , Mr. Dario Fo                    Playwright, actor, composer     Italian    1926 -......
91. 1998 , Mr. José Saramago               Playwright, novelist     Portuguese    1922 - 2010
92. 1999 , Mr. Günter Grass                       Playwright, novelist     German    1927 -......
93. 2000 , Mr. Gao Xingjian     Novelist, playwright, critic, painter   Chinese   1940 -.......
94. 2001 , Mr. Sir Vidiadhar Surajprasad Naipaul  Novelist,essayist Trinidadian 1932 -.....
95. 2002 , Mr. Imre Kertész                                   Novelist     Hungarian     1929 -.......
96. 2003 , Mr. John M. Coetzee  Novelist,essayist,literary critic  South African  1940 -.....
97. 2004 , Ms. Elfriede Jelinek   Novelist, playwright, social criticism  Austrian  1946 -.....
98. 2005 , Mr. Harold Pinter    Playwright, screenwriter, actor, poet   British   1930 - 2008
99. 2006 , Mr. Orhan Pamuk                                      Novelist     Turkish     1952 -.......
100. 2007 , Ms. Doris Lessing                          Writer, novelist      Iranian     1919 -.......
101. 2008 , Mr. Jean-Marie Gustave Le Clézio  Novelist,essayist,translator  French 1940-....
102. 2009 , Ms. Herta Müller               Novelist, essayist, poet      Romanian    1953 - ......
103. 1010 , December 10 .............              ...............                 ..........        ...............

ရည်ညွန်းချက်  -  အောက်ပါ website များမှ လေ့လာထားပါသည်။
                       http://nobelprize.org/
                       http://en.wikipedia.org/
                       google , images
စောသက်လင်း
---------------------------------------------------------------------------
မကြာမီ ....... ကျွန်တော်ပြန်ဖတ်ချင်နေသော စာအုပ်များ ၊ ၄  ။ ( ဘုံဘ၀မှာဖြင့် - သခင်တင်မြ )
                  ဖတ်မိဖတ်ရာ ... သခင်အောင်ဆန်းနှင့် ၀ါးလုံးအတွင်း နေရာယူကြပါ။
---------------------------------------------------------------------------

12.9.10

စောသက်လင်း ၊ ကျွန်တော်ပြန်ဖတ်ချင်နေသော စာအုပ်များ ၊ ၃

ဆရာမ ဂျူး ၏ ပင်လယ်နှင့်တူသော မိန်းမများ ဝတ္ထုသည် ကျွန်တော် နှစ်သက်သော မြန်မာ ဝတ္ထုရှည်များစာရင်းထဲတွင် ထိပ်ဆုံးမှ ပါဝင်ပါသည်။ ဆရာမ၏ ဝတ္ထုရှည်များထဲတွင် ကျွန်တော် အနှစ်သက်ဆုံး တစ်ပုဒ် လည်းဖြစ်သည်။ ဝတ္ထုဖန်တီးမှု အနုပညာအရရော ၊ ဝတ္ထုရေးသားခြင်း အတတ်ပညာအရရော ကျွန်တော် လေးစားသည့် မြန်မာဝတ္ထုရှည် တစ်ပုဒ် ဖြစ်ပါသည်။

ဤဝတ္ထုသည် ၁၉၉၆ ခုနှစ် နှစ်လယ်လောက်တွင် ထွက်ရှိခဲ့ပါသည်။ ကျွန်တော် ပထမနှစ်အပြီး တက္ကသိုလ်ကျောင်းပိတ်ရက်များတွင် ဖတ်ခဲ့ရသည်။ ၁၉၉၆ ခုနှစ် အောက်တိုဘာ ဒုတိယနှစ် ကျောင်းပြန်အဖွင့်တွင် ဤဝတ္ထုသည် ကျွန်တော်တို့ သူငယ်ချင်းများအကြား ဆွေးနွေးငြင်းခုံခဲ့ကြသည့် ခေါင်းစဉ်တစ်ခု ဖြစ်လာခဲ့သည်။ ကျွန်တော်တို့ သူငယ်ချင်းတတွေ သမိုင်းကျောင်းဝင်း ပုပ္ပါးဆောင်ရှေ့ ဗန်ဒါပင်အောက်ရှိ သစ်သားခုံတန်းလျားပေါ် ခြင်ကိုက်ခံထိုင်ပြီး ဤဝတ္ထုထဲမှာ ကျဆုံးသွားခဲ့သည့် အိမ်စိုးမေအကြောင်း ငြင်းခုံခဲ့ကြသည်။ ဤသို့ဖြင့် ၁၉၉၆ ခုနှစ် ဒီဇင်ဘာ ၇ ရန်ကုန်တက္ကသိုလ် စိန်ရတုသဘင် အထိမ်းအမှတ် ခန်းမ ဖွင့်ပွဲအပြီး တစ်ပတ်လောက်အကြာမှာတော့ တက္ကသိုလ်ကျောင်းများ ပိတ်သွားပါတော့သည်။ ကျွန်တော်တို့တတွေလည်း နယ်သို့ပြန်သွားခဲ့ကြရပြီး ထူးအိမ်သင်၏ ဂျပ်ဆင်ထိပ်က လရိပ်ပြာ ကို နားထောင်ရင်း အချိန်ဖြုန်းခဲ့ကြရသည်။

၁၉၉၇ ဒီဇင်ဘာတွင် ကျွန်တော်သည် ကုမ္ပဏီတစ်ခု၏ လမ်းဆောက်လုပ်ရေး စီမံကိန်းတစ်ခုတွင် အလုပ် လုပ်ပါသည်။ မိုင် ၇၀ လောက် ရှည်သည့် လမ်းတွင် ဟိုစခန်း သည်စခန်း ပြောင်းရွေ့ နေကြရသည်။ ကျွန်တော့် အိပ်ရာလိပ်ထဲတွင် စာအုပ် ၃၊ ၄ အုပ် အမြဲရှိခဲ့သည်။ ဆရာ မောင်ခင်မင် (ဓနုဖြူ) ၏ စကားပြေ သဘောတရား စကားပြေအတတ်ပညာ၊ ဆရာကျော်အောင် ဘာသာပြန်သည့် ကမ္ဘာ့ ဂန္ထဝင် တစ်ဆယ် (မူရင်း - အင်္ဂလိပ် စာရေးဆရာ William Somerset Maugham ၏ Ten novels and their authors) ၊ ဆရာမ ဂျူး ၏ ပင်လယ်နှင့်တူသော မိန်းမများ။ ထိုအချိန်က ကတ္တရာလမ်းဘေး ကျောက်ပုံပေါ်တွင် ထိုင်ရင်း ကျွန်တော် အခေါက်ခေါက် ဖတ်ခဲ့သော စာအုပ်များဖြစ်ပါသည်။ အခြား ဖတ်စရာဟူ၍လည်းမရှိ။

၁၉၉၉ ဒီဇင်ဘာတွင် တက္ကသိုလ်ကျောင်းများ ပြန်ဖွင့်သောအခါ ကျွန်တော်တို့တတွေ ပြည်မြို့သို့ ပြောင်းရွေ့ကြရသည်။ ကျွန်တော်အတွက်တော့ ဧရာဝတီမြစ်နှင့် နီးနီးကပ်ကပ် ခင်မင်ခွင့် ရသွားခဲ့ပါသည်။

အခုချိန် ဧရာဝတီမြစ်နှင့်ဝေးရာ မိုင်ပေါင်းများစွာမှာ ဘ၀ကို သက်သာသလို လှော်ခတ်နေရင်းမှ  ဧရာဝတီ ကိုချစ်တယ် ဟုပြောရတာ မျက်နှာပူဖို့တော့ ကောင်းလှသည်။ ဧရာဝတီကတော့ ကျွန်တော်ကို စာနာ ခွင့်လွှတ်နိုင်လိမ့်မည်ဟု ထင်ပါသည်။

ကျွန်တော်သည် ဧရာဝတီမြစ်ကို ကမ်းစပ်ထိ ဆင်း၍ မြစ်ရေနှင့် ထိတွေ့ခဲ့ဖူးသည့် နေရာများကို စဉ်းစား ကြည့်သည်။  မြစ်ညာမှစ၍ စုန်ဆင်းလျှင် တကောင်း ၊ တွင်းငယ် ၊ စပယ်နဂို ၊ သပိတ်ကျင်း။   ဧရာဝတီမြစ်အထက်ဆိုလျှင် တကောင်းအထိသာရောက်ဖူးသည်။ ထို့နောက် မင်းကွန်း၊ မန္တလေး၊ စစ်ကိုင်း၊ အမရပူရတ၀ိုက်။ ဆက်ဆင်းလျှင် ပခုက္ကူ၊ လက်ပင်ခြေပေါ်၊ ပုဂံ ညောင်ဦး၊ စလေ။ ရေနံချောင်း၊ သံကိုင်း၊ မကွေး၊ အောင်လံ၊ ပြည်၊ ထုံးဘို ၊ ဇလွန်၊ ဟင်္သာတ။ ရှေ့ဆက်အောက်ပိုင်းကိုတော့ မရောက်ဖူးတော့ပါ။ ဧရာဝတီမြစ်ကမ်းတိုင်းသည် ကျွန်တော်ကို မိန်းမော တွေးငေးသွားအောင် ပြုစားသွားစမြဲဖြစ်သည်။

ကျွန်တော် ပြည်မြို့သို့ ရောက်ရှိပြီး မေဂျာတူ သူငယ်ချင်း နှစ်ယောက်နှင့် စာပေကို အကြောင်းပြု၍ တွဲမိ သွားသည်။ တစ်ယောက်က ရေနံချောင်းမြို့မှ ဖြစ်ပြီး တစ်ယောက်က ရေနံချောင်းမြို့တဘက်ကမ်း သူဌေးကုန်းရွာမှ ဖြစ်သည်။ ဤသူငယ်ချင်း နှစ်ယောက်ကို အကြောင်းပြု၍ ပင်လယ်နှင့်တူသော မိန်းမများ ဝတ္ထု ဇာတ်အိမ်တည်ရာ နေရာများသို့ ကျွန်တော်၏ လေ့လာရေးခရီး စတင်ပါတော့သည်။

၂၀၀၁ ခုနှစ် အောက်တိုဘာလ သီတင်းကျွတ်ကျောင်းပိတ်ရက်တွင် ကျွန်တော်တို့ သူငယ်ချင်း တတိုက်  စွယ်တော်ဖူးလိုင်းကားဖြင့်ပြည်မြို့မှ သစ်ရာကောက်ရွာ၊ထိုမှ မကွေးမြို့ရှိ သူငယ်ချင်းများအိမ်သို့  သွားလည်ကြသည်။ မြေလတ်ဒေသ မြင်ကွင်းများသည် ကဗျာများနှင့်တူသည်။ မြေကို ထိုးဖြဲထားသည့် ယာခင်းများသည် စုတ်ချက်ကြမ်းသည် ဆီဆေးပန်းချီကားများနှင့်တူသည်။ ပဲစင်းငုံခင်းများကို ဖြတ်သန်းလာသည့် သီတင်းကျွတ်လ၏ နံနက်ခင်းလေသည် ခြည်စောင်ကြားကို ရေခဲဓါးအလား ထိုးခွဲဝင်ရောက်လာသည်။ မြေလတ်သူ မြေလတ်သားများ အလိုလိုနေရင်း ကဗျာဆရာများ ဖြစ်နေသည်မှာ ဤဒေသ၏ ရှုခင်းများကြောင့် ဖြစ်မည်ထင်သည်။ ကံပြားရွာသား သူငယ်ချင်းအိမ်သို့လည်း သွားလည်ကြသည်။ မကွေးမြို့ GTC မှာ ဆောက်လုပ်ဆဲဖြစ်သည် ။ ကျောင်းရှေ့ ရေကန်ကြီးမှာ သဘာဝအတိုင်းရှိသေးသည်။ အသားညိုညို ကံပြားသူများသည်လည်း ခင်မင်ချင်စရာ ကောင်းလှသည်။ မကွေးမြို့၏ မန္တလေးရမ်ညများမှာလည်း ခါတိုင်းထက် ပိုမှောင်လွန်းသည်။

မကွေးမြို့မှ ရေနံချောင်းမြို့ ရောက်သည့်နေ့တွင် တမြို့လုံးလျှောက်လည်ကြသည်။ စနေနံဘုရား၊ ကျောက်စာရုံ၊ ကုန်းရိုးကလေးများ၊ သဲချောင်းများ၊ရေနံစင်ကြီးများ....။ မြင်ကွင်းများသည် ဆရာမ ဂျူး ၏ စာများထဲမှ ရှုခင်းများဖြစ်ကြသည်။ ဆရာမ ဂျူး ၏ ပထမဆုံး ပုံနှိပ် စာမူဖြစ်သည့် ရာဇဝင်ထဲမှာ မောင့်ကို ထားရစ်ခဲ့ ဝတ္ထုတိုထဲမှ ဇာတ်ဝင်ခန်းနေရာ ဖူးစာကုန်းသို့လည်း ရောက်ခဲ့သည်။ မိုးရေစားမြောင်း အပြိုင်းပြိုင်းဖြင့် ဖူးစာကုန်းကမ်းပါးသည် မတ်စောက်လှ၏။ ရေနံချောင်းမြို့ ညောင်လှဆိပ်ကမ်းမှ ဧရာဝတီ မြစ် တဘက်ကမ်းရှိ သူဌေးကုန်းရွာသို့ ကူးခဲ့ကြသည်။ သူဌေးကုန်းရွာသည် ဧရာဝတီမြစ်နှင့် မုန်းချောင်း ဆုံတွေ့သည့် နေရာ အထက်နားလေးတွင် ရှိပါသည်။

ဝတ္ထုထဲတွင် စိတ်ဖြင့်ရင်းနှီးခဲ့သော နေရာများသို့ ကိုယ်တိုင်သွားရောက်ကြည့်ရှုခြင်းသည် ရင်ခုန်စရာ ကောင်းပါသည်။

နောက်နေ့နံနက် ကျွန်တော်တို့ သူငယ်ချင်း ၃ ယောက် စက်ဘီးကိုယ်စီဖြင့် လယ်ကန်သင်းရိုးများပေါ်ဖြတ်၍ သံကိုင်းဆိပ်ကမ်းသို့ သွားကြသည်။ တစ်နာရီခန့် နင်းရပါသည်။ လယ်များ ရိတ်သိမ်းပြီးကာစ ဖြစ်သည်။ ကောက်ရိုးစိမ်းရနံ့များ သင်းပျံ့နေသည်။ တချို့နေရာများတွင် ဧရာဝတီ နံဘေးမှကပ်၍ နင်းရသည်။ ကြက်သွန်နီများကို မြစ်ရေတင်၍ တပိုင်တနိုင် စိုက်ပျိုးနေကြသည်။ ကျွန်တော်တို့တတွေ လူပြတ်သည့် နေရာများတွင် သံကုန်အော်ဟစ်ကြ၏။

ကျွန်တော်တို့ သံကိုင်းဆိပ်သို့ ရောက်သောအချိန်သည် နံနက် ၈ နာရီခန့်ရှိပြီ။ မော်တော်နှင့် လှေအချို့တို့ ဆိုက်ကပ်လာကြပြီး အချို့က ထွက်ခွါဖို့ ပြင်ဆင်နေကြသည်။ ဆိပ်ကမ်းတွင် လူသူစည်ကားနေ၏။ မြစ်ရေသည် ကမ်းပါးအောက်ဘက် အတော်ဝေးဝေးတွင် စီးဆင်းနေသည်။ ဆိပ်ကမ်းသည် သာမန်သာဖြစ်သည်။  ဧရာဝတီမြစ်နံဘေး နေရာတိုင်းတွင် တွေ့နိုင်သည့် ပုံမှန် ဆိပ်ကမ်း မျိုးပင်ဖြစ်၏။ သံကိုင်းဆိပ်ကမ်းသည် ရေနံချောင်းမြို့ မြစ်တဘက်ကမ်း မျက်စောင်းမထိုးတထိုး လောက် တွင်ရှိသည်။ ကျွန်တော်တွင် ရည်ညွန်းစရာ ဓါတ်ပုံများ မရှိသဖြင့် Google Earth မှ ပုံများဖြင့်သာ ညွန်းလို ပါသည်။

ဝတ္ထုကို သံကိုင်းဆိပ်ကမ်းတွင် စတင်သလို ၊ အဆုံးလည်း သည်နေရာမှာပင်။ ဟင်္သာသည် သူ၏ သား နှင့် သမီးကို သံကိုင်းမော်တော်ဆိပ်တွင် လာကြိုသည့် အခန်းဖြင့် ဝတ္ထုစတင်သလို၊ မြစ်အတွင်း သွားလာဖို့ စပ်ထားသည့်လှေငယ်ဖြင့် ပင်လယ်တွင်းသို့ ဟင်္သာ ထွက်ခွာသွားသည့်အခန်းဖြင့် ဝတ္ထုကို အဆုံး သတ်ခဲ့ပါသည်။ ဟင်္သာ နှင့် အိမ်စိုးမေ တို့ စတင်တွေ့ဆုံသည့် နေရာမှာလည်း သံကိုင်းဆိပ်ကမ်းသို့ ကူးလာ သည့် ကူးတို့လှေပေါ်တွင် ဖြစ်သည်။ လှေပေါ်မှ အဆင်းတွင် အိမ်စိုးမေ က ဟင်္သာကို မေး၏။

''အယ် ... နေဦး၊ ခဏနေဦး ကောင်လေး''
ကောင်မလေး၏ အသံကြောင့် သူ တုံ့ခနဲ ရပ်သွား၏။ ကောင်မလေး သူ့ထံ လျှောက်လာသည်။ ပန်းနုရောင် ဂါဝန်ကလေးသည် မြစ်ပြင်မှ ဖြတ်တိုက်လာသော လေဖြင့် အနားများ ဖားဖားလွင့်လျက် ရှိသည်။ ကောင်မလေး၏ စူးရှသော မျက်ဝန်းများ အနည်းငယ်မျှပင် မပြုံးပါ။ နီထွေးပါးလျားသော နှုတ်ခမ်းများသည် သူ မြင်ဖူးသည့် ကော်ပတ်ရုပ်လှလှလေး၏ နှုတ်ခမ်းလို ကော့၍ စိုလက်နေသည်။
''နင့်ကို မေးခွန်းတစ်ခု မေးမလို့၊ နင် တို့ဗမာအစည်းအရုံးဆိုတာ သိလား''
''ခင်ဗျာ ....''
သူ ပါးစပ်အဟောင်းသား ဖြစ်သွား၏။ ''မသိဘူး၊ အဲဒါက ဘယ်မှာလဲ'' ကောင်မလေးသည် သူ့ကို ခြေဆုံး ခေါင်းဆုံး ဟန်ပါပါ တစ်ချက်ကြည့်လိုက်သည်။ ထိုအကြည့်အောက်မှာ သူ့ ကိုယ်ခန္ဓာ ကြုံ့ဝင်သွား၏။

ဧရာဝတီမြစ်ကမ်းနံဘေးရှိ သံကိုင်းမော်တော်ဆိပ်
သံကိုင်းဆိပ် ထနောင်းပင်အောက်ရှိ အညာမုန့်ဟင်းခါးမှာ စားကောင်းလှသည်။ အညာမုန့်ဟင်းခါးသည် အောက်ပြည်မုန့်ဟင်းခါးနှင့် မတူ၊ ပဲကို အခြေခံသည့် မုန့်ဟင်းရည်ဖြစ်သည်။ သံကိုင်းဆိပ်ကမ်းမှ ကုန်းစောင်းရွာသို့ ခရီးဆက်ကြသည်။ မြင်းလှည်းများသာ အဓိက အသုံးပြုသည့် လမ်းလိုဖြစ်နေသည်။ ပြင်ပမှလမ်းသည် ဝတ္ထုထဲမှ လမ်းလို ကြမ်းတမ်းနေဆဲ။ အချို့ လယ်ကွင်းများမှာ ရိတ်သိမ်းနေကြသည်။ လမ်းဘေးနှစ်ဘက်မှ ထနောင်းပင်များမှာလည်း ဝတ္ထုထဲကလိုပင်အစီအရီ။ ရေမြောင်းများထဲတွင် ရေခမ်းခြောက်စပြုနေပြီ။

သံကိုင်းမော်တော်ဆိပ် နှင့် ကုန်းစောင်းရွာကို ဆက်သွယ်ထားသည့် ထနောင်းပင်များ ဘေးနှစ်ဘက် ခြံရံထားသော ကျောက်လမ်း

ဆရာမ ဂျူး က ဝတ္ထုမှာ လမ်းအကြောင်းကို ဤသို့ ရေးထားသည်။

".........ကုန်းစောင်း နှင့် သံကိုင်း အကြားကလမ်းသည် လမ်းခင်းသည့် ကျောက်တုံးကြီးများပင် အစီအရီ ပေါ်နေ လောက်အောင် ဟောင်းနွမ်းပြီး ချိင့်ခွက်များ များပြားစွာ အိုဟောင်းနေသည့် လမ်းဖြစ်သောကြောင့် မြင်းလှည်း နှင့် ခရီးသွားရတာ အလွန် ကြမ်းတမ်း လှသည်။ ကျောက်တုံးများပေါ် မှ ဘီးဖြတ်နင်းတိုင်း မြင်းလှည်း အိမ် သည် လှုပ်ခါဆောင့်ယမ်းလျက် ထိုင်ရသည့် ခရီးသည်မှာ ကိုယ်ခန္ဓာအဆစ်တွေ ပြုတ်ထွက် သွားပြီဟု ထင်ရမတတ် နာကျင်စေသည်။....."
" .........လမ်းဘေးဝဲယာတွင် ထနောင်းပင်များ စီတန်းလျက်ရှိသည်။ ထနောင်းပင်တွေ၏ အလွန်မှာတော့ မှည့်ဝင်းလျက်ရှိသည့် စပါးနှံများဖြင့် လှပသော လယ်ကွက်များ....။ ညွတ်ကျနေသည့် စပါးနှံများသည် လေဖြင့်ခပ်ငိုက်ငိုက် ယိမ်းနွဲ့နေကြသည်။......"

ကုန်းစောင်းရွာ ( ရေမြောင်းတာဘောင်ကြီးက ရွာကို ဖြတ်သန်းသွားခဲ့သည် )

ကုန်းစောင်းရွာသည် စာရေးဆရာ နေ၀င်းမြင့်၏ မွေးရပ်မြေ ဇာတိလည်း ဖြစ်ပါသည်။ ဆရာငယ်ရွယ်စဉ်က ကုန်းစောင်းရွာတွင် ပညာသင်ကြားခဲ့သည်။ ဤရွာမှပင် စာပေနှင့် ရင်းနှီးခဲ့သည်ဟု မဂ္ဂဇင်း အင်တာဗျူး တစ်ခုတွင် ဖတ်ခဲ့ဖူးသည်။ ကုန်းစောင်းရွာကို ဖြတ်သွားခဲ့သည့် ရေမြောင်းမှာ ဝတ္ထုထဲရော ပြင်ပမှာပါ ထင်ရှားသည့် နေရာဖြစ်ပါသည်။  ဝတ္ထုထဲတွင်...".......... တလင်းပြင်၏ တစ်ဖက်က မြောင်းပေါင်ပေါ်တွင် ကြီးမားသော သရပ်ပင်တန်းသည် အုပ်အုပ်ဆိုင်းဆိုင်း မှိုင်းညို့ ငြိမ်သက်နေ၏။ ဤပတ်ဝန်းကျင်၏ တစ်ခုတည်းသောအသံမှာ မြောင်းကြီးအတွင်းမှ ရေစီးသံသဲ့သဲ့ပင် ဖြစ်သည်။ ........"    "......... ဤရေမြောင်းကြီးသည် ကုန်းစောင်း၏ အသက်ဖြစ်သည်။ ကုန်းစောင်းအနီးတဝိုက်က လယ်ကွင်းများသည် ဤရေမြောင်းမှ ရေသွင်းယူ၍ ရှင်သန်ကြီးထွားကြရသည်။ ထို့အပြင် ဤရေမြောင်းသည် မမ အိမ်စိုးမေ နှစ်သက်သော အရာများထဲတွင် တစ်ခုအပါအဝင်ဖြစ်သည်။......... "

ကုန်းစောင်းဈေးမှာ လူစည်းကားနေသည်။ ဈေးအ၀င်ပေါက်နားက လက်ဖက်ရည်ဆိုင်၏ ကုက္ကိုပင်အောက် စားပွဲခုံမှာ ၀င်ထိုင်ကြသည်။ ကျွန်တော်သည် တစုံတယောက်ကို ရှာဖွေနေ၏။ တကယ်တော့ ကျွန်တော်စိတ်ကူး  ကြောင်နေသည်သာဖြစ်သည်။ ဝတ္ထုသည် ဝတ္ထုသာဖြစ်၍ လက်တွေ့လောကသည်သာ အစစ်အမှန် ဖြစ်သည်။

ကျွန်တော်တို့ သူငယ်ချင်း၏ အဒေါ်အိမ်သို့ သွားလည်ကြသည်။ သူငယ်ချင်းက ဆွေမျိုးများနှင့် စကားပြောနေစဉ် ကျွန်တော်သည် ရေမြောင်းတာဘောင်ဆီသို့ လမ်းလျှောက်လာခဲ့သည်။ သစ်ပင်တန်းကြီးသည် ရေမြောင်းဘောင်ကို အရိပ်ထိုး လွှမ်းမိုးထား၏။ ရေမြောင်းဘောင် တဘက်ခြမ်းရှိ စပါးစက်ြကီးမှ မီးခိုးများ ထွက်နေသည်။ ရေသည် သီတင်းကျွတ်လနှင့် မလိုက်ဖက်အောင် မြောင်းထဲတွင် အရှိန်ဖြင့် စီးဆင်းနေ၏။ ဆည်ရေလွှတ်နေခြင်းဖြစ်မည်။

ကျွန်တော်သည် ဝတ္ထုအကြောင်း စဉ်းစားနေမိသည်။ ဝတ္ထုသည် သာမန်ဇာတ်လမ်းသာ ဖြစ်၏။ ငွေအိမ်၊ အိမ်စိုးမေ၊ ငွေအိမ်စံ အမျိုးသမီး ၃ ဦး အကြောင်း၊ ထိုအမျိုးသမီး ၃ ဦးက မိမိတို့ဆိုင်ရာခေတ်ကို  ဖြတ်သန်း ကြသည့်အခါမှာ စိတ်ဝင်စားစရာများဖြစ်လာသည်။ ခေတ်က လူတို့၏ အတွေးအခေါ်များကို ပြောင်းလဲ စေသလား ၊  လူတို့၏ အတွေးအခေါ်များက ခေတ်ကို ပြောင်းလဲစေသလား။ နှစ်ခုစလုံးကတော့ ပြောင်းလဲ နေကြသည်။ ဝတ္ထုထဲတွင် အမျိုးသမီး ၃ ဦးက သူတို့၏ ခေတ်ကို ထင်ဟပ်စေသည့် စကားများကို ပြောခဲ့ကြသည်။ ကျွန်တော် အကြိုက်ဆုံးမှာ ဆိုရှယ်လစ်ခေတ်တွင် ငွေအိမ်စံ ပြောခဲ့သည့်စကားဖြစ်သည်။

''ဘဘကလဲ အိမ့်ကို တစ်ခါပြောဖူးတယ် ဖေဖေ၊ ငွေအိမ်စံဟာ အဘွားတွေ အမေတွေနဲ့ နည်းနည်းမှ မတူဘူးတဲ့''  သမီး၏အပြုံးက လျော့တိလျော့ရဲကလေး ...။ သမီး၏မျက်ဝန်းများမှာ ခေါင်းမာမှုနှင့် နာကျင်မှုကို တွေ့ရ၏။          ''ဘဘ   ဆိုလိုချင်တာကို အိမ် သိပါတယ်။ ဘွားဘွားကလဲ အင်္ဂလိပ်ခေတ်မှာ အင်္ဂလိပ်ကို တော်လှန်ဖို့ တက်ကြွတဲ့ မျိုးချစ်စိတ်နဲ့ကြီးပြင်းခဲ့တယ်၊ မေမေကလဲ ဂျပန်ခေတ်မှာ ဂျပန်ကို တော်လှန်ဖို့ တက်ကြွတဲ့ မျိုးချစ်စိတ်နဲ့ ကြီးပြင်းခဲ့တယ်။ အိမ်က ဘာတော်လှန်ရမှာလဲ၊ ဘာမျိုးချစ်စိတ်နဲ့ ဘာကို တော်လှန်ရမှာလဲ ဖေဖေ'' ကျွန်တော် စကားဆွံ့အသွားကာ သမီး၏ လက်ဖျားကလေးတစ်ဖက်ကို ခပ်ဖွဖွဆုပ်မိသည်။

တိုက်ပွဲအတွင်း အိမ်စိုးမေ ကျည်သင့်၍ ကျဆုံးခါနီး ဟင်္သာကို ''ရဲဘော်၊ ဝပ်လေ .... ဝပ်နေ'' ဟု ကိုယ်နှင့် ကာကွယ်ရင်း ပြောခဲ့သောစကားသည် ကျွန်တော်ကို နှစ်ပေါင်းများစွာ ယနေ့တိုင် အဖြေမရအောင် တွေးတော စေခဲ့ပါသည်။ ဇနီးက ခင်ပွန်းကို အန္တရာယ်သင့်ခါနီးမှာ ရဲဘော် ဟု အော်ဟစ်သွားခဲ့ခြင်းသည် တော်လှန်ရေးကြောင့်လား၊ အိမ်စိုးမေမို့လို့လား။

ပင်လယ်နှင့်တူသောမိန်းမများ ဝတ္ထုနှင့် ပတ်သက်၍ ကျွန်တော်မှာ ပြောစရာတွေ အများကြီးရှိသလို ရုပ်ရှင် ဖြစ်သည့် တစ်ခါကဧရာဝတီညများနှင့် ပတ်သက်၍လည်း ပြောစရာတွေ အများကြီးရှိသည်။ ဝတ္ထု ဖန်တီး သည့်အနုပညာနှင့် ရုပ်ရှင်ရိုက်ကူးသည့်အနုပညာကြားတွင် ကွာခြားမှုတွေရှိပါသည်။ထို့ကြောင့်ပင်လယ်နှင့် တူသောမိန်းမများ ပြောခဲ့ကြသည့် စကားလုံးများထက် တစ်ခါက ဧရာဝတီညများသည် မပြနိုင် ဖြစ်သွားခဲ့ရသည်။ လေးဖြူ သီဆိုခဲ့သည့် တစ်ခါကဧရာဝတီညများထဲမှ ရုပ်ရှင်သီချင်းကိုတော့ ကြိုက်သည်။ တေးရေးဆရာကို သိချင်သည်။ ( http://myanmarmp3album.com/2009/03/22/8264/ )


ကျွန်တော်တို့ မုန်းမြစ်ဆိပ်သို့ ဆက်သွားခဲ့ကြသည်။ မုန်းမြစ်သည်လည်း ဝတ္ထုထဲမှာ အဓိက ဇာတ်ဆောင် ဖြစ်ခဲ့သည်။ မုန်းမြစ်သည် ဧရာဝတီမြစ်အတွင်း စီးဝင်ခါနီး တတ်နိုင်သလောက် ကွေ့ဝိုက် စီးဆင်းနေ၏။ မုန်းမြစ်သည် ကျွန်တော့်ရှေ့တွင် အရှိန်ဖြင့် စီးဆင်းနေသည်။  ၀ါးဖောင်တို့ မြစ်ပြင်ထဲ မျောပါသွားကြ၏။ မုန်းဆိပ်မှာ ကူးတို့လှေတစ်စီး ဆိုက်ထားသည်။


ကုန်းစောင်းရွာ ၊ လယ်ကွင်းများ နှင့် ကွေ့ဝိုက်နေသော မုန်းမြစ်

ဟင်္သာနှင့် အိမ်စိုးမေတို့ ဒုတိယအကြိမ် ပြန်လည် ဆုံတွေ့သည်မှာ မုန်းဆိပ် ကူးတို့လှေပေါ်မှာဖြစ်သည်။  
ဝတ္ထုထဲမှာ''အစ်မ သံကိုင်းဆိပ်မှာ ကျွန်တော့်ကို မေးခဲ့တဲ့ မေးခွန်းတွေ ကျွန်တော် ဖြေနိင်ပြီ အစ်မ၊ ထပ်မေးဦးမလား ဟင်'' သူက ဝါးလုံးဖြင့် ထိုးသွားပြီး မြစ်အထက်ဘက်သို့ လှေကို ဆန်သွား၏။

ကျွန်တော်တို့ ကူးတို့လှေပေါ်မှာတော့ ကျွန်တော်တို့ ၃ ဦးနှင့် လှေသမား အဘိုးကြီးသာပါသည်။ ကျွန်တော်တို့ မုန်းမြစ်ကိုကူး၍ ကျောင်းတော်ရာ ၊ ထိုမှ ပွင့်ဖြူမြို့သို့ ခရီးဆက်ကြဦးမည်။ မုန်းမြစ်တဘက် ကမ်းပါးသည် မတ်စောက်လှ၏။ ကျွန်တော်သည် မုန်းမြစ်ကို ငုံ့ပြီးငေးကြည့်နေသည်။

ကျွန်တော်၏ စိတ်ကူးမြင်ကွင်းထဲတွင် လှေတစ်စီး မုန်းမြစ်ပြင်၌ တိမ်လိုဘဲ အရှိန်ဖြင့် မျှောပါနေသည်။ ကမ်းပါးပေါ်တွင် မြင်းလှည်းတစ်စီး ဒုန်းစိုင်းပြေးနေ၏။ ပထမတော့ စိတ်စွဲလမ်းလွန်းလို့ မြင်ယောင်တာပဲဟု ထင်မိသည်။  ''မမ အိမ်စိုးမေ ....'' သူ့အသံ ကျယ်လောင်လွန်းသဖြင့် တိမ်တွေပင် လန့်ဖျပ်ကာ ပို၍လျင်မြန်စွာ ပြေးသွားလေသည်။ မမက ရုတ်ခြည်း လှည့်ကြည့်သည်။ မြင်းလှည်းကလည်း ပြေးနေဆဲ ... လှေကလည်း ပြေးနေဆဲ..... တိမ်တွေကလည်း ပြေးနေဆဲ...................။

* * * * * * * * *

၅။ ဘုံဘ၀မှာဖြင့် ၊ သခင်တင်မြ

မြေအောက်တော်လှန်ရေး ။ မြေအောက်တော်လှန်ရေး အသုံးအနှုန်းနှင့် ပတ်သက်၍ ကျွန်တော် ပထမဦးဆုံး ရင်းနှီးခဲ့သည်မှာ ငယ်စဉ် ကျောင်းစာထဲမှ ဖြစ်သည်။ ဟင်္သာတ ခရိုင်ဝန်က ဆုငွေ ၅ ကျပ်ဖြင့် ဖမ်းဝရမ်းထုတ်သောကြောင့် သခင်အောင်ဆန်းသည် တော်လှန်ရေးလုပ်ရန် မြေအောက်သို့လျှိုဝင် သွားလေသည်။  ဟာ...... မြေကြီးအောက်ကို ဘယ်လိုများ လျှိုဝင်သွားပါလိမ့်။ မြေကြီးအောက်မှာ ဘယ်လိုများ တော်လှန်ရေး လုပ်ကြမှာပါလိမ့်။ ကျွန်တော် ငယ်စဉ်က တွေးခဲ့ဖူးပါသည်။

( ဆက်ရန် )
---------------------------------------------------------------------------------------


မကြာမီ ....... စွန်လွတ်ခြင်း။
                  ကင်းဝန်မင်းကြီး ၊ botanical garden နှင့် သမိုင်းထဲမှာ ရပ်ပြီး မကျန်ရစ်ခဲ့တဲ့မြို.။

--------------------------------------------------------------------------------------